2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
GARINOAIN
Xehetasun-azterketa, 2. poligonoko 745. lurzatiko 4. azpilurzatian. Hasierako onespena
Alkatetzaren 2023ko martxoaren 13ko 2023/0030 Ebazpenaren bidez, hasiera batez onetsi da xehetasun-azterketa bat, lerrokadurak zuzentzeko Lagun Artea kaleko 7 zenbakian dagoen etxebizitzan (2. poligonoko 745. lurzatiko 4. azpilurzatia). Sustatzailea Juan José Carnés Sánchez da, eta Alberto Uriel Rubiok idatzi du, 2023eko otsailaren 6an; hori guztia, espedientean jasota dagoenarekin bat etorriz. Espediente zenbakia: 29/2023.
Espedientea jendaurrean egonen da hogei egun baliodunean, iragarki hau Nafarroako Aldizkari Ofizialean argitaratzen denetik hasita, azter dadin eta bidezko alegazioak aurkez daitezen; hori guztia, uztailaren 26ko 1/2017 Legegintzako Foru Dekretuaren 74. eta 72. artikuluetan ezarritakoari jarraikiz (foru dekretu horren bidez onetsi zen Lurraldearen Antolamenduari eta Hirigintzari buruzko Foru Legearen testu bategina).
Halaber, interesdunen eskura egonen da Udal honen egoitza elektronikoan: http://garinoain.sedelectronica.es.
Jendaurreko epean inork ez badu alegaziorik aurkezten, agiria Udalbatzaren osoko bilkurari igorriko zaio behin betiko onespena eman diezaion, bidezko bada hori egitea.
Garinoainen, 2023ko martxoaren 13an.–Alkatea, Bertha Sánchez Luna.
Iragarkiaren kodea: L2304243
