2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ABERIN
2023rako karga-tasak
Nafarroako Toki Ogasunei buruzko martxoaren 10eko 2/1995 Foru Legean ezarritakoarekin bat, Udalbatzak, 2023ko martxoaren 2an egin bilkuran, karga-tasa, indize eta portzentaje hauek onetsi zituen 2023rako:
1. Honako karga-tasa hauek finkatzea:
–Hiri-lurreko ondasunak: %0,14.
–Landa-lurreko ondasunak: %0,14.
–Instalazio, eraikuntza eta obren gaineko zerga: horiek gauzatzeko aurrekontuaren %3,5 (aurkeztu beharreko aurrekontua, gutxienez, 285,71 eurokoa izan beharko da).
–Hiri-lurren balio-gehikuntzaren gaineko zerga: Nafarroako Toki Ogasunei buruzko 2/95 Foru Legearen 175. artikuluan ezarritako gutxieneko portzentajeak aplikatuko dira, baita %10eko karga ere, haren 176. artikuluari jarraituz.
–Ekonomia-jardueren gaineko zerga: tarifei 1 indizea aplikatuko zaie.
–Herri-lur/luberrien kanona:
a) Laborantzako finkak: 0,009 euro/m² (8 euro/erregua).
b) Baratzeak eta labore bereziak:
–Bizilagunak:
- Lehendabiziko erregua: 0,009 euro/m² (8 euro/erregua).
- Gainerako azalera: 0,027 euro/m² (25 euro/erregua).
–Herriko bizilagunak ez direnak: 0,027 euro/m² (lehendabiziko erregutik, 25 euro/erregua).
Erabaki honen aurka, errekurtso hauetariko bat aurkez daiteke, hautara:
a) Administrazioarekiko auzi-errekurtsoa, Nafarroako Justizia Auzitegi Nagusiko Administrazioarekiko Auzien Epaitegi edo Salari zuzendua, bi hilabeteko epean, jakinarazpen hau jaso eta biharamunetik aitzina.
b) Berraztertzeko errekurtsoa, egintzaren organo egileari zuzendua, hilabeteko epean, ebazpen hau jakinarazi eta biharamunetik hasita.
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik hasita.
Aberinen, 2023ko martxoaren 3an.–Alkatea, Francisco Javier Fernández Velasco.
Iragarkiaren kodea: L2303776
