Iragarkia

59. ALDIZKARIA - 2023ko martxoaren 23a

1. NAFARROAKO FORU KOMUNITATEA

1.7. BESTELAKOAK

16/2023 FORU AGINDUA, martxoaren 13koa, Lurralde Kohesiorako kontseilariak emana, behin betiko onesten duena "N-121-B errepiderako sarbide berria Elizondotik, 50+040 MI KPan" izeneko proiektua. 487.984,90 euroko aurrekontua du (BEZik gabe).

Lurralde Kohesiorako kontseilariaren abuztuaren 12ko 59/2022 Foru Aginduaren bidez, behin-behinekoz onetsi zen "N-121-B errepiderako sarbide berria Elizondotik, 50+040 MI KPan" izeneko proiektua, eta jendaurreko epea abiatu zen, ukitutako ondasun eta eskubideen ondorioetarako.

Jendaurreko epea amaitu da eta ez da alegaziorik jaso.

Proiektu honek Landa Garapeneko eta Ingurumeneko Departamentuko Ingurumen Zuzendaritza Nagusiaren aldeko txostena du, baita Kantauriko Konfederazio Hidrografikoaren baimena ere.

Horrenbestez, bat etorriz Azterlan eta Proiektuen Zerbitzuak emandako txostenarekin eta proposatutakoarekin, eta Lurralde Kohesiorako Departamentuaren egitura organikoa ezartzen duen urriaren 30eko 263/2019 Foru Dekretuak xedatzen duenarekin,

AGINTZEN DUT:

1. Behin betiko onestea "N-121-B errepiderako sarbide berria Elizondotik, 50+040 MI KPan" izeneko proiektua. 487.984,90 euroko aurrekontua du (BEZik gabe).

2. Behin betiko onestea ukitutako ondasun eta eskubideen zerrenda, zeina eranskinean jaso baita.

3. Dei egitea "N-121-B errepiderako sarbide berria Elizondotik, 50+040 MI KPan" izeneko proiektuak ukitutako ondasun eta eskubideen titularrei, apirilaren 18an eta 19an Baztango udaletxera ager daitezen, okupatu aurreko aktak eta, hala badagokio, okupazio aktak egiteko.

4. Ebazpen hau ukitutako titularrei jakinaraztea, banakako zitazio zedularen bidez.

5. Foru agindu hau Nafarroako Aldizkari Ofizialean eta departamentuaren web-orrian argitaratzea, eta dagokion iragarkia bidaltzea Foru Komunitatean hedapen handiena duten egunkarietako bitara.

6. Foru agindu hau jakinaraztea Azterlan eta Proiektuen Zerbitzuari, Azpiegitura Berrien Zerbitzuari eta Baztango Udalari, eta azken hori premiatzea iragarki-taulan argitara dezan.

7. Adieraztea foru agindu honek ez duela administrazio bidea amaitzen, eta partikularrek gora jotzeko errekurtsoa aurkezten ahal dutela haren aurka, Nafarroako Gobernuari zuzenduta, hilabeteko epean, foru agindua jakinarazi edo Nafarroako Aldizkari Ofizialean argitaratu eta biharamunetik aitzina.

Aurreko paragrafoan xedatutakoa ezertan galarazi gabe, foru agindu honek amaitzen du administrazio publikoentzako administrazio bidea. Dena dela, administrazio publikoek administrazioarekiko auzi-errekurtsoa jar dezakete, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, hau jakinarazi edo Nafarroako Aldizkari Ofizialean argitaratu eta biharamunetik aitzina. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2023ko martxoaren 13an.–Lurralde Kohesiorako kontseilaria, Bernardo Ciriza Pérez.

ERANSKINA

"N-121-B errepiderako sarbide berria Elizondotik, 50+040 MI KPan" izeneko trazadura proiektua

Ukitutako ondasun eta eskubideen banakako zerrenda zehatza

Behe-tentsioko linea elektrikoan ukitutako zerbitzuak berrezartzea

Ukitutako telefono-lineako zerbitzuak berrezartzea

Instalazio osagarriek ukitutako lurzatiak

Iragarkiaren kodea: F2304290