1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOAK, Nafarroako Osasun Publikoaren eta Lan Osasunaren Institutuaren zerbitzuko A eta C mailetako lanpostu batzuetan gehieneko plaza kopuru bat merezimendu-lehiaketa bidezko salbuespenezko sistema erabiliz betetzeko sarrera-prozeduren deialdien aurka.
Nafarroako Osasun Publikoaren eta Lan Osasunaren Institutuaren zerbitzuko A eta C mailetako lanpostu batzuetan (ikus deialdiaren II. eranskina) gehieneko plaza kopuru bat merezimendu-lehiaketa bidezko salbuespenezko sistema erabiliz betetzeko sarrera-prozeduren deialdien barruan, María Isabel García Romero andreak, Alejandro García Hernández jaunak eta Eva María Osés Santesteban andreak gora jotzeko errekurtsoak jarri dituzte Nafarroako Osasun Publikoaren eta Lan Osasunaren Institutuko zuzendari kudeatzailearen urriaren 26ko 229/2022 Ebazpenaren aurka, zeinaren bidez deialdiak onetsi baitziren enplegu publikoan behin-behinekotasuna murrizteko egonkortze-prozesuen esparruan.
Bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. eta 45. artikuluekin, horren berri ematen zaie interesdun guztiei, iragarki hau argitaratu eta biharamunetik hamar egun balioduneko gehieneko epean alegazioak aurkeztu ahal ditzaten parte hartzen duten deialdien aurka jarritako errekurtsoen aurka. Alegazio horiek Erregistro Orokorrean aurkeztuko dira (Nafarroako Jauregia, Karlos III.aren etorbidea 2, Iruña), edo aipatutako legearen 16. artikuluan adierazitako bideetako bat erabiliz.
Lehendakaritzako, Berdintasuneko, Funtzio Publikoko eta Barneko kontseilariaren maiatzaren 14ko 59/2020 Foru Aginduaren 8. apartatuan ezarritakoa aplikatuz, jarritako errekurtsoen kopia eskuratu nahi duten interesdunek hura bidaltzeko eskatzen ahalko dute Erregistro Orokor Elektronikoaren bitartez (https://www.navarra.es/es/tramites/on/-/line/Registro-General-Electronico). Horretarako, eskaeran adierazi beharko dute zer helbide elektronikotara nahi duten bidaltzea kopia hori.
Iruñean, 2022ko abenduaren 22an.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F2217494
