1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
725/2023 EBAZPENA, otsailaren 21ekoa, Funtzio Publikoko zuzendari nagusiak emana, zeinaren bidez zuzentzen baita otsailaren 1eko 471/2023 Ebazpenean atzemandako akatsa. Ebazpen horren bidez, Nafarroako Foru Komunitateko Administrazioaren eta haren erakunde autonomoen zerbitzuko funtzionarioak izendatu ziren erradiodiagnostikoko teknikari espezialistaren (ETE) lanpostuan aritzeko, eta lanpostua esleitu zitzaien.
Ebazpenaren 1. apartatuan akats bat aurkitu da, Ana Muñoz Muñoz andreak zer txandatan parte hartu duen zehazten duen tokian, eta, beraz, zuzendu egin behar da, Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluan ezarritakoaren arabera.
Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabilita,
EBAZTEN DUT:
1. Otsailaren 1eko 471/2023 Ebazpenaren 1. apartatuan atzemandako akatsa zuzentzea. Ebazpen horren bidez, Nafarroako Foru Komunitateko Administrazioaren eta haren erakunde autonomoen zerbitzuko funtzionarioak izendatu ziren erradiodiagnostikoko teknikari espezialista (ETE) lanpostuan aritzeko, eta lanpostua esleitu zitzaien. Hala, honela dioen tokian:
"Igoera txanda.
MORENO MENDIOROZ, VIRGINIA
MUÑOZ MUÑOZ, ANA
Txanda irekia.
MUGUETA BURGUETE, MARIA BELEN
SAN JOSE OLORIZ, OIHANE
SANCHEZ SANCHEZ, JOANA
TORRES CAMINOS, MARIA
MURO DIEZ, SARA"
Honako hau behar du:
"Igoera txanda.
MORENO MENDIOROZ, VIRGINIA
Txanda irekia.
MUÑOZ MUÑOZ, ANA
MUGUETA BURGUETE, MARIA BELEN
SAN JOSE OLORIZ, OIHANE
SANCHEZ SANCHEZ, JOANA
TORRES CAMINOS, MARIA
MURO DIEZ, SARA"
2. Ebazpen hau jakinaraztea Osasunbidea-Nafarroako Osasun Zerbitzura (Langileriaren eta Lan Harremanen Zuzendariordetzara, eta Tuterako Reina Sofía Ospitaleko Langileriaren Zuzendaritzara), eta Funtzio Publikoko Zuzendaritza Nagusiko Langileriaren Kudeaketako Zerbitzura, eta interesdunari jakinaraztea, eta adieraztea ebazpen honen kontra gora jotzeko errekurtsoa paratzen ahal dela, Lehendakaritzako, Berdintasuneko, Funtzio Publikoko eta Barneko kontseilariari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluekin bat etorriz.
3. Nafarroako Aldizkari Ofizialean argitara dadila agintzea.
Iruñean, 2023ko otsailaren 21ean.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F2303843
