1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA. Ingurumen baimen integratua berrikusteko eta aldaketa funtsezko bat egiteko espedientea, Bioenergía Mendi SLk sustatua.
2022ko 120. Nafarroako Aldizkari Ofizialean, ekainaren 17koan, argitaratutako iragarki baten bidez, hasiera eman zitzaion Bioenergía Mendi SLk sustatutako ingurumen baimen integratua berrikusteko espedientearen jendaurreko informazioaren tramiteari, hogeita hamar egun baliodun iraunen duena, iragarkia argitaratu zen egunetik aurrera. Ondoren, eta espedienteari erantsitako dokumentazioa ikusita, egokitzat jo da espedientea jendaurrean egoteko beste aldi bat irekitzea, ingurumen baimen integratua berrikusteko eta aldaketa funtsezko bat egiteko.
Bat etorriz Kutsaduraren Prebentzio eta Kontrol Integratuaren Legea garatzeko eta industriako emisioei buruzko Erregelamenduaren 16. artikuluan xedatutakoarekin (urriaren 18ko 815/2013 Errege Dekretuak onetsia), aditzera ematen da ezen aipatu espedientearen dokumentazioa jendaurrean egonen dela hogeita hamar egun balioduneko epean, iragarki hau Nafarroako Aldizkari Ofizialean argitaratzen denetik hasita, Landa Garapeneko eta Ingurumeneko Departamentuaren bulegoetan (González Tablas kalea 9, beheko solairua, Iruña), jendea hartzeko orduetan (08:30etik 14:30era arte), baita behean adierazitako Interneteko helbidean ere, edozein pertsona fisikok edo juridikok azter dezan eta, nahi izanez gero, alegazioak aurkez ditzan aipatu hogeita hamar egun balioduneko epean.
Espediente mota | Ingurumen baimen integratua berrikustea eta aldaketa funtsezko bat egitea |
Espedientearen kodea | 0001-0052-2022-000008 | Hasiera eguna | 2022/05/12 |
Kudeaketa unitatea | Ekonomia Zirkularraren eta Klima Aldaketaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | Zentroa ez dago sartua |
1/2016 Legegintzako Errege Dekretua, abenduaren 16koa | I. eranskina / 9.3.c) |
2010/75/EB Zuzentaraua, azaroaren 24koa | I. eranskina / 6.6.c) |
21/2013 Legea, abenduaren 9koa | II. eranskina / 9.b) taldea |
Instalazioa | Hondakin organikoen biometanizazio zentroa |
Titularra | BIOENERGIA MENDI SL |
Zentroaren zenbakia | 3116709001 |
Tokia | 7. poligonoko 428. lurzatia – 7. poligonoko 428. lurzatia |
Koordenatuak | UTM-ETRS89, 30N ardatza, X: 595.956,000 eta Y: 4.716.768.000 |
Udalerria | MENDIGORRIA |
Proiektua | Funtsezko aldaketa (kudeaketa-gaitasuna handitzea 80.000 tona/urtea arte) eta TEOei buruzko ondorioen 2018/1147 (EB) Betearazpen Erabakira egokitzeko baimen baldintzak berrikustea |
Informazioa eskatzeko organoa | BAIMEN BULEGOA autprema@navarra.es |
Alegazioak aurkezteko organoa | BAIMEN BULEGOA Alegazioak bide hauetako bat erabiliz aurkeztuko dira: –Aurrez aurre: Nafarroako Gobernuko Erregistroaren bulegoak. –Telematika bidez: Nafarroako Atarian dagoen Erregistro Orokor Elektronikoaren bitartez (www.nafarroa.eus). –Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan ezarritako gainontzeko bideetako edozein erabilita. |
Dokumentazioa kontsultatzeko Interneteko helbidea | https://extra.navarra.es/InformacionPublicaPRTR/DocumentosInformacionPublica.aspx |
Iruñean, 2022ko abenduaren 19an.–Ekonomia Zirkularraren eta Klima Aldaketaren Zerbitzuko zuzendaria, Pedro Zuazo Onagoitia.
Iragarkiaren kodea: F2217358