1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
29E/2023 FORU AGINDUA, otsailaren 8koa, Osasuneko kontseilariak emana, zeinaren bidez izendatzen baitira Osasun Departamentuaren, Osasunbidea-Nafarroako Osasun Zerbitzuaren eta Nafarroako Osasun Publikoaren eta Lan Osasunaren Institutua erakunde autonomoaren ordezkariaren ziurtagiri digitala izan behar duten pertsonak.
Administrazio Publikoen Administrazio Prozedura Erkideari buruzko urriaren 1eko 39/2015 Legeak eta Sektore Publikoaren Araubide Juridikoari buruzko urriaren 1eko 40/2015 Legeak indarra hartzeak egoera berria ekarri du administrazio publiko guztien funtzionamenduan.
39/2015 Legeak azpimarratzen duen alderdietako bat da jakinarazpenak bitarteko elektronikoen bidez egitea, nahitaezkoa baita pertsona juridikoei egiten zaizkien jakinarazpenetarako. Egia da 40/2015 Legean jasotako bide eta aplikazio telematikoen bitartez komunikatu behar dutela administrazio publikoek, eta gainerako pertsona juridikoen aldean tratamendu berezia izan behar dutela, kontuan hartuta izaera juridiko desberdina dutela. Nolanahi ere, praktikotasunaren aldetik, komeni da departamentu bakoitzaren eta haien menpeko erakunde autonomoen ordezkariek sinadura elektronikoa izatea.
Adierazitakoarekin bat, Nafarroako Gobernuak 2017ko martxoaren 29an hartutako Erabakiaren bidez, kontseilariei baimena eman zitzaien izenda ditzaten, foru agindu baten bidez, beren departamentu eta erakunde autonomoen ordezkari gisa aritzeko ziurtagiri digitala eduki behar duten pertsonak.
Osasuneko kontseilariak ekainaren 3an emandako 109E/2020 Foru Aginduaren bidez, izendatu egin ziren Osasun Departamentuaren, Osasunbidea-Nafarroako Osasun Zerbitzuaren eta Nafarroako Osasun Publikoaren eta Lan Osasunaren Institutua erakunde autonomoaren ordezkariaren ziurtagiri digitala izan behar duten pertsonak. Foru agindu hori Osasuneko kontseilariaren ekainaren 23ko 184E/2020 Foru Aginduaren bidez eta Osasuneko kontseilariaren urriaren 4ko 240E/2021 Foru Aginduaren bidez aldatu zen.
Une honetan, zenbait langile aldaketa gertatu dira unitate organikoetan, eta, horren ondorioz, beharrezkoa da izendapenak eguneratzea, hau da, aurretik egindako izendapen batzuk mantentzea, beste batzuk errebokatzea eta ordezkari berriak izendatzea. Gauzak argiago gera daitezen, indarrik gabe uzten dira aurretik emandako foru aginduak, eta honako honetan bateratzen dira, argitasun eta segurtasun juridiko handiagoa lortze aldera.
Horiek horrela, Nafarroako Gobernuari eta Lehendakariari buruzko abenduaren 3ko 14/2004 Foru Legeak ematen dizkidan ahalmenak erabiliz,
AGINTZEN DUT:
1. Osasunbidea-Nafarroako Osasun Zerbitzuaren ordezkariaren ziurtagiri digitala izan behar duten pertsonak izendatzea, honako arlo hauetarako:
1.1. Borondatezko BEZaren aitorpenaren ondorioetarako:
Osasunbideko Aurrekontuen eta Kontabilitatearen Zerbitzutik:
–Alicia Segura Maisterra.
–Gabriela Daroca Da Costa.
1.2. Nafarroako Kontratazioaren Atariko kontratazio publikoaren arloko erreklamazioen moduluan sartzeko:
Osasunbideko Horniduraren eta Zerbitzu Orokorren Zerbitzutik:
–Ainhoa Urtasun Urra.
–María Antonia Zabalza Goñi.
–Esther Cueli Orradre.
–Esther Ochoa Pérez
Osasunbideko Azpiegituren Zerbitzutik:
–Ainhoa Arratíbel Gutiérrez.
–Susana Abril Ezcurra.
–Maider Ariz Monreal.
Nafarroako Ospitale Unibertsiarioko Administrazioaren eta Zerbitzu Orokorren Zerbitzutik:
–Oscar Luengo Díaz.
–Ainhoa Pérez Artola.
–Sonia Martínez de Lizarrondo Jiménez.
–Nora Yoldi Collados.
Farmazia eta Prestazioen Zuzendariordetzatik:
–María Cristina Agudo Pascual.
–Ana Rosa Azparren Andía.
–Amaia Armendáriz Andueza.
–Gemma Francia Franco.
2. Osasun Departamentuaren ordezkariaren ziurtagiri digitala izan behar duten pertsonak izendatzea, honako hauek, alegia:
Besteak beste, GHEa eta Estatuko Herritarren Karpeta jasotzeko:
–Pilar García García.
–Iñigo Zunzarren Jaurrieta
–Francisco Javier Soriano Navarro.
–Aranzazu Goenaga Batalla.
3. Nafarroako Osasun Publikoaren eta Lan Osasunaren Institutuaren ordezkariaren ziurtagiri digitala izan behar duten pertsonak izendatzea, honako arlo hauetarako:
Besteak beste, GHEa eta Estatuko Herritarren Karpeta jasotzeko:
–Eva Bardi.
–Miguel Garatea.
4. Egindako izendapenak noiznahi erreboka daitezke.
5. Indarrik gabe uztea Osasuneko kontseilariaren uztailaren 3ko 109E/2020 Foru Agindua, Osasuneko kontseilariaren ekainaren 23ko 184E/2020 Foru Agindua eta Osasuneko kontseilariaren urriaren 4ko 240E/2021 Foru Agindua.
6. Foru agindu hau Nafarroako Aldizkari Ofizialean argitaratzea, orok jakin dezan.
7. Foru agindu hau jakinaraztea izendatutako pertsona eta zerbitzuei, Osasun Departamentuko Idazkaritza Tekniko Nagusiari eta Unibertsitateko, Berrikuntzako eta Eraldaketa Digitaleko Departamentuko Eraldaketa Digitaleko Zuzendaritza Nagusiari, behar diren ondorioak izan ditzan.
Iruñean, 2023ko otsailaren 8an.–Osasuneko kontseilaria, Santos Induráin Orduna.
Iragarkiaren kodea: F2302102
