2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
2024. urteko urtarrilaren 1etik aitzina indarra hartuko duen Lurren gaineko kontribuzioa erregulatzen duen 1. ordenantza fiskalaren aldaketak. Behin betiko onespena
Iruñeko Udaleko Osoko Bilkurak, 2023ko urriaren 5ean, hasiera batez onetsi zituen 2024ko urtarrilaren 1ean indarrean sartuko diren Ordenantza Fiskalen eta Prezio Publikoak erregulatzen dituzten Arauen artikuluen eta tarifa-eranskinen aldaketak.
Behin 2023ko azaroaren 30ean 30 egun balioduneko jendaurreko epea amaiturik, hasierako onespenaren ediktua Nafarroako Aldizkari Ofizialean argitaratu (2023ko 215. Nafarroako Aldizkari Ofiziala, urriaren 17koa) eta biharamunetik kontatuta, alegazioak aurkeztu dira Lurren gaineko kontribuzioa erregulatzen duen 1. ordenantza fiskalaren aldaketen gainean.
Iruñeko Udalak, 2023ko abenduaren 28an egindako Osoko Bilkuran, alegazioak ezetsi zituen eta behin betiko onetsi zituen Lurren gaineko kontribuzioa erregulatzen duen 1. ordenantza fiskalaren testuaren aldaketak eta tarifak.
Segidan, 2023ko abenduaren 28an egindako Osoko Bilkuran behin betiko onetsitako aldaketen testu osoa argitaratzen da, orok jakin dezan eta gainerako ondorioak izan ditzan, Nafarroako Toki Ogasunei buruzko martxoaren 10eko 2/1995 Foru Legearen 13. artikuluaren 4. eta 5. zenbakietan eta Nafarroako Toki Administrazioari buruzko uztailaren 2ko 6/1990 Foru Legearen 262.2 eta 326. artikuluetan aurreikusitakoa betetze aldera.
Iruñean, 2023ko abenduaren 28an.–Alkate Udalburua, Joseba Asiron Sáez.
Jakitera ematen da hauek direla Lurren gaineko kontribuzioa erregulatzen duen 1. ordenantza fiskalean aldatu diren artikuluak eta karga-tasak, 2024ko urtarrilaren 1ean indarra hartuko dutenak:
1. ordenantza.–Honako hauek aldatu dira:
–1.3 artikulua: idazketa berria.
–Hiri-unitateen karga-tasa.
–Xedapen gehigarri bat erantsi da.
1.ORDENANTZA.–LURREN GAINEKO KONTRIBUZIOA
1.3. artikulua. Jabetza horizontaleko araubidearen mende egonda instalazio partekatua egiten duten higiezinek -dela haietan kokatutako etxebizitza eta lokal guztiak dela haietako batzuk energiaz hornitzeko, eta ez bakarrik elementu komunak- hobari bera jasotzen ahalko dute, baldin eta aurreko apartatuan aipatutako baldintzak betetzen badituzte. Hobaria instalazioari lotutako etxebizitza eta lokalek bakarrik jasotzen ahalko dute, eta hobaria %50 izanen da hala bizitegi-erabilerako kasuetan nola bizitegi-erabilerako ez bestekoetan.
Urteko hobariaren zenbatekoak ezin izanen du gainditu instalazio-lanen exekuzio materialagatik jabe bakoitzari eragindako kostuaren %30.
Karga-tasa: Hiri-unitateak.
Karga-tasa berria 2024rako: %0,3997.
XEDAPEN GEHIGARRIA
2024an balioespen txostena izapidetzen amaitu beharko dute, 2025eko kontribuzioan aplikatzeko moduan egon dadin.
Ordenantza fiskal eta prezio publikoak erregulatzen dituzten arau guztien testu osoa Udalaren webgunean kontsultatzen ahal da, hemen:www.pamplona.es/eu.
Iragarkiaren kodea: L2318261
