1. NAFARROAKO FORU KOMUNITATEA
1.7. BESTELAKOAK
430/2023 EBAZPENA, otsailaren 1ekoa, Funtzio Publikoko zuzendari nagusiak emana, zeinaren bidez Nafarroako Justizia Auzitegi Nagusiko Administrazioarekiko Auzien Salara igortzen baita CCOO sindikatuko Irakaskuntza Federazioak urriaren 11ko 93/2022 Foru Dekretuaren aurka aurkeztu duen administrazioarekiko auzi-errekurtsoari buruzko administrazio espedientea (errekurtsoa 498/2022 zenbakiko prozedura arruntean bideratu da). Foru dekretu horren bidez Nafarroako Foru Komunitateko Administrazioaren eta haren erakunde autonomoen plantilla organikoa aldatu zen (2022ko 214. Nafarroako Aldizkari Ofizialean argitaratua, urriaren 28koan).
Nafarroako Justizia Auzitegi Nagusiko Administrazioarekiko Auzien Salan, CCOO sindikatuko Irakaskuntza Federazioak administrazioarekiko auzi-errekurtsoa aurkeztu du urriaren 11ko 93/2022 Foru Dekretuaren aurka, zeinaren bidez Nafarroako Foru Komunitateko Administrazioaren eta haren erakunde autonomoen plantilla organikoa aldatu baitzen (2022ko 214. Nafarroako Aldizkari Ofizialean argitaratua, urriaren 28koan).
Administrazioarekiko Auzien Jurisdikzioa arautzen duen uztailaren 13ko 29/1998 Legearen 48. artikuluarekin bat, sala horrek eskatu du igor diezaiotela administrazio espedientea, eta epatzeko deiak egin daitezela lege horren 49. artikuluan ezarritako moduan.
Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBAZTEN DUT:
1. Igortzea CCOO sindikatuko Irakaskuntza Federazioak Nafarroako Justizia Auzitegi Nagusiko Administrazioarekiko Auzien Salan aurkeztutako administrazioarekiko auzi-errekurtsoari buruzko administrazio-espedientea (errekurtsoa 498/2022 prozedura arruntean bideratu da).
2. Ebazpen hau interesdunei jakinaraztea, Nafarroako Aldizkari Ofizialean argitaratuta, eta haiek epatzea, autoetan demandatu gisa agertu ahal izan daitezen Nafarroako Justizia Auzitegi Nagusiko Administrazioarekiko Auzien Salan, ebazpen hau argitaratu ondoko bederatzi eguneko epean.
3. Ebazpen hau igortzea Nafarroako Justizia Auzitegi Nagusiko Administrazioarekiko Auzien Salari eta Lehendakaritzako, Berdintasuneko, Funtzio Publikoko eta Barneko Departamentuko Aholkularitza Juridikoaren Zerbitzuari, eta CCOO sindikatuko irakaskuntza federazioari jakinaraztea, behar diren ondorioak izan ditzan.
Iruñean, 2023ko otsailaren 1ean.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F2301748
