Iragarkia

34. ALDIZKARIA - 2023ko otsailaren 17a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

470/2023 EBAZPENA, otsailaren 1ekoa, Funtzio Publikoko zuzendari nagusiak emana, behean aipatzen diren izangaiak Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatzen dituena, Obstetrizia eta Ginekologiako erizain espezialisten (emaginak) lanpostuan aritzeko, eta lanpostua esleitzen diena.

Osasunbidea-Nafarroako Osasun Zerbitzuko zuzendari kudeatzailearen irailaren 16ko 904E/2020 Ebazpenaren bidez, deialdi bat onetsi zen Obstetrizia eta Ginekologiako erizain espezialisten (emaginak) 24 lanpostu oposizio-lehiaketa bidez betetzeko Nafarroako Foru Komunitateko Administrazioaren Osasunbidea-Nafarroako Osasun Zerbitzuan. Deialdi hori 2020ko 287. Nafarroako Aldizkari Ofizialean argitaratu zen, abenduaren 14koan.

Osasunbidea-Nafarroako Osasun Zerbitzuko Profesionalen zuzendariaren otsailaren 8ko 217E/2021 Ebazpenaren bidez deialdian onartutako eta baztertutako izangaien behin-behineko zerrenda onetsi zen. Ebazpen hori 2021eko 43. Nafarroako Aldizkari Ofizialean argitaratu zen, otsailaren 25ekoan.

Apirilaren 6ko 700E/2021 Ebazpenaren bidez (2021eko 90. Nafarroako Aldizkari Ofiziala, apirilaren 21ekoa), deialdian onartutako eta baztertutako izangaien behin betiko zerrenda onetsi zen eta zehaztu ziren bete beharreko lanpostuen kopurua (24 lanpostu), horien destinoak eta plantilla zenbakiak. Gero, maiatzaren 6ko 947E/2021 Ebazpenaren bidez aldatu zen aipatu 700E/2021 Ebazpena (2021eko 119. Nafarroako Aldizkari Ofiziala, maiatzaren 21ekoa).

Lehiaketaldia eta oposizioaldia amaiturik, hautapen prozesua puntuazio handienekin gainditzeagatik deialdiko lanpostuetan sartzen ahal ziren izangaiak izendatzeko proposamena argitaratu zen 2022ko 257. Nafarroako Aldizkari Ofizialean, abenduaren 22koan.

Deialdian eskatutako dokumentazioa aurkeztuta, egiaztatu da izangai horiek deialdian eskatutako baldintzak betetzen dituztela. Horregatik, bidezko da izendatzea eta lanpostuak esleitzea.

Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,

EBAZTEN DUT:

1. Honako izangai hauek izendatzea Nafarroako Foru Komunitateko Administrazioaren eta haren erakunde autonomoen zerbitzuko funtzionario, Obstetrizia eta Ginekologiako erizain espezialisten (emaginak) lanpostuan aritzeko:

–Erreserba txanda %33ko edo hortik gorako desgaitasuna duten pertsonentzat.

FRIEBEL LEAL, MARIA DEL MAR

–Igoera txanda.

CALVO JASO, SILVIA

GARNICA MARTÍNEZ, IRACHE

JERICO OJER, MARIA

PASTOR AGUIRRE, CAROLINA

SANZOL MARCO, MARTA

ANTON GRANDEZ, MARIA PILAR

ZOROZA BELZA, MAITE

GALDEANO GÓRRIZ, MARÍA DEL PUY

VAQUERO BARRERA, MARIA ANDREA

NÚÑEZ CELAYA, LAURA

–Txanda irekia.

SANCHEZ-CRUZAT ALBERTIN, CAROLINA

AYERRA GAMBOA, ADELA

OSES AYUCAR, LEYRE

PEREZ FELEZ, ALLENDE

LUQUIN VILLANUEVA, AMAYA

BONET PEREZ, BEATRIZ

MENDEZ MECA, CAROLINA

CARABAÑO MAYORGA, ÁNGELA

CARRIZOSA MORENO, ANGELA

ABAURREA ASIAIN, SANDRA

LIZARRAGA BULDAIN, IRANTZU

ORZAIZ IBARRA, LEIRE

2. Lanpostu hutsak esleitzea I. eranskinean xedatutakoarekin bat.

3. Adierazi behar da Sandra Abaurrea Asiain andreak, Irantzu Lizarraga Buldain andreak eta Leire Orzaiz Ibarra andreak euskarazko jakite maila zehaztuta duten lanpostu elebidunak betetzeko prozesuetan besterik ezin izanen dutela parte hartu, jarraikiz Nafarroako Administrazio Publikoen zerbitzuko Langileen Estatutuaren testu bategina onesten duen abuztuaren 30eko 251/1993 Legegintzako Foru Dekretuaren 33.2 artikuluan ezarritakoari.

4. Izendatutako izangaiek hilabeteko epean hartu beharko dute lanpostuaren jabetza, izendapena jakinarazi eta biharamunetik hasita. Epe horretan lanpostuaz jabetzen ez badira, ezinbesteko kasuetan salbu, Foru Komunitateko Administrazioko funtzionario izateko eskubide guztiak galduko dituzte.

5. Ebazpen hau igortzea, behar diren ondorioak izan ditzan, Osasunbidea-Nafarroako Osasun Zerbitzura (Langileriaren eta Lan Harremanen Zuzendariordetzara, eta Nafarroako Ospitale Unibertsitarioko eta García Orcoyen ospitaleko Langileriaren Zuzendaritzetara), eta Funtzio Publikoko Zuzendaritza Nagusiko Langileriaren Kudeaketako Zerbitzura, eta interesdunei jakinaraztea, eta adieraztea ebazpen honen kontra gora jotzeko errekurtsoa paratzen ahal dela, Lehendakaritzako, Berdintasuneko, Funtzio Publikoko eta Barneko kontseilariari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluekin bat etorriz.

Iruñean, 2023ko otsailaren 1ean.–Funtzio Publikoko zuzendari nagusia, Amaia Goñi Lacabe.

I. ERANSKINA

Iragarkiaren kodea: F2301739