2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
EZPOROGI
2023rako zerga-tasak, tasak eta prezio publikoak. Behin betiko onespena
Ezporogiko Udalak, 2022ko abenduaren 14an egindako osoko bilkuran, hasiera batez onetsi zuen aldaketa egitea 2023rako zerga-tasetan, tasetan eta prezio publikoetan. Iragarkia argitaratu zen 2022ko 259. Nafarroako Aldizkari Ofizialean, abenduaren 27koan.
Nafarroako Toki Administrazioari buruzko uztailaren 2ko 6/1990 Foru Legearen 325. artikuluan xedatuari jarraikiz (maiatzaren 31ko 15/2002 Foru Legeak aldatua), eta jendaurrean egoteko epea inork alegaziorik aurkeztu gabe iraganik, xedapen orokor hori behin betiko onetsi eta osorik argitaratzeko agintzen da, behar diren ondorioak izan ditzan:
Lehenbizikoa.–Onestea 2023ko urtarrilaren 1etik aitzina indarrean jarriko diren zerga-tasa, tasa eta prezio publikoak.
–Lurraren kontribuzioa: %0,18.
–Eraikuntza, instalazio eta obren gaineko zerga: obra gauzatzeko aurrekontuaren arabera:
- %3 < 250.000 euro.
- %4,5 > 250.000 euro.
–Hiri-lurren balio-gehikuntzaren gaineko zerga: Hiri-lurren balio-gehikuntzaren gaineko zerga arautzen duen ordenantza fiskalaren arabera (2016ko 14. Nafarroako Aldizkari Ofiziala, urtarrilaren 22koa):
- Sortzealdia, koefizienteak:
- 1etik 5 urtera bitarte: %2,2.
- 10 urte bitarte: %2,1.
- 15 urte bitarte: %2.
- 20 urte bitarte: %2.
Karga-tasari dagokionez, balio-gehikuntzaren sortzealdi guztietan karga-tasa bakarra ezartzea: %8koa, alegia.
Bigarrena.–Uraren tasak:
–Hornidura:
- Kuota finkoa: 40 euro.
- Kontsumoagatik:
- Etxean erabiltzeko: 0,70 euro/m³.
- Industrian eta abeltzaintzan erabiltzeko: 1,18 euro/m³.
–Saneamendua:
Hirugarrena.–Bere horretan uztea Ezporogin indarrean diren gainerako zerga-tasak eta tasak.
Laugarrena.–Erabaki hau iragarki taulan eta Nafarroako Aldizkari Ofizialean argitaratzea.
Ezporogin, 2023ko otsailaren 15ean.–Alkatea, Alejandro Egea Landarech.
Iragarkiaren kodea: L2302608
