1. NAFARROAKO FORU KOMUNITATEA
1.7. BESTELAKOAK
320/2022 EBAZPENA, abenduaren 30ekoa, Lanbide Heziketaren zuzendari nagusiak emana. Honen bidez onesten da Lanbide Heziketaren zuzendari nagusiaren uztailaren 5eko 155/2022 Ebazpenaren bidez Nafarroako Merkataritza, Industria eta Zerbitzu Ganbera Ofizialari egindako esleipenean amaitu gabeko ekintzekin jarraitzeko hitzarmenaren testua. Esleipenaren xedea da langileentzako edo gaitasun profesionala prestakuntza-bide ez-formalen bitartez berenganatu duten pertsonentzako gaitasun profesionala egiaztatzeko prozedurarekin loturiko jarduerak garatzea 2022. urtean, Hezkuntzako eta Lanbide Heziketako Ministerioak eta Europar Batasunaren Next Generation EU funtsak finantzatutako Suspertze, Eraldatze eta Erresilientzia Planaren esparruan.
20. osagaia | Lanbide Heziketa Bultzatzeko Plan Estrategikoa |
C20 neurria. I01 | Langileen reskilling-a eta upskilling-a, lanbide-kualifikazioei lotuta |
Ekimen-kodea (CRU) | C20.I01.P01. Lanbide-gaitasunen ebaluazioa eta egiaztapena |
Lanbide Heziketaren zuzendari nagusiaren uztailaren 5eko 155/2022 Ebazpenaren bidez Nafarroako Merkataritza, Industria eta Zerbitzu Ganbera Ofizialari egindako esleipena formalizatzeko hitzarmenaren testua onetsi zen da. Esleipenaren xedea da langileentzako edo gaitasun profesionala prestakuntza-bide ez-formalen bitartez berenganatu duten pertsonentzako gaitasun profesionala egiaztatzeko prozedurarekin loturiko jarduerak garatzea 2022. urtean, Hezkuntzako eta Lanbide Heziketako Ministerioak eta Europar Batasunaren Next Generation EU funtsak finantzatutako Suspertze, Eraldatze eta Erresilientzia Planaren esparruan.
Nafarroako Merkataritza, Industria eta Zerbitzu Ganbera Ofiziala zuzenbide publikoko korporazioa da eta nortasun juridikoa du, bai eta bere helburuak betetzeko jardute gaitasun osoa ere; administrazio publikoen aholkularitza eta lankidetzarako organo gisa taxutu da, dituen interes pribatuak alde batera utzi gabe. Apirilaren 10eko 17/2015 Foru Legeari jarraikiz arautzen da Ganbera.
Hezkuntza Departamentuak ez dauka ekintza horiei ekiteko ez bitarteko materialik ez giza baliabiderik. Beraz, Lanbide Heziketako Kualifikazio eta Proiektu Zerbitzuak txostena egin du proposatzeko Nafarroako Merkataritza, Industria eta Zerbitzu Ganbera Ofizialari egindako esleipen honetan amaitu gabeko ekintzekin jarraitzeko hitzarmena sinatzea, eta behar den gastua baimentzea: "Gaitasun profesionalen ebaluazioa eta egiaztapena" delako zerbitzuko "gaitasun profesionala egiaztatzeko prozedurarekin loturiko jardueren garapena".
Ikusirik ekimenaren inguruabarrak aldatu direla, uste da Ganberak oso zail izan duela hitzarmen hau betetzen, eta horregatik proposatzen da hitzarmen bat formalizatzea Lanbide Heziketaren zuzendari nagusiaren uztailaren 5eko 155/2022 Ebazpenaren bidez onetsitako esleipenean irekitako prozeduretan amaitu gabeko ekintzak amaitzeko.
Aurrean azaldutakoagatik uste da egokia eta eraginkorra izanen dela lanbide-gaitasuna egiaztatzeko prozedurarekin loturiko jarduerak kudeatzeko eta egiteko hitzarmena sinatzea Nafarroako Merkataritza, Industria eta Zerbitzu Ganbera Ofizialarekin. Hitzarmena Merkataritza, Industria eta Zerbitzu Ganbera Ofizialari buruzko apirilaren 10eko 17/2015 Foru Legeak 7. artikuluan ezartzen duenari jarraikiz eginen da.
Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz, honako hau
EBAZTEN DUT:
1. Onestea Lanbide Heziketaren zuzendari nagusiaren uztailaren 5eko 155/2022 Ebazpenaren bidez Nafarroako Merkataritza, Industria eta Zerbitzu Ganbera Ofizialari egindako esleipenean amaitu gabeko ekintzekin jarraitzeko hitzarmenaren testua. Esleipenaren xedea da langileentzako edo gaitasun profesionala prestakuntza-bide ez-formalen bitartez berenganatu duten pertsonentzako gaitasun profesionala egiaztatzeko prozedurarekin loturiko jarduerak garatzea 2022. urtean, Hezkuntzako eta Lanbide Heziketako Ministerioak eta Europar Batasunaren Next Generation EU funtsak finantzatuta Suspertze, Eraldatze eta Erresilientzia Planaren esparruan, 232.392,00 euroko gehieneko zenbatekoarekin. Hitzarmena 1. eranskinean dago.
2. Hitzarmenaren ondoriozko egiaztagiriei eta Nafarroako Merkataritza, Industria eta Zerbitzu Ganbera Ofizialak bete beharreko adierazpenei buruzko jarraibideak onestea. Ebazpen honen eranskin gisa jaso dira.
3. Ebazpen hau eta eranskinak Hezkuntza Departamentuko Ekonomia eta Ogasuneko kontu-hartzaile delegatuari, Lanbide Heziketako Plangintza eta Integrazio Zerbitzuari, Lanbide Heziketako Gaikuntza eta Proiektu Zerbitzuari, Kudeaketa Ekonomikoaren Bulegoari eta Lehendakaritzako, Berdintasuneko, Funtzio Publikoko eta Barneko Departamentuko Foru Erakundeekiko Prozeduren Kudeaketarako Atalari helaraztea, Nafarroako Parlamentuari bidal diezazkioten, Nafarroako Merkataritza, Industria eta Zerbitzu Ganbera Ofizialari buruzko apirilaren 10eko 17/2015 Foru Legearen 7. artikuluan ezarritakoarekin bat etorriz.
4. Ebazpen hau eta eranskinak Nafarroako Merkataritza, Industria eta Zerbitzu Ganbera Ofizialari jakinaraztea, behar diren ondorioak izan ditzaten.
5. Ebazpen hau eta esleipenaren hitzarmena, bi alderdiek sinatu ondoren, Nafarroako Aldizkari Ofizialean argitaratzea.
6. Ebazpen honek ez du administrazio bidea amaitzen, eta beraren aurka gora jotzeko errekurtsoa jartzen ahal da Hezkuntzako kontseilariaren aurrean argitaratu eta hurrengo egunetik hilabete iragan baino lehen.
Iruñean, 2022ko abenduaren 30ean.–Lanbide Heziketaren zuzendari nagusia, Tomás Rodríguez Garraza.
HITZARMENA, NAFARROAKO MERKATARITZA, INDUSTRIA ETA ZERBITZU GANBERARI 2023. URTEAN GAITASUN PROFESIONALA EGIAZTATZEKO PROZEDURAREKIN LOTURIKO ETA SEM FUNTSEZ FINANTZATUTAKO JARDUEREKIN JARRAITZEKO EGINDAKO ESLEIPENA FORMALIZATZEN DUENA
I.–Hitzarmenaren xedea.
Hitzarmen honen xedea da Nafarroako Merkataritza, Industria eta Zerbitzu Ganbera Ofizialak (aurrerantzean, Ganbera) kudeatzea eta egikaritzea langileentzako edo gaitasun profesionala prestakuntza-bide ez-formalen bitartez berenganatu duten pertsonentzako "gaitasun profesionala egiaztatzeko prozedurarekin loturiko jarduerak garatzeko" esleipenean (SEM funtsez finantzatua) amaitu gabeko ekintzekin jarraitzea. Ekintza horiek Hezkuntzako eta Lanbide Heziketako Ministerioak eta Europar Batasunaren Next Generation EU funtsak finantzatutako Suspertze, Eraldatze eta Erresilientzia Planean kokatuta daude.
Lanbide Heziketa antolatzeko eta integratzeko martxoaren 31ko 3/2022 Lege Organikoaren bidez, bai estatuan bai Europan aintzat hartzen diren egiaztapenak, ziurtapenak eta tituluak eskuratzeko balio duten prestakuntza ibilbideetan aurrera egitea ahalbidetzen duten eskaintza guztiak osatzen dira. Bestalde, prestakuntza eskaintzez gain, legeak lanbide orientazioa eta laneko esperientziaren bidez edo beste bide formal zein informal batzuen bitartez eskuratutako gaitasunen egiaztapena txertatzen ditu sistema berriaren giltzarri gisa.
Nafarroako Gobernuak pertsonen gaitasun profesionalak hobetzearen alde egiten du, eta hori egiteko modu bat da laneko esperientziaren bidez edo beste bide ez-formal batzuen bitartez eskuratutako gaitasunak ofizialki aintzatestea.
Esleipen horren arabera Ganberak gaitasun profesionala egiaztatzeko prozedurarekin lotutako jarduerak amaituko ditu 2023. urtean, baimendutako gehieneko gastua, hurrengo klausulan aipatuko dena, kontuan hartuta.
Esleipen honek ez du barne hartzen Ganberak azpikontratazioak egiteko aukera.
II.–Hitzarmenaren kostuak.
Hezkuntza Departamentuak 232.392,00 euroko gehieneko aurrekontua erabiliko du hitzarmen hau gauzatzeko; hona banakapena:
–72 euro Ganberaren bitartekaritzaren bidez egiaztatzeko prozesuan inskripzioa formalizatzen duen pertsona bakoitzeko.
–168 euro Ganberak egiaztatzeko prozesua kudeatu dion hautagai bati ebaluatutako gaitasun unitate bakoitzeko.
Ganberak egin beharreko zerbitzuak (‘Gaitasun profesionala egiaztatzeko prozedurarekin loturiko jardueren garapena’) laguntza emanen die langileei edo gaitasun profesionala prestakuntza-bide ez-formalen bitartez berenganatu duten pertsonei, hain zuzen ere 2022. urtean prozedura hasi eta esleipena amaitu denerako hura amaitu gabe eduki dutenei.
Hezkuntza Departamentuak gehienez 232.392,00 euro ordainduko dizkio Nafarroako Merkataritza, Industria eta Zerbitzu Ganbera Ofizialari zerbitzuaren prestazio gisa, hitzarmenaren seigarren klausulan adierazitakoarekin bat etorriz. Kontzeptu horiek guztiak dagozkien fakturetan jaso beharko dira, behar bezala xehakatuta.
III.–Egiteko tokia eta egutegia.
Langileentzat edo gaitasun profesionala prestakuntza-bide ez-formalen bitartez berenganatu duten pertsonentzat izanen da "gaitasun profesionala egiaztatzeko prozedurarekin loturiko jardueren garapena", eta SEM funtsez finantzatuko da. Hain zuzen ere, kostuaren ondoriozko zenbatekoa, guztira, 232.392,00 izanen da gehienez.
Ekintzak bost hilabetean eginen dira hitzarmen hau eraginkorra den egunetik aurrera.
Ganberak gune eta instalazio egokiak emanen ditu gaitasun profesionala egiaztatzeko prozedurarekin lotutako jarduerak ongi garatzeko.
IV.–Egiaztatu beharreko pertsonen taldeak eratzea.
Ganberak eratuko ditu egiaztatu beharreko pertsonen taldeak, antzeko eremu profesionalen arabera.
V.–Jardueren deskribapena. Memoria.
Ekintzen helburua da langileen edo gaitasun profesionala prestakuntza-bide ez-formalen bitartez berenganatu duten pertsonen gaitasun profesionalak hobetzea, gaitasun profesionala egiaztatzeko prozedurarekin lotutako jarduerak garatuz. Hezkuntzako eta Lanbide Heziketako Ministerioak eta Europar Batasunaren Next Generation EU funtsak finantzatuta daude, Suspertze, Eraldatze eta Erresilientzia Planaren esparruan.
Gaitasun profesionala egiaztatzeko prozedurarekin loturiko jardueren izaera eta proportzioa bi ekintza arlotan banatuta daude, alegia:
a) Antolatzeko, hedatzeko eta hautagaiek izena emateko eta onartzeko fasea.
b) Aholkularitza fasea
c) Ebaluazio fasea.
Ekintzak amaitu ondoko hilean Ganberak memoria tekniko bat aurkeztuko dio Lanbide Heziketaren Zuzendaritza Nagusiari. Bertan, hitzarmena osatzen duten jarduketa guztiak jasoko dira eta jarduerak nola garatu diren eta xedatutako helburuak bete diren baloratuko da. Memoria analisi eta hobekuntzarako elementu gisa erabiliko da, hitzarmena luzatzeko aukerari begira.
VI.–Nafarroako Merkataritza, Industria eta Zerbitzu Ganbera Ofizialaren betebeharrak.
Hitzarmen honen xedea betetzen dela bermatzeko, Nafarroako Merkataritza, Industria eta Zerbitzu Ganberak honako hauek egiteko konpromisoa hartzen du:
1. Hitzarmenaren xede diren zerbitzuetan, ingurumenari kalte nabarmenik ez eragitearen (DNSH) printzipioa eta printzipio hori aplikatzeko araudia errespetatuko dira, eta honako hauek bereziki: Europako Parlamentuaren eta Kontseiluaren 2021/241 (EB) Erregelamendua, 2021eko otsailaren 12koa, Suspertze eta Erresilientzia Mekanismoa ezartzen duena; 2020/852 (EB) Erregelamendua, Inbertsio jasangarriak errazteko esparru bat ezartzeari buruzkoa (Taxonomia Erregelamendua), eta Europako Batzordearen Gida Teknikoa (2021/C 58/01) printzipio horren aplikazioari buruzkoa.
2. Lanbide Heziketaren Zuzendaritza Nagusiari jarduera egin dela frogatuko dio, eta prozeduran parte hartzeko eskaera zenbat pertsonak aurkeztu duten jakinaraziko dio. Horretarako, jasotako funtsak nola erabili dituen frogatzen duten agiriak gorde beharko ditu, eta Lanbide Heziketaren Zuzendaritza Nagusiari helarazi beharko dizkio.
3. Hezkuntza Departamentuak Nafarroan baimendutako lanbide-arloetako lanbide heziketako eskaintzako kualifikazioetako gaitasunak ebaluatzeko, onartzeko eta egiaztatzeko prozeduretan inskribatzeko eskatu duten pertsonek horretarako ezarritako baldintzak betetzen dituztenez egiaztatuko du, eta baldintzak betetzen dituzten pertsonak onartuko ditu.
4. Prozeduraren faseak burutuko ditu: aholkularitza eta ebaluazioa.
5. Behar diren faseetan Lanbide Heziketaren Zuzendaritza Nagusiak prestatutako plataforma informatikoa erabiliko du, eta bere kargura ordainduko ditu plataforma hori erabiltzeak eragiten dituen gastuak.
VII.–Informazio, komunikazio eta publikotasun betebeharrak.
Ganberak bete beharko ditu Suspertze, Eraldatze eta Erresilientzia Planaren esparruan garatzen diren eta Hezkuntzako eta Lanbide Heziketako Ministerioak eta Europar Batasunaren Next Generation EU funtsak finantzatuta dauden ekintzei eragiten dieten estatuko eta Europako arauetan jasotako informazio, komunikazio eta publikotasun betebeharrak.
Hitzarmena sinatzen denetik 10 egun natural iragan baino lehen Ganberak dokumentu hauek bete, digitalki sinatu eta Lanbide Heziketaren Zuzendaritza Nagusiari eman beharko dizkio:
–3. eranskina: Interes-gatazkarik ez dagoelako adierazpena.
–4. eranskina: Datuak lagatzeari eta tratatzeari buruzko adierazpena, Suspertze, Eraldatze eta Erresilientzia Planaren (SEEP) jarduketak gauzatzeari dagokionez.
–5. eranskina: Suspertze, Eraldatze eta Erresilientzia Planaren (SEEP) jarduketak exekutatzeko konpromisoari buruzko adierazpena.
VIII.–Hitzarmenaren ordainketa.
Hitzarmena 2 ordainketatan ordainduko da, Ganberak dokumentazio hau aurkeztu ondoren:
a) Excel fitxategia, ebazpen honen 2. eranskineko 3. jarraibidean zehazten denaren arabera. Bertan, fakturen zerrenda edo froga balio bera duten kontabilitate agiriak jaso beharko dira, baita dagokien ordainketa aldian izandako gastuei buruzko datuak ere.
b) Gastuak, ordainketa eta kontabilitatea justifikatzeko euskarria, ebazpen honen 2. eranskineko 5. jarraibidean zehazten denaren arabera.
c) Gastuak justifikatzeko aldiari dagozkion Ganberaren fakturak.
Lanbide Heziketaren Zuzendaritza Nagusiak esleituriko lanak honela ordainduko zaizkio Nafarroako Merkataritza, Industria eta Zerbitzu Ganbera Ofizialari:
–Lehen ordainketa 2023ko otsailean: hirugarren klausulan aipatutako ekintzei dagozkien zenbatekoak. Horretarako, egoki diren frogagiriak aurkeztu beharko dira aldez aurretik, prozeduran izena eman duten eta onartu diren pertsonen kopuruari eta aholkularitza/ebaluazio fasea garatu dutenen kopuruari buruz.
–Beste ordainketa bat 2023ko ekainean: hirugarren klausulan aipatutako ekintzei dagozkien zenbatekoak. Horretarako, egoki diren frogagiriak aurkeztu beharko dira aldez aurretik, prozeduran izena eman duten eta onartu diren pertsonen kopuruari eta aholkularitza/ebaluazio fasea garatu dutenen kopuruari buruz.
–Azken justifikazioa 2023ko ekainaren 15a baino lehen aurkeztuko da.
Hitzarmenaren xede den zerbitzuaren justifikazio memoria ekonomiko eta teknikoa 2. eranskinean jasotako jarraibideen arabera eginen da.
VIII.–Ikuskapena.
Hezkuntza Departamentuak hitzarmenaren garapena ikuskatzeko eskubidea du. Hartara, Ganberak lan hori erraztu behar du eta, orobat, eskatzen zaizkion datuak eman.
Hitzartutakoa jasota gera dadin, eta horrekin ados daudela frogatzeko, alderdiek hitzarmen honen hiru ale berdin sinatzen dituzte aurrean adierazitako tokian eta egunean.
Tomás Rodríguez Garraza jauna, Lanbide Heziketako zuzendari nagusia.
Javier Taberna Jiménez jauna, Nafarroako Merkataritza, Industria eta Zerbitzu Ganbera Ofizialeko lehendakaria.
Iragarkiaren kodea: F2300310
