3. ESTATUKO ADMINISTRAZIOA
EBROKO KONFEDERAZIO HIDROGRAFIKOA
2016-A-210. Ur publikoen aprobetxamendua eskatzea, ureztatzeko
David Navarro Ruek honako datu eta ezaugarri hauek dituen ur publikoen aprobetxamenduaren emakida eskatu du:
Ezaugarriak:
Eskatzailea: David Navarro Rue.
Ur-ibilgua: Ega ibaia.
Hargunearen udalerria: Morentin (Nafarroa).
Batez besteko emari baliokidea kontsumo handieneko hilean: 0,187 l/s.
Ureztatu beharreko azalera: 2,2939 hektarea.
Erabilera: ureztatzea.
Aprobetxamenduaren xedea da urtean, gehienez ere, 2600 m³-ko ur bolumena hartzea, 0,187 l/s-ko batez besteko emari baliokidearekin kontsumo handieneko hilabetean, Ega ibaiaren ibilgutik, koordenatu hauek dituen puntuan, UTMX: 583002; UTMY: 4.716.884 (HUSO30T ETRS89), Morentingo udal-mugartean, motoponpa eramangarri baten bidez. Motoponpa horrek gehienez 2,78 l/s-ko berehalako emaria bultzatuko du 350 m³ inguruko metatze-putzu bateraino, 110 mm-ko diametroko PE hodien bidez. Hortik, tantakako ureztapenaren bidez, 2.2939 ha-ko eremu batean banatuko da, aipatutako udal-mugarteko 2. poligonoko 171. lurzatian.
Aditzera ematen da orok jakin dezan eta eskaera honek kalte egiten diela uste dutenek beren erreklamazioak Ebroko Konfederazio Hidrografikoari idatziz aurkezteko aukera izan dezaten, hogeita bost egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, espedientea eta dokumentazio teknikoa ikusgai egonen dira Ebroko Konfederazio Hidrografikoaren Jendaurreko Informazioaren Zerbitzuan (Sagasta pasealekua 24-28, Zaragoza), bulego orduetan (9:00etatik 14:00etara). Aurrez aurre aurkezteko, beharrezkoa izanen da aldez aurretik hitzordua eskatzea 976711000 telefonoan edo informacionciudadana@chebro.es helbide elektronikoan.
Era berean, aipatutako agiriak epe horretan ikusten ahalko dira arroaren erakundearen web-orrian, esteka honetan: https://iber.chebro.es/webche/ipCriterios.aspx.
Edozein pertsona fisikok edo juridikok egiten ahalko ditu alegazioak ezarritako epean, baina alegazioak egiteak ez dio ematen egiten dituenari interesdun izaera espedientean.
Zaragozan, 2023ko otsailaren 10ean.–Komisario albokoa, Javier San Román Saldaña.
Iragarkiaren kodea: E2303073
