Iragarkia

6. ALDIZKARIA - 2023ko urtarrilaren 10a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

3207/2022 EBAZPENA, abenduaren 12koa, Funtzio Publikoko zuzendari nagusiak emana, behean aipatzen direnak Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatzen dituena, administrazio publikoko teknikarien (arlo juridikoa) lanpostuetan aritzeko, eta lanpostua esleitzen diena.

Funtzio Publikoko zuzendari nagusiaren abenduaren 1eko 2681/2020 Ebazpenaren bitartez, deialdi bat onetsi zen Nafarroako Foru Komunitateko Administrazioaren eta haren erakunde autonomoen zerbitzurako administrazio publikoko teknikarien (arlo juridikoa) hogeita hamasei lanpostu oposizio bidez betetzeko. Ebazpena 2020ko 293. Nafarroako Aldizkari Ofizialean argitaratu zen, abenduaren 18koan.

Funtzio Publikoko zuzendari nagusiaren otsailaren 1eko 298/2021 Ebazpenaren bidez, deialdian onartu eta baztertutako izangaien behin-behineko zerrenda onetsi zen. Ebazpen hori 2021eko 43. Nafarroako Aldizkari Ofizialean argitaratu zen, otsailaren 25ekoan.

Funtzio Publikoko zuzendari nagusiaren ekainaren 21eko 1797/2021 Ebazpenaren bidez, izangai onartuen eta baztertuen behin betiko zerrenda onetsi, eta oposizioko lehenbiziko proba egiteko eguna, tokia eta ordua finkatu ziren. Ebazpen hori 2021eko 169. Nafarroako Aldizkari Ofizialean argitaratu zen, uztailaren 21ekoan.

Hautaprobak bukaturik, Funtzio Publikoko zuzendari nagusiaren ekainaren 13ko 1549/2022 Ebazpenaren bidez, deialdiko 8. oinarrian ezarritako betebeharrak frogatzeko epea ireki zen, eta, ondoren, uztailaren 11ko 1823/2022 Ebazpenaren bidez, lanpostu hutsak aukeratzeko ekitaldirako deia egin zen eta 10 egun balioduneko epea ireki zen lanpostuak aukeratzeko.

Azkenik, kalifikazio epaimahaiak izendapen proposamena egin zuen, probak gainditu dituzten izangaietatik deialdiko lanpostuetan sartzen direnak izenda daitezen, deialdian eskatutako betebeharrak betez gero. Proposamen hori 2022ko 187. Nafarroako Aldizkari Ofizialean argitaratu zen, irailaren 20koan.

Eskatutako dokumentazioa behar zen epean aurkezturik eta proposatutako izangaiek betebeharrak betetzen dituztela egiaztaturik, bidezkoa da izendapena egitea eta bakoitzari dagokion lanpostu hutsa esleitzea.

Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,

EBAZTEN DUT:

1. Honako izangai hauek izendatzea Nafarroako Foru Komunitateko Administrazioaren eta haren erakunde autonomoen zerbitzuko funtzionario, administrazio publikoko teknikarien (arlo juridikoa) lanpostuan aritzeko: Rubén Pérez Goñi jauna, Nuria Esparza Pardo andrea, Nerea Macuso Moreno andrea, Felipe David Valcarcel Samonete jauna, Javier Alecha Hernández jauna, Begoña López de Goicoechea Guembe andrea eta Pedro Jiménez Palacios jauna, igoera txandakoak; eta Itziar San Martín Erice andrea, Marta Guembe Ibañez andrea, Javier Zazu Ercille jauna, Javier Moreno Zudaire jauna, Amaia Larrambe Saldaña andrea, Noelia Zubieta González andrea, Rebeca Pascal Jaso andrea, Santiago Pasquier Martínez jauna, Nerea Eneriz Sánchez andrea, Raquel Remírez Barragán andrea, Itziar Patrocinio Albizu Uriguen andrea, Sara Ayerbe Ostiza andrea, Irene Martínez García andrea, Julia Fabiana Sireix Perta andrea, Pedro Luis Bados Otazu jauna, Beatriz Aceña Laparra andrea, Alberto Elizalde Lasheras jauna, Íñigo Roldán Catalán jauna, Juan José Pérez Capapay jauna, Mercedes Conejo Pérez andrea, María del Mar Torres Echeverría andrea, Iñaki Goñi Urrizola jauna, Javier Jesús Vitrián Conde-Salazar jauna, Leyre Iribarren Gil andrea, José Enrique Zabalza Lucea jauna, Maite Solano Pitillas andrea, Maite Tellechea Olaiz andrea, María Díaz Castillo andrea eta Garazi Urritza Uhalde andrea, txanda irekikoak.

2. Lanpostu hutsak esleitzea I. eranskinean xedatutakoarekin bat.

3. Xedatzea ezen proposatu diren izangaiek hartu beharko dutela lanpostuaren jabetza lanpostuari dagokion atxikipen departamentuetako idazkaritza tekniko nagusietan, Nafarroako Foru Ogasuneko Administrazio Atalean, Nafar Lansare-Nafarroako Enplegu Zerbitzuko Araubide Juridikoaren eta Langileriaren Atalean eta Osasunbidea-Nafarroako Osasun Zerbitzuko Deien Koordinazio eta Kontrolerako Atalean, hilabeteko epean, izendapena Nafarroako Aldizkari Ofizialean argitaratu eta biharamunetik hasita, kontuan izanik argitaratze horrek jakinaraztearen ondorio berberak izanen dituela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. artikuluan ezarritakoari jarraikiz.

Aipatutako epean lanpostuaren jabetza hartzen ez duenak, behar bezala justifikatutako ezinbesteko kasuetan izan ezik, Nafarroako Foru Komunitateko Administrazioko eta haren erakunde autonomoetako funtzionario izateko eskubide guztiak galduko ditu.

4. Adieraztea Garazi Urritza Uhalde andreak euskarazko jakite-maila zehaztuta duten lanpostu elebidunak betetzeko prozesuetan besterik ezin izanen duela parte hartu, halaxe ezarrita baitago Nafarroako Administrazio Publikoen zerbitzuko langileen estatutuaren testu bategina onesten duen abuztuaren 30eko 251/1993 Legegintzako Foru Dekretuaren 33.2 artikuluan.

5. Ebazpen hau igortzea, behar diren ondorioak izan ditzan, honako departamentu hauetako idazkaritza tekniko nagusietara: Lehendakaritzako, Berdintasuneko, Funtzio Publikoko eta Barneko Departamentua; Ekonomia eta Ogasun Departamentua; Lurralde Kohesiorako Departamentua; Hezkuntza Departamentua; Garapen Ekonomikoko eta Enpresarialeko Departamentua; Herritarrekiko Harremanetako Departamentua; Unibertsitateko, Berrikuntzako eta Eraldaketa Digitaleko Departamentua; Landa Garapeneko eta Ingurumeneko Departamentua; Eskubide Sozialetako Departamentua eta Migrazio Politiketako eta Justiziako Departamentua; bai eta Hezkuntza Departamentuko Langileen Araubide Juridikoaren Zerbitzura; Nafarroako Foru Ogasuna erakunde autonomora; Euskarabidea-Euskararen Nafar Institutura; Osasunbidea-Nafarroako Osasun Zerbitzuko Langileriaren eta Lan Harremanen Zuzendariordetzara; eta Funtzio Publikoko Zuzendaritza Nagusiko Langileriaren Kudeaketako Zerbitzura, Langileriaren Gastuaren Kontrolaren eta Nominen Zerbitzura, Egituraren, Lanpostuen Antolaketaren eta Langileen Plantillaren Zerbitzura, eta Gizarte Prestazioen zerbitzura ere. Horrez gain, interesdunei ebazpen hau jakinaraztea, eta adieraztea ebazpen honen kontra gora jotzeko errekurtsoa jartzen ahal dela, Lehendakaritzako, Berdintasuneko, Funtzio Publikoko eta Barneko kontseilariari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluekin bat etorriz.

6. Nafarroako Aldizkari Ofizialean argitara dadila agintzea.

Iruñean, 2022ko abenduaren 12an.–Funtzio Publikoko zuzendari nagusia, Amaia Goñi Lacabe.

I. ERANSKINA

Esleitutako lanpostuak

Iragarkiaren kodea: F2216749