2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ESTERIBAR
2023rako zerga-tasak
Esteribarko Udalak, 2023ko urtarrilaren 26an egin ohiko osoko bilkuran, 2023rako zerga-tasak onetsi zituen, 2023ko urtarrilaren 1etik aurrerako ondorioekin. Hona hemen:
a) Lur-ondasunen gaineko kontribuzioaren zerga: %0,25.
b) Ekonomia-jardueren gaineko zerga. Indarra duen araudian ezarritako tarifen arabera, %1eko udal indizea.
c) Trakzio mekanikoko ibilgailuen gaineko zerga. Indarra duen araudian ezarritako tarifen arabera.
Interesdunak hala eskaturik, honako hobari hauek aplikatuko dira zergaren kuotan:
–%25eko hobaria ECO ibilgailuetarako.
–%50eko hobaria 0 isurpeneko ibilgailuetarako.
d) Eraikuntzen, instalazioen eta obren gaineko zerga: %4.
e) Hiri-lurren balio-gehikuntzaren gaineko zerga:
–Koefizienteak: Nafarroako Toki Ogasunei buruzko uztailaren 2ko 2/1995 Foru Legeak ezarritako gehienekoak, balioaren gehikuntza sortu zen aldiaren arabera.
–Karga-tasa: %15.
Esteribarren, 2023ko urtarrilaren 30ean.–Alkatea, Mikel Gastesi Zabaleta.
Iragarkiaren kodea: L2301553