2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LARRAUN
Kudeaketa-esleipena Larraungo Udalaren eta Errazkingo Kontzejuaren artean, 2021 eko abenduko euri-erauntsien ondoriozko kalteak konpontzeko
PARTE-HARTZAILEAK:
Alde batetik, Mikel Huarte Martija, Larraungo Udaleko alkatea, Larraungo Udalaren izenean eta hura ordezkatuz.
Bestetik, Josu Oreja Arratibel, Errazkingo Kontzejuko burua, Errazkingo Kontzejuaren izenean eta hura ordezkatuz.
Alderdiek hitzarmena izenpetzeko lege ahalmen nahikoa aitortzen diote elkarri, eta horretarako,
ADIERAZI DUTE:
1.–Aurrekariak:
–Espainiako Gobernuaren Ebazpena, 2022ko irailaren 9koa, Lurralde Politikako Ministerioko Lurralde Politikako Estatu Idazkaritzarena, 2022ko 221. "Estatuko Aldizkari Ofizialean" argitaratua, irailaren 14an.
–Nafarroako Gobernuaren 923/2022 Ebazpena, Nekazaritza eta Abeltzaintzako zuzendari nagusiarena. Ebazpen horren bidez, 43.748,22 euroko dirulaguntza eman diote Errazkingo Kontzejuari 2022rako eta 2023rako, kontzejuaren titulartasuneko nekazaritza-azpiegiturak konpontzeko, 2021eko abenduan Nafarroan izandako eurite eta uholde berezien ondorioz.
–Espainiako Gobernuaren dirulaguntza jaso ahal izateko, Larraungo Udalak sustatu behar ditu lanak, zeren eta udalei zuzendutako dirulagutnza gisa argitaratu baitituzte. Bestalde, 6/1990 Foru Legearen arabera, kontzejua da lan horiek egiteko eskumena duena, eta gainera ondasunak kontzejuaren titulartasunekoak dira.
Horregatik, Larraungo Udalaren laguntza behar du Errazkingo Kontzejuak.
2.–Oinarri juridikoa.
Sektore Publikoaren Araubide Juridikoari buruzko urriaren 1eko 40/2015 Legearen 11.3.b) artikuluan xedatutakoaren arabera, kudeaketa-esleipena egiteko, udal guztiek aldi berean formalizatu behar dute aipatu zerbitzua kudeatzeko hitzarmena.
Horregatik guztiagatik, administrazio publikoen arteko harremanak gidatu behar dituen elkarrekiko lankidetzaren esparruan,
ERABAKI DUTE:
Lehenengoa.–Xedea.
Hitzarmenaren xedea da kudeaketa-esleipenaren baldintzak ezartzea jarraian azaldutako proiektua egiteko: "2021eko abenduko euri-erauntsien ondoriozko kalteen konponketa, Larraungo Udalerrian (Nafarroa) egiteko", Xabier Erbiti Saizar mendiko ingeniari teknikoak egindako dokumentu teknikoaren arabera; dokumentuaren data: 2022/11/11.
1. Proiektuaren aurrekariak: 2021eko abenduan Nafarroan izandako eurite eta uholde berezien ondorioz, Errazkingo Kontzejuko zenbait azpiegitura kaltetu ziren. Lan batzuk 2022ko urte hasieran egin zituen kontzejuak presazkoak zirelako, eta gainerakoak 2023an egin behar dira.
2. Espainiako Gobernuaren dirulaguntzari dagokionez, dirulaguntza Udalei zuzenduta dago, eta, ondorioz, kontzejuak ezin du dirulaguntza hori eskatu. Horrenbestez, kontzejuak Larraungo Udalari eskatu dio goian aipatutako lanak sustatzeko, eta Espainiako Gobernuaren dirulaguntza eskatu dezala.
Lan horiek egiteko eskumena kontzejuarena denez, lan horiek egin ahal izateko Errazkingo Kontzejuaren kudeaketa mandatua behar du Udalak, horregatik kontzejuak hitzarmen proposamena egin dio Larraungo Udalari.
Hau da dirulaguntzaren onespenaren ebazpena: Ebazpena, 2022ko irailaren 9koa, Lurralde Politikako Ministerioko Lurralde Politikako Estatu Idazkaritzarena, 2022ko 221. "Estatuko Aldizkari Ofizialean" argitaratua, irailaren 14an.
Dirulaguntzaren zenbateko osoa: 55.742,35 euro. 2023rako gehienez: 26.147,87 euro.
3. Nafarroako Gobernuaren dirulaguntzari dagokionez, dirulaguntza Errazkingo Kontzejuak eskatu du, eta kontzejuari ordainduko diote.
Dirulaguntza erabakitzen duen ebazpena: Nafarroako Gobernuaren 923/2022 Ebazpena, Nekazaritza eta Abeltzaintzako zuzendari nagusiarena. Ebazpen horren bidez erabaki dute Errazkingo Kontzejuari 43.748,22 euroko dirulaguntza ematea 2022rako eta 2023rako, kontzejuaren titulartasuneko nekazaritza-azpiegiturak konpontzeko, 2021eko abenduan Nafarroan izandako eurite eta uholde berezien ondorioz.
2023rako dirulaguntzaren zenbatekoa: gehienez 20.918,30 euro.
Bigarrena.–Finantziazioa.
Obren finantzaketaren eta proiektu eta zuzendaritzaren ekarpena 2022ko aurrekontu-ekitaldiaren kargura egingo dira.
Ministerioaren eta Nafarroako Gobernuaren finantzaketa-aurreikuspenen arabera, Udalaren eta Kontzejuaren arteko hitzarmenetik, honako finantzaketa hau ateratzen da:
–Obraren kostua : 48.171,07 euro, beza barne (39.810,80 euro bezik gabe).
–Proiektu eta obra zuzendaritza: 4.124,67 euro, beza barne (3.749,70 euro bezik gabe).
–Nafarroako Gobernuaren dirulaguntza: gehienez 20.918,30 euro.
–Lurralde Politikako Ministerioaren dirulaguntza: gehienez 26.147,87 euro Gainerakoak (egonez gero): Errazkingo kontzejua.
Errazkingo Kontzejuak obren kostu osoaren (proiektuaren eta obraren zuzendaritzaren zergak eta ordainsariak barne) eta horiek finantzatzeko Larraungo Udalak lortutako dirulaguntzen arteko aldeari dagokion zenbatekoa ordainduko du, Larraungo Udalak inolako kosturik izan ez dezan.
Aipatutako guztia aintzat hartuta, azkenean dirulaguntza lortuko ez balitz, Errazkingo Kontzejuak inbertsioaren kostu osoa ordainduko lioke Larraungo Udalari.
Hirugarrena.–Alderdiek obligazioak eta konpromisoak ez betetzearen ondorioak.
Hitzarmena sinatu duen alderdi batek alde bakarretik hutsaltzen badu hitzarmena indarraldia agortu baino lehen, ordaina eman beharko dio Udalari kalte-galerengatik.
Laugarrena.–Hitzarmena eta alderdietako konpromisoak betetzearen jarraipen, zaintza eta kontrol mekanismoak.
Hitzarmen honetan ezarritakoaren jarraipena egiteko, jarraipen batzorde bat eratuko da, alderdi bakoitzak izendatutako kide banak osatua (ordezko bat ere izendatuko dute), eginkizun hauekin:
–Hitzarmen honen babesean egindako jardueren jarraipena eta ebaluazioa egitea, bai eta hitzarmena garatzeko akordioak ere.
–Hitzarmena interpretatu eta betetzeko moduari buruzko arazoak ebaztea.
Bosgarrena.–Hitzarmena aldatzea.
Hitzarmenaren edukia aldatzeko, hura sinatu duten guztien adostasuna beharko da.
Seigarrena.–Hitzarmenaren iraupena.
Hitzarmenaren indarraldia 2023ko abenduaren 31n agortuko da.
Zazpigarrena.–Hitzarmena bertan behera uztea.
a) Hitzarmenaren indarraldia igarotzea haren luzapena adostua izan gabe.
b) Sinatzaile guztiek hala adostea.
c) Sinatzaileetako batek hartutako betebehar eta konpromisoak ez betetzea.
d) Hitzarmenaren deuseztasuna aitortzen duen epai judiziala.
Adostasunaren eta onarpenaren adierazgarri, eta aurrekoa guztia jasota uzteko, hitzarmena sinatu dute, bi aletan (alderdi bakoitzari ale bat emateko), ondorio bakar baterako.
Mugiron (Larraun), 2022ko abenduaren 28an.–Alkatea, Mikel Huarte Martija.
Iragarkiaren kodea: L2301286
