2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
CORELLA
Onestea Corellako Udal Plan Orokorra aldatzeko ingurumen-txosten estrategikoa (70. artikulua. Bizitegitarako azpisektorea, dentsitate apalekoa, SS-1.2)
Alkatetzaren 298/2023 Ebazpena.
Gorka García Izal, Corellako Udaleko alkate udalburu naizen honek, legeriak ematen dizkidan ahalmenak erabiliz,
Ikusirik Corellako Udal Plan Orokorraren 70. artikulua aldatzeko espedientean dagoen dokumentazioa. (Bizitegitarako azpisektorea, dentsitate apalekoa, SS-1.2), ingurumeneko dokumentu estrategikoa duena.
Jarraikiz aplikatzekoak diren abenduaren 9ko 21/2013 Foru Legearen xedapenei (Ingurumen Ebaluazioari buruzko Foru Legea) eta 17/2020 Foru Legearen xedapenei (Ingurumenean Eragina duten Jarduerak arautzen dituen Foru Legea), zeinen bidez Udala ezartzen baita ingurumen organo gisa, ingurumen-ebaluazio estrategiko sinplifikaturako, eta baliatuz apirilaren 2ko 7/1985 Legearen 21. artikuluaren babesean eman zaizkidan eskudantziak (Toki Araubidearen Oinarriak arautzen dituen Legea),
EBAZTEN DUT:
1. Onestea Corellako Udal Plan Orokorraren aldaketaren ingurumen-txosten estrategikoa (70. artikulua. Bizitegitarako azpisektorea, dentsitate apalekoa, SS-1.2), "Geoinnova SLU" enpresak egina.
2. Agintzea ebazpen hau argitara dadila, aipatutako ingurumen-txosten estrategikoarekin batera, han jasotakoak bete beharko baitira plana gauzatzean.
3. Ebazpen hau jakinaraztea Hiri Plangintzaren eta Proiektu Estrategikoen Udal Alorrari eta plana idatzi duen lantaldeari, behar diren ondorioak izan ditzan.
4. Ebazpen honen berri ematea Udalbatzari, kide anitzeko organo horrek egiten duen hurrengo osoko bilkuran, eta agintzea ebazpena dagokion espedientean jaso dadila.
Argitara ematen da, behar diren ondorioak izan ditzan.
Corellan, 2023ko otsailaren 20an.–Alkatea, Gorka García Izal.
Ingurumen-txostena (PDFa).
Iragarkiaren kodea: L2302870
