Iragarkia
31. ALDIZKARIA - 2023ko otsailaren 14a
1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
126/2023 EBAZPENA, 2023ko urtarrilaren 26koa, Nafarroako Unibertsitate Publikoko Ikerketako errektoreordeak emana. Haren bidez, hautaketa-prozesu baterako deialdia egiten da ikertzaileen lan kontratazioa egiteko, hitzarmen honi lotutako jarduera zientifiko-teknikoetako kontratu bidez: "Memoria Historikoaren Dokumentu Funtsa garatzeko hitzarmena, Nafarroako Gobernuaren eta Nafarroako Unibertsitate Publikoaren artekoa. 2023. urtea".
2022ko abenduaren 30ean, Ikerketa Zerbitzuak hautaketa-prozesu baterako deia egiteko eskatu zuen, ikertzaileak kontratatzeko, proiektuko lankide gisa, hitzarmen honi lotutako jarduera zientifiko-teknikoetako kontratu bidez: "Memoria Historikoaren Dokumentu Funtsa garatzeko hitzarmena, Nafarroako Gobernuaren eta Nafarroako Unibertsitate Publikoaren artekoa. 2023. urtea". Ikertzaile arduraduna Fernando Mendiola Gonzalo da, unibertsitateko irakasle titularra, Giza eta Hezkuntza Zientzien Sailari atxikia.
Aintzat harturik Giza Baliabideen Zerbitzuko zuzendariaren txosten proposamena.
Nafarroako Unibertsitate Publikoko errektoreak errektoretza-taldearen egitura orokorra onetsi eta bere funtzioak zehazteko 2019ko uztailaren 3an eman zuen 1420/2019 Ebazpenaren bidez eskuordetu dizkidan eskumenak erabiliz,
EBAZTEN DUT:
Lehenbizikoa.–Hautaketa-prozesurako deialdi bat eta haren oinarriak onestea. Deialdi horren helburua ikertzaileen lan kontratazioa egitea da, hitzarmen honi lotutako jarduera zientifiko-teknikoetako kontratu bidez: "Memoria Historikoaren Dokumentu Funtsa garatzeko hitzarmena, Nafarroako Gobernuaren eta Nafarroako Unibertsitate Publikoaren artekoa. 2023. urtea".
Bigarrena.–Ebazpen hau Hautaketa Batzordeko kideei eta Ikerketa Zerbitzuari aditzera ematea.
Hirugarrena.–Agindua ematea ebazpen hau Unibertsitatearen iragarki-ohol elektronikoan eta Nafarroako Aldizkari Ofizialean argitaratu dadin.
Iruñean, 2023ko urtarrilaren 26an.–Ikerketako errektoreordea, Francisco J. Arregui San Martín.
HAUTAKETA-PROZESURAKO DEIALDIA IKERTZAILEEN LAN KONTRATAZIOA EGITEKO HITZARMEN HAU GARATZEKO: "MEMORIA HISTORIKOAREN DOKUMENTU FUNTSA GARATZEKO HITZARMENA, NAFARROAKO GOBERNUAREN ETA NAFARROAKO UNIBERTSITATE PUBLIKOAREN ARTEKOA. 2023. URTEA"
Hauek dira deialdia arautuko duten:
OINARRIAK
1.–Datu orokorrak.
–Deialdiaren xedea: deialdi honen xedea ikertzaileak hautatzea da, ondoren lan kontratazioa egiteko, hitzarmen honi lotutako jarduera zientifiko-teknikoetako kontratu bidez: "Memoria Historikoaren Dokumentu Funtsa garatzeko hitzarmena, Nafarroako Gobernuaren eta Nafarroako Unibertsitate Publikoaren artekoa. 2023. urtea".
–Maila profesionala: proiektuko lankidea, batez ere ikerketa-lanetan aritzeko.
–Eginkizunak: frankismoan trenbideetako langileek jasandako arazketari buruzko informazioa hustea eta oinarrizko azterketa egitea; bigarren hezkuntzarako material didaktikoak garatzea, euskaraz, gaztelaniaz eta ingelesez, trenbideetako langileek frankismoan jasandako errepresioari buruz.
–Kontratu mota: jarduera zientifiko-teknikoen kontratuaren modalitatearen bidez eginen da kontratazioa, Zientziari, Teknologiari eta Berrikuntzari buruzko 2011ko ekainaren 1eko 14/2011 Legearen 23 bis artikuluan ezarritakoarekin bat etorriz.
–Iraupena: mugagabea, hitzarmen honi lotua: "Memoria Historikoaren Dokumentu Funtsa garatzeko hitzarmena, Nafarroako Gobernuaren eta Nafarroako Unibertsitate Publikoaren artekoa. 2023. urtea".
–Lanaldi mota: osoa.
–Ordainsariak: Nafarroako Unibertsitate Publikoaren Ikertzaileak Kontratatzeko Arautegiak bere eranskinean ezarritakoak, 2022. urtera egokituak; arautegi hori 2017ko maiatzaren 3ko Gobernu Kontseiluaren erabaki baten bidez onetsi zen, eta 2022ko apirilaren 12ko Gobernu Kontseiluaren erabaki baten bidez aldatu.
Diru-gehigarriak ordaintzeko aukera egonen da, proiektuan ezarritako helburuak betez gero. Diru-gehigarri horiek ordaintzeko, proiektuaren arduradunak ordainketa justifikatzen duen azken txosten bat egin beharko du, eta aurrekontuan diru kopuru nahikoa izan beharko da.
–Finantzaketa: "Memoria Historikoaren Dokumentu Funtsa garatzeko hitzarmena, Nafarroako Gobernuaren eta Nafarroako Unibertsitate Publikoaren artekoa. 2023. urtea".
–Argitaratzeko tokiak: Deialdia Nafarroako Aldizkari Ofizialean argitaratzeaz gainera, deialdiarekin lotutako egintza eta ebazpen guztiak Nafarroako Unibertsitate Publikoaren iragarki-ohol elektronikoan argitaratuko dira.
2.–Parte hartzeko baldintzak.
2.1. Hautaketa-prozesuan onartuak izateko, izangaiek baldintza hauek bete beharko dituzte:
a) Espainiako herritarra izatea edo Europar Batasuneko estaturen batekoa izatea edo, Europar Batasunak izenpetu eta Espainiar Estatuak berretsitako nazioarteko itunen arabera, langileen joan-etorri askea aplikatzekoa zaion estaturen batekoa.
Halaber, Espainiako, Europar Batasuneko estatuetako eta aipatu nazioarteko itunak aplikatzen diren eremuko estatuetako herritartasuna dutenen ezkontideek parte hartzeko aukera dute, betiere zuzenbidearen arabera bananduak ez badaude; herritartasuna duenaren ondorengoek eta haren ezkontidearen ondorengoek ere parte hartzeko aukera dute, zuzenbidearen arabera bananduak ez badaude, baldin eta 21 urtetik beherakoak badira edo, adin horretatik gorakoak izanda ere, gurasoen kontura bizi badira.
Halaber, aurreko paragrafoetan sartuta ez dauden herrialdetakoak izan eta Espainian legezko bizilekua duten atzerritarrek administrazio publikoetako lan kontratupeko langile aritzeko aukera izanen dute. Espainian bizi ez diren atzerritarrek parte hartzeko aukera izanen dute, betiere parte hartzeko betekizunak betetzen badituzte. Kasu horretan, kontratazioa egin ahal izateko atzerritartasunari buruzko legeek eskatzen dituzten baimenak lortu beharko dituzte.
b) 18 urte baino gehiago izatea, eta erretiro adina betea ez izatea.
c) Bigarren Hezkuntzako Irakasletzako Unibertsitate Masterreko titulazio akademiko ofiziala edo baliokidea izatea.
Atzerrian erdietsitako titulazioak badira, izangaiak eskuan izan beharko du homologazioaren egiaztagiria, edo baliokidetzearena, hala badagokio. Betekizun hori ez zaie aplikatuko lanbide arautuen eremuan prestakuntza profesionalaren aitorpena Europako Erkidegoko Zuzenbidearen xedapenen babesean erdietsi duten izangaiei.
d) Ingeleseko C1 mailaren ziurtagiria izatea, Hizkuntzetarako Europako Erreferentzia Esparru Bateratuaren araberakoa (HEEEB).
Esteka honetan ageri da CRUEren Ingeleseko Hizkuntza Mahaiak onetsitako taula, hizkuntza-maila egiaztatzeko onartuko diren tituluen zerrenda duena:
e) EGA titulua edo baliokidea izatea.
f) Deialdiko xede diren lanpostuak betetzea galarazten duen gaixotasunik edo muga fisikorik edo psikikorik ez edukitzea.
g) Diziplinako espediente baten ondorioz edozein administrazio publikotako zerbitzutik baztertua ez izatea, eta ez egotea epai irmo baten bidez ezgaitua eginkizun publikoak betetzeko.
2.2. Aurreko arauetan ezarri diren baldintzak eskaerak aurkezteko epea bukatzen denean bete beharko dira, eta kontratazioa egin arte beteko dira.
3.–Eskaerak.
Eskabideak aurkezteko epea 10 egun baliodun igaro ondoren bukatuko da, deialdi hau Nafarroako Aldizkari Ofizialean argitaratzen den egunaren biharamunetik kontatzen hasita.
Hautaketa-prozesu honetarako inskripzioa telematikoki egin beharko da, Nafarroako Unibertsitate Publikoaren egoitza elektronikoaren bidez, helbide honetan:
https://sedeelectronica.unavarra.es/sede/zerbitzu-katalogoa/guztiak/ikertzaileen-hautaprobak
Lehenik, "Hasi tramitea" botoia sakatu behar da.
"Erantsi fitxategiak" eremuan, dokumentu hauek erantsi beharko dira lanpostu kategoria bakoitzerako:
–Parte hartzeko eskabidea.
–Nortasun Agiri Nazionalaren, AIZren edo pasaportearen fotokopia.
–Deialdian eskatzen den tituluaren fotokopia.
–Espediente akademikoaren fotokopia, batez besteko nota zehaztuta.
–Ingeleseko C1 mailaren ziurtagiria.
–EGA titulua edo baliokidea.
–Curriculum vitaea, norberak egoki jotzen dituen merezimenduen egiaztagiriekin batera.
Parte hartzeko eskabide eredua esteka honetan dago:
4.–Izangaien onarpena.
4.1. Eskaerak aurkezteko epea bukatu eta gero, onartuen eta baztertuen behin-behineko zerrenda argitaratuko da, baztertua izateko arrazoia esanez, baztertuen kasuan. Izangai bazterturik ez bada, zuzenean onetsiko da behin betiko zerrenda.
4.2. Hirugarren oinarriak aipatzen dituen dokumentuak ez aurkezteagatik behin-behinean baztertzea galarazi gabe, eskaera epez kanpo aurkeztea edo lehiaketaren bidez lortu nahi den lanpostua betetzeko bete behar diren baldintzak ez betetzea baztertzeko arrazoiak izanen dira, eta, gainera, horiek ezin izanen dira zuzendu.
4.3. Izangai baztertuek edo zerrendan azaldu ez direnek zilegi dute erreklamazioa egitea eta, akatsen bat badago, akatsak zuzentzea, behin-behineko zerrenda argitaratu eta hurrengo 5 egun balioduneko epean. Ezartzen den epean baztertuak izateko arrazoia konpontzen ez duten izangaiak behin betiko baztertuko dira, eta ez dute probarik eginen.
4.4. Eskaerak aurkezteko eta akatsak zuzentzeko epea bukatu eta gero, onartuen eta baztertuen behin betiko zerrenda argitaratuko da.
4.5. Izangaiak hautaketa-prozesuan onartuen zerrendan egoteak edota 6.2 oinarriak aipatu hautaketa-prozesua gainditu dutenen zerrendan egoteak ez du ekarriko inoiz ere unibertsitateak aitortzea betetzen dituztela deialdiko oinarrietan eskatu diren baldintza orokorrak edo bereziak. Kontratatzeko deitzen dituzten izangaiek ziurtatu eta egiaztatu beharko dituzte horiek, jatorrizko dokumentazioa aurkeztu beharko baitute kontratua sinatzen dutenean.
4.6. Parte hartzeko eskaerarekin batera aurkeztutako dokumentazioarekin alderaturik jatorrizko dokumentazioa okerra edo faltsua bada edo aurkeztu ez bada, kontratua sinatzeko ezintasuna eta kontratazio zerrendatik baztertzea ekarriko du, interesdunak berak sinatuko duen erantzukizunpeko adierazpenarekin bat etorriz.
5.–Hautaketa-prozesua.
Izangaien merezimenduak baloratuko dira, aurkeztutako dokumentazioarekin bat etorriz eta I. eranskineko baremoaren arabera.
Izangaiek eskabideak aurkezteko epea bukatzean dituzten merezimenduak bakarrik baloratuko dira, eta gero lortutakoak ez dira kontuan hartuko. Hautaketa Batzordeak inola ere ez du onartuko izangaiek alegatu ez duten edo agirien bidez frogatu ez duten merezimendurik, eta ezin izanen du apartatu bakoitzean adierazitako gehieneko puntuazioa baino handiagorik eman.
Adierazten diren merezimendu guztiak zuzenbidean baliozkoa den edozein baliabideren bidez frogatu behar dira.
Hautaketa Batzordeko kide bakoitzak baloratuko ditu izangaien merezimenduak. Azken puntuazioa izangai bakoitzari emandako puntuazioen batezbestekoa izanen da.
6.–Hautaketa-prozesuaren ebazpena.
6.1. Izangaiek aurkeztutako merezimenduen balorazioa amaitu eta gero, Hautaketa Batzordeak Ikerketako errektoreordeari bidaliko dio hautaketa-prozesua gainditu duten izangaien zerrenda, lortutako puntuazioekin.
6.2. Ikerketako errektoreordeak ebazpena emanen du hautaketa-prozesua gainditu duten izangaien zerrenda onesteko, eta Nafarroako Unibertsitate Publikoaren iragarki-ohol elektronikoan argitaratuko da.
6.3. Deialdi honetan sortzen den kontratazio zerrendak 3 urteko indarraldia edukiko du argitaratzen den egunaren biharamunetik kontatzen hasita.
Indarrean dagoen bitartean, kategoria bera eta ia eginkizun berak dituzten langileak kontratatzeko premia sortzen denean ere erabiltzen ahalko da kontratazio zerrenda hori, proiektu, kontratu, hitzarmen edo katedra baterako edo institutuko edo ikerketa-taldeko funtsetarako izan, betiere hurrenkera ordena errespetatuz.
6.4. Deialdi honen ondoriozko kontratazio zerrendan egonik kontratu bat onartzen duten izangaiei ez zaie beste edozein lanpostutarako kontraturik eskainiko. Dena dela, eskainiko zaie baldin eta kontratua bukatzeko 15 egun edo gutxiago gelditzen badira.
7.–Hautaketa-batzordea.
Batzordeburua: Emilio Majuelo Gil doktorea, unibertsitateko irakasle titularra, Giza eta Hezkuntza Zientzien Sailari atxikia, Ikerketako errektoreordeak delegatuta.
Idazkaria: Fernando Mendiola Gonzalo doktorea, unibertsitateko irakasle titularra, Giza eta Hezkuntza Zientzien Sailari atxikia.
Batzordekidea: Nerea Pérez Ibarrola, irakasle laguntzaile doktorea, Giza eta Hezkuntza Zientzien Sailari atxikia.
–Ordezko hautaketa-batzordea:
Batzordeburua: Gemma Piérola Narvarte, irakasle laguntzaile doktorea, Giza eta Hezkuntza Zientzien Sailari atxikia.
Idazkaria: Roldán Jimeno Aranguren doktorea, unibertsitateko irakasle titularra, Zuzenbide Sailari atxikia.
Batzordekidea: Juan Carlos García Funes, irakasle laguntzaile doktorea, Giza eta Hezkuntza Zientzien Sailari atxikia.
Hautaketa Batzordearen jarduerak, une oro, Administrazio Publikoen Administrazio Prozedura Erkideari buruzko 2015eko urriaren 1eko 39/2015 Legeak eta Sektore Publikoaren Araubide Juridikoaren 2015eko urriaren 1eko 40/2015 Legeak ezartzen dutenaren arabera gauzatuko dira. Jakinarazpenak egiteko eta bestelako gorabeheretarako, Hautaketa Batzordearen egoitza Nafarroako Unibertsitate Publikoko Administrazioko eta Kudeaketako eraikina izanen da.
8.–Datu pertsonalen babesa.
Nafarroako Unibertsitate Publikoak langileen kudeaketaren arloan antolatutako prozesuetan parte hartzeak interesdunen datuak tratatzea ekarriko du berekin. Datu horien tratamenduaren arduraduna Nafarroako Unibertsitate Publikoa da.
Datuen tratamendua aplikatzekoa zaion araudiari jarraikiz eginen da, hots, Datuak Babesteko 2016/679 EB Erregelamendu Orokorrari eta Datu Pertsonalak Babesteko 2018ko abenduaren 5eko 3/2018 Lege Organikoari jarraikiz. http://www.unavarra.es webgunean argitaratutako Tratamendu Jardueren Erregistroan kontsulta daiteke nola eginen den tratamendu hori, "Giza baliabideak" atalean.
Tratatuko diren datuak batez ere hautaketa-prozesuetako izangaienak eta NUPeko langileenak izanen dira; hauek hain zuzen ere: izena, deiturak, NANa, datu akademikoak eta profesionalak eta, beharrezkoa denean, bankuko datuak eta Gizarte Segurantzakoak, edo ondoren deskribatzen den xedea betetzeko beharrezkoak direnak.
Datuen tratamendua justifikatzen duen xedea hau da: hautaketa-prozedurak, mugikortasunekoak, egoera administratiboak, ziurtagiriak, edo Giza Baliabideen arloan NUPen eskumenekoak diren beste batzuk tramitatzea.
Xede horrek interes publikoa edo botere publikoa legitimatzen du, Datuak Babesteko Erregelamendu Orokorraren 6.1.e) artikuluak ezartzen duen bezala. Hauek dira oinarri juridikoak, langileei buruzko beste arau batzuen artean: Enplegatu Publikoaren Oinarrizko Estatutuaren Legearen testu bategina onesten duen 5/2015 Legegintzako Errege Dekretua, 2015eko urriaren 30ekoa, eta Nafarroako Administrazio Publikoen zerbitzura dauden Langileen Estatutuaren testu bategina onesten duen 251/1993 Legegintzako Foru Dekretua, 1993ko abuztuaren 30ekoa.
Datuak tratatzeko jarduerei dagokienez, interesdunek eskubidea dute datuak eskuratzeko, zuzentzeko, ezabatzeko, mugatzeko, haiei kontra egiteko eta transferitzeko. Horretarako, mezu bat bidali behar dute delegado.protecciondatos@unavarra.es helbidera, Datu Pertsonalak Babesteko Lege Organikoaren 11. artikulutik 18. artikulura bitartekoei jarraikiz. Desadostasunen bat izanez gero, Datuak Babesteko Espainiar Agentziara jo dezakete, https://www.aepd.es/ domeinuaren bidez.
9.–Errekurtsoak.
Hautaketa Batzordeak erabakitzen dituen egintzen aurka, zilegi da gora jotzeko errekurtsoa jartzea, errektoreari zuzendua, hilabeteko epean, aurkaratzen den egintza jakinarazi edo argitaratu eta biharamunetik kontatzen hasita.
Deialdi honen aurka, haren oinarrien aurka eta beroriek aplikatzeko egintzen aurka, Hautaketa Batzordeak egindakoak ez direnean, zilegi da ondoko errekurtsoetako bat jartzea, arau indardunekin bat etorriz:
a) Aukerako berraztertze-errekurtsoa errektorearen aurrean, hilabeteko epean, egintza edo erabakia jakinarazi edo argitaratu eta biharamunetik kontatzen hasita.
b) Administrazioarekiko auzi-errekurtsoa Nafarroako Administrazioarekiko Auzietako Epaitegietan, bi hilabeteko epean, egintza edo erabakia jakinarazi edo argitaratu eta biharamunetik aurrera.
I. ERANSKINA
Ikertzaileak hautatzeko baremoa
ERABILIKO DEN BAREMOA ETA/EDO EGINEN DIREN PROBAK | ||
1. apartatua: Espediente akademikoa | Puntuak | 20 |
Aurretiazko titulazioaren espedientea eta Bigarren Hezkuntzako Irakasletzako Unibertsitate Masterraren edo haren baliokidearen espedientea batera baloratuko dira, gehienez ere 10 punturekin, proportzioan, aurretiazko titulazioaren eta unibertsitate masterraren ECTS kredituen portzentaje erlatiboa aintzat hartuz. Emaitza 2 faktorearekin biderkatuko da baldin eta aurretiazko titulazioa Historiako Gradua edo Lizentzia bada, eta 0,5 faktorearekin beste titulazio batzuk badira, eta 20 puntu emanen dira gehienez ere. | ||
2. apartatua: Ikerketako esperientzia | Puntuak | 50 |
–Nafarroako Memoria Historikoaren Dokumentu Funtsean izandako lan esperientzia edo Dokumentu Funts horrekin ikerketa-lanetan izandako lankidetza: 35 puntu emanen dira gehienez (3 puntu lankidetzan aritutako hilabete bakoitzeko, eta 5 puntu Nafarroako Memoria Historikoaren Dokumentu Funtsaren argitalpenetan izandako parte-hartze bakoitzeko). –Trenbideetako langileek jasandako arazketa-prozesuari buruzko dokumentu historikoen tratamenduan izandako esperientzia: 5 puntu unibertsitate esparruan egindako mota horretako lanengatik. –Nafarroako gerra zibileko eta frankismoko memoria historikoarekin lotutako elkarte edo erakundeetako proiektuetan, proiektuen kudeaketan, dibulgazioan, memorietan edo antzekoetan izandako lan esperientzia edo lankidetza 5 puntura bitarte baloratuko da: 2 puntu, urteko lanengatik (aldi laburragoei puntuazio proportzionala emanen zaie), eta 0,5 puntu gehienez proiektu eta jarduera puntualengatik, kontratu honen xede diren jarduerekin duten loturaren arabera. –Gerra zibilarekin edo frankismoarekin lotutako historia garaikideari buruzko argitalpenak (10 puntu gehienez): lan dokumentuak, nazioko eta nazioarteko aldizkarietako artikuluak eta liburuetako kapituluak, 8 puntu gehienez (2 puntu gehienez argitalpen bakoitzeko); liburuen argitalpenagatik 8 puntu emanen dira gehienez (4 puntu gehienez liburu bakoitzeko), kontratu honen xede diren jarduerekin duten loturaren arabera. | ||
3. apartatua: Hizkuntzen eta kudeaketako informatikaren ezagutzak | Puntuak | 15 |
–Hizkuntzen ezagutza: Ingelesa: Espainiako Unibertsitateetako Errektoreen Konferentziak (CRUE) jasotako mailen arabera baloratuko da. 5 puntu C2 maila. Frantsesa: Espainiako Unibertsitateetako Errektoreen Konferentziak (CRUE) jasotako mailen arabera baloratuko da. 3,5 puntu B2 maila, eta 5 puntu C1 maila edo hortik gorakoa. –Informatikako eta Kudeaketako ezagutzak, betiere prestakuntza-ikastaroen, masterren eta informazioa eta proiektuak kudeatzen egindako lan jardueraren bidez egiaztatzen ahal badira: 5 puntu gehienez, edukiaren eta iraupenaren arabera. | ||
4. apartatua: Elkarrizketa pertsonala | Puntuak | 20 |
Aurreko apartatuen baturan puntuazio handiena lortu duten 2 izangaiei elkarrizketa pertsonal bat eginen zaie, betiere 40 puntu lortu badituzte gutxienez. Elkarrizketan kontratuaren xedea diren eginkizunak betetzeko gaitasuna eta eskatutako profilarekiko egokitasuna baloratuko dira. | ||
Hautaketa-prozesua gainditzeko eskatzen den gutxieneko puntuazioa 50 puntu da.
Hautaketa-prozesuaren azken emaitzan gerta daitezkeen berdinketak 4. apartatuan puntuazio handiena atera dutenen alde ebatziko dira. Berdinketa badago, 2. apartatuan puntuazio handiena lortzen dutenen alde. Berdinketak jarraitzen badu, zozketaz erabakiko da.
Iragarkiaren kodea: F2301729
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50