1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
DEIALDIA, Nafarroako Foru Komunitateko Administrazioaren eta haren erakunde autonomoen zerbitzuko administrazio publikoko teknikari (arlo juridikoa) izateko hogeita hamasei lanpostu oposizio bidez betetzeko. Izendapen proposamen osagarria.
Funtzio Publikoko zuzendari nagusiaren abenduaren 1eko 2861/2020 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko administrazio publikoko teknikari (arlo juridikoa) izateko hogeita hamasei lanpostu oposizio bidez betetzeko deialdia onetsi zen. Deialdiaren 9. oinarrian xedatutakoa betetzeko, 2022ko 187. Nafarroako Aldizkari Ofizialean, irailaren 20koan, argitara eman zen probak gainditu eta lanpostuetako baldintzak betetzen zituzten izangaietatik deialdiko lanpostu kopuruan sartzen ahal zirenak izendatzeko proposamena, eta 30 egun naturaleko epea ireki zen izendapena egiteko eskatutako dokumentazioa aurkez zezaten.
Funtzio Publikoko zuzendari nagusiaren abenduaren 12ko 3207/2022 Ebazpenaren bidez, izendapen proposamen horretan sarturiko hogeita hamasei izangaiak funtzionario izendatu ziren.
Horretarako zuen epearen barruan, txanda irekiko izangai Íñigo Roldán Catalán jaunari borondatezko eszedentzia eman zaio, lanpostuaz jabetu zenetik aurrera, une horretan beste administrazio publiko batean zerbitzu finkoak ematen ari zelako.
Deialdiaren 10.4 oinarriak ezartzen du ezen, izangaia funtzionario bihurtu eta, lanpostuan batere aritu gabe, zuzenean eta berak eskatuta, indarreko araudian ezarritako kasuetan borondatezko eszedentzia ematen bazaio jabetza hartzen duen egunetik beretik, kasuko lanpostu hutsa ere deialdiaren 9.4 atalean xedatzen den moduan beteko dela.
Horiek horrela, bidezko da izendapen proposamena osatzea Tania Mendez Rasero andrea sartuz; izan ere, bera da hasieran izendatutako izangaien atze-atzetik dagoen hurrengo izangaia hautapen prozesua gainditu duten txanda irekiko izangaien zerrendan.
Deialdiaren 9.2 oinarrian ezarritakoa betez, proposaturiko izangaiak 30 egun naturaleko epea izanen du, proposamen hau Nafarroako Aldizkari Ofizialean argitaratu eta biharamunetik hasita, eskatutako agiriak aurkezteko Nafarroako Foru Komunitateko Administrazioaren Erregistro Orokor Elektronikoaren bidez.
Iruñean, 2023ko urtarrilaren 31n.–Langileriaren Kudeaketako Zerbitzuko zuzendaria, Pilar Goñi Muro.
Iragarkiaren kodea: F2301561