Iragarkia

42. ALDIZKARIA - 2023ko otsailaren 28a

1. NAFARROAKO FORU KOMUNITATEA

1.7. BESTELAKOAK

11/2023 EBAZPENA, urtarrilaren 26koa, Industriaren, Energiaren eta S4 Proiektu Estrategikoen zuzendari nagusiak emana, zeinaren bidez Cascante eta Tuterako udalerrietan "El Labrador" izeneko parke eolikoa eta energia ateratzeko azpiegiturak eraikitzeko aurretiazko administrazio baimena eta eraikitzeko administrazio baimena ukatzen baitira.

1.–Aurretiazko administrazio baimenaren eta eraikitzeko administrazio baimenaren eskaera.

2021eko urriaren 5ean, eta Nafarroan haize-parkeetarako baimena arautzen duen maiatzaren 8ko 56/2019 Foru Dekretuaren 4. Artikuluan ezarritakoa aplikatuz, Enel Green Power España SLUk aurretiazko administrazio baimenaren eta eraikitzeko administrazio baimenaren eskaera aurkeztu zuen Industria Antolamenduaren, Azpiegitura Energetikoen eta Meatzeen Zerbitzuan, energia elektrikoa ekoizteko "El Labrador" haize-parkearen instalaziorako eta haren transformazio eta ebakuazio azpiegituretarako, Cascante eta Tuterako udal mugarteetan.

Aurkeztutako dokumentazio teknikoaren arabera, "El Labrador" parke eolikoaren proiektua 5 MW-ko bi haize-sorgailuk eta 5,9 MW-ko haize-sorgailu batek osatzen dute; beraz, horrek 15,9 MW-ko potentzia instalatua dakar guztira (sartzeko eta konektatzeko baimenaren 15,86 MW-etara mugatuta). Horrez gain, proiektuak transformazio eta ebakuazio azpiegiturak ere barne hartzen ditu.

2.–Ingurumen inpaktuaren azterketaren eta proiektuaren jendaurreko informazioa.

Maiatzaren 8ko 56/2019 Foru Dekretuaren 7. artikuluari jarraikiz, Enel Green Power España SLUren eskaera jendaurrean egon zen 30 egun baliodunez, iragarkia argitara emanda honakoetan: 2021eko 286. Nafarroako Aldizkari Ofizialean, abenduaren 22koan, 2021eko abenduaren 23ko Diario de Navarra egunkarian eta Cascante eta Tuterako Udalen ediktu-tauletan; era berean, dokumentazioa Nafarroako Gobernu Irekiaren web fitxan argitaratu zen.

Aurreikusitako epearen barruan, alegazio hauek jaso ziren (aurkeztu ziren egunaren araberako hurrenkeran daude):

–1. alegazioa. Moncayoko Ur Mankomunitatearena, 2021eko abenduaren 22koa.

–2. alegazioa. Nafarroako Paisaiak eta Mahastiak elkartearena, 2022ko urtarrilaren 28koa.

–3. alegazioa. Gurelur elkartearena, 2022ko otsailaren 1ekoa.

–4. alegazioa. Eva María Calleja Sanz andrearena, 2022ko otsailaren 2koa.

–5. alegazioa. Sustrai Erakuntza Fundazioarena, 2022ko otsailaren 2koa.

–6. alegazioa. Noemí Solanas Soler andrearena, 2022ko otsailaren 2koa.

–7. alegazioa. Francisco Javier Méndez Fernández jaunarena, 2022ko otsailaren 2koa.

–8. alegazioa. Landazuria-Erriberako Ekologistak Martxan elkartearena, 2022ko otsailaren 2koa.

–9. alegazioa. Zangozerriko Ongaiz-Ekologistak Martxan elkartearena, 2022ko otsailaren 3koa.

–10. alegazioa. Renovables del Cierzo SLUrena, 2022ko otsailaren 3koa.

3.–Kontsultak ukitutako administrazio publikoei.

Maiatzaren 8ko 56/2019 Foru Dekretuaren 8. artikulua aplikatuz, Industria Antolamenduaren, Azpiegitura Energetikoen eta Meatzeen Zerbitzuak kontsulta egin zien ukitutako erakunde hauei, eta taulan adierazten diren txostenak jaso zituen:

4.–Jendaurreko informazioaren eta kontsulten emaitza sustatzaileari igortzea.

Nafarroako parke eolikoetarako baimena arautzen duen maiatzaren 8ko 56/2019 Foru Dekretuaren 9. artikuluari jarraikiz, Industria Antolamenduaren, Azpiegitura Energetikoen eta Meatzeen Zerbitzuak Enel Green Power España SLUri igorri zizkion aurreko txostenak eta alegazioak.

5.–Ingurumen inpaktuaren ebaluazio arrunta hasteko eta lurzoru urbanizaezinean jarduerak egiteko baimena eskuratzeko eskaera.

Nafarroako parke eolikoetarako baimena arautzen duen maiatzaren 8ko 56/2019 Foru Dekretuaren 10. artikuluan ezarritakoa kontuan hartuta, 2022ko ekainaren 9an Enel Green Power España SLU enpresak ingurumen inpaktuaren ebaluazioa hasteko nahiz lurzoru urbanizaezinean jarduerak egiteko baimena eskatzeko dokumentuak aurkeztu zituen. Eskaera hartan, jendaurreko informazioaren tramitean eta kontsulten esparruan jasotako alegazioei eta txostenei ematen zizkien erantzunak bildu zituen.

Artikulu horretan ezarritakoa betez, Industria Antolamenduaren, Azpiegitura Energetikoen eta Meatzeen Zerbitzuak eskaera Ingurumen Inpaktuaren Atalera eta Lurraldearen Antolamenduaren Atalera igorri zuen.

6.–Ingurumen inpaktuaren kontrako adierazpena.

Ingurumeneko zuzendari nagusiaren azaroaren 24ko 1210E/2022 Ebazpenaren bidez, ingurumen inpaktuaren kontrako adierazpena egin zen "El Labrador" haize-parkearen eta lotutako ebakuazio azpiegituren proiekturako.

Ingurumen inpaktuaren adierazpen horrek agerian uzten du, espedientea teknikoki aztertu ondoren, Biodibertsitatearen Zerbitzuak ondorioztatu duela proiektuak fauna katalogatuan edo babes bereziko araubidea duen faunarengan ondorio esanguratsuak izatea aurreikusten ahal dela, talka egitearen ondoriozko hilkortasun zuzenagatik zein habitata galtzeagatik; horrez gain, eragin larriak sortzen ahal zaizkie eremua hala izendatzea eragin zuten espezieei eta "Pulguerko urmaeleko KBEa" Natura 2000 Sareko eremua kudeatzeko planean zehaztutako kontserbazio-helburuei; horrenbestez, ingurumen inpaktuaren aurkako adierazpena formulatzea proposatzen da.

7.–Administrazio baimena ukatzeko proposamena.

Ingurumen inpaktuari buruzko aurkako adierazpena ikusirik, eta espedientearen azterketa teknikoa egin eta gero, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak ondorioztatu du prozedura era egokian egin dela, eta espedientea ebaztea proposatu du, aurretiazko administrazio baimena eta eraikitzeko administrazio baimena ukatuz.

Adierazitakoarekin eta espedientean jasotako agiriekin bat, eta Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz, honako hau

EBAZTEN DUT:

1. Enel Green Power España SLUk eskatutako aurretiazko administrazio baimena eta eraikitzeko administrazio baimena ukatzea, Cascante eta Tuterako udalerrietan "El Labrador" izeneko parke eolikoa eta energia ateratzeko azpiegituretarako.

2. Agindua ematea Diruzaintza Atalari sarbide eta konexio prozedurari lotutako 1.200.000 euroko bermea itzul dezan; Enel Green Power España SLUk jarri zuen berme hori 2019ko urriaren 9an (erregistro zenbakia: 5020000379 CFNA 2019 (Av-NAV-0183)).

3. Ebazpen hau igortzea Industria Antolamenduaren, Azpiegitura Energetikoen eta Meatzeen Zerbitzura, Ingurumen Inpaktuaren Atalera, Lurraldearen Antolamenduaren Atalera, Ondare Historikoaren Zerbitzura, Ureztalurren eta Lurzati Berrantolamenduaren Atalera, Basoak Kudeatzeko Atalera, Herri-lanen eta Azpiegituren Zuzendaritza Nagusiko Zainketa Zerbitzura eta Ekonomia eta Ogasun Departamentuko Ekonomia eta Finantza Zerbitzuko Diruzaintza Atalera, behar diren ondorioak izan ditzan.

4. Ebazpen hau Nafarroako Aldizkari Ofizialean argitaratzea, orok jakin dezan.

5. Ebazpen hau jakinaraztea Enel Green Power España SLUri, Nafarroako Paisaiak eta Mahastiak elkarteari, Gurelur elkarteari, Eva María Calleja Sanz andreari, Sustrai Erakuntza Fundazioari, Noemí Solanas Soler andreari, Francisco Javier Méndez Fernández jaunari, Landazuria-Erriberako Ekologistak Martxan elkarteari, Zangozerriko Ongaiz-Ekologistak Martxan elkarteari, Renovables del Cierzo SLUri, Camponuevoko Ureztatzaileen Elkarteari, Tarazonicaren Bide Berdearen Partzuergoari, Enagás Transporte SAUri, I-DE Redes Eléctricas Inteligentes SAUri, Red Eléctrica de España SAUren Lineak Mantentzeko eta Sarera Sartzeko Sailei eta Telefónica de España SAUri, eta ohartaraztea ebazpen honek ez diola amaiera ematen administrazio bideari, eta, horren aurka, gora jotzeko errekurtsoa aurkezten ahal zaiola Garapen Ekonomiko eta Enpresarialeko kontseilariari, hilabeteko epean, ebazpena jakinarazi eta hurrengo egunetik aurrera, espediente zenbakia adierazita.

6. 6.–Ebazpen hau jakinaraztea Cascanteko Udalari, Tuterako Udalari, Moncayoko Ur Mankomunitateari, Erriberako Mankomunitateari, Garraio, Mugikortasun eta Hiri Agendako Ministerioaren AP-68 autobidearen ustiapenaren ikuskapenari, Trenbide Azpiegituren Administratzaileari (ADIF), Aire Segurtasunaren Estatuko Agentziari (AESA) eta Ebroko Konfederazio Hidrografikoari (EKH), eta ohartaraztea haren kontra administrazioarekiko auzi-errekurtsoa jartzen ahal dela, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2023ko urtarrilaren 26an.–Industriaren, Energiaren eta S4 Proiektu Estrategikoen zuzendari nagusia, Uxue Itoiz Mariñelarena.

Iragarkiaren kodea: F2301489