2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
VIANA
Aldaketak, Udalaren kirol-instalazioak erabiltzeko tasak arautzen dituen ordenantzan. Behin betiko onespena
Vianako Udalak, 2023ko urriaren 19an egindako osoko bilkuran, hasiera batez onetsi zuen aldaketa egitea Udalaren kirol-instalazioak erabiltzeko tasak arautzen dituen ordenantzan.
Hasierako onespenaren erabakia argitaratu zen 2023ko 226. Nafarroako Aldizkari Ofizialean, urriaren 31n, eta jendaurreko epean inork ez duenez alegaziorik aurkeztu, behin betiko onetsi eta osorik ematen da argitara, behar diren ondorioak izan ditzan; hori guztia, jarraikiz 6/1990 Foru Legearen 362. artikuluan xedatuari (Nafarroako Toki Administrazioari buruzko Foru Legea).
Vianan, 2023ko urriaren 19an.–Alkatea, Blanca Yolanda González García.
UDAL ORDENANTZA, UDALAREN KIROL-INSTALAZIOAK
ERABILTZEKO TASAK ARAUTZEN DITUENA
1. artikulua. Nafarroako Toki Ogasunei buruzko martxoaren 10eko 2/1995 Foru Legearen 100. artikuluan eta hurrengoetan xedatutakoaren babespean ezarri da ordenantza honetako tasa.
2. artikulua. Ordainarazpen hauek ordaintzera beharturik daude kirol-instalazioak erabiltzen dituzten pertsonak.
3. artikulua. Kirol-instalazioen eremura sartuz hasten den erabilerarekin batera sortzen da ordaintzeko betebeharra.
4. artikulua. Pertsona naturalak edo zerbitzuen onuradun diren pertsona juridikoentzat gordetako banakako plazak izanen dira ordainarazpen hau biltzeko oinarria.
5. artikulua. I. eta II. eranskinetan ezarritako tarifen arabera sortuko dira eskubideak.
6. artikulua. Udalaren kirol-instalazioetan sartzeko txartela edo baimena eskuratzen den unean sortzen da ordenantza honek araututako tasa ordaintzeko betebeharra.
7. artikulua. Instalazioen erabiltzaileek une oro bete beharko dituzte portaera arauak eta instalazioak erabiltzekoak; udal kiroldegian egonen dira ikusgai.
8. artikulua. Instalazioen ardura duten langileek txartela eskatu eta inork aurkezteari uko eginez gero, udal kiroldegiaren eremutik kanporatuta zehatuko da.
9. artikulua. Udal kiroldegian sarrera-txartelik edo erabiltzeko baimenik gabe sartzea iruzurtzat joko da.
10. artikulua. Salbuespenak. Pistan zein pilotalekuan sartzeko ordaintzetik salbuetsita daude:
–Udal kirol eta jarduerak.
–Klub federatuak, elkarteak, eta erabilera idatziz eskatzen duten erakundeak; beharrezkoa izanen da kirol-batzordearen oniritzia.
Emakumeen eta adinekoen kirola sustatzen duten jarduerek ez dute gimnasioaren alokairua ordaindu beharko, antolatzailea Udala baldin bada.
11. artikulua. Hobariak.
Udalak antolatutako bi jarduera edo gehiago egiten dituztenek 2 euroko deskontua izanen dute bigarren eta hurrengo jardueretan.
3 eta 17 urte bitarteko haurrei zuzendutako jardueretarako, jardueraren prezioan %15eko deskontua izanen du anai-arrebetan bigarrenak, eta hirugarrenak eta hurrengoek %20koa.
12. artikulua. Arauak.
1. Vianan erroldatutakoak "etxekotzat" hartuko dira; aldiz, "kanpotartzat" Vianan erroldatuta ez daudenak, bertan jaioak izan edo bertan bizi; orobat, kanpokoak.
2. Talde bat "etxekotzat" hartuko da, gutxienez kideen %50 Vianan erroldatutako pertsonak badira. Baldintza hori bete ezean, "kanpokotzat" hartuko da taldea.
3. Talde batek baino gehiagok ordu bera eskatuz gero, lehentasun ordena hau finkatzen da:
1.–Vianan erroldatutakoak.
2.–Vianan jaiotakoak.
3.–Vianan bizi, baina erroldatuta ez daudenak.
4.–Kanpokoak.
5.–Lehentasunean berdinduz gero, kiroldegiaren ardura duen udaleko langileak zozketa eginen du taldeen aurrean.
4. Talderen batek ordu bat baino gehiago nahi izanez gero, talde guztiei orduak esleitu ondoren geratzen diren ordu hutsetan soilik izanen du aukera.
5. Ordu batez alokatzeko, fitxa bete beharko da eta parte-hartzaileen datuak bete.
6. Pista eta pilotalekua alokatzeko eskaerak urtarriletik ekainera arte eta urritik abendura arte izanen dira; uztaila, abuztua eta iraila libre gelditzen dira edozein eskaeratarako. Gimnasioa alokatzeko eskaerak hilabetekoak izanen dira.
7. Alokatutako epearen lehen hamabostaldian ordainduko da tasa. Tasa ordaintzen ez bada, kendu eginen da hartutako ordua eta bide exekutiboan eginen da diru-bilketa.
AZKEN XEDAPEN BAKARRA
Ordenantza honen testu osoa Nafarroako Aldizkari Ofizialean argitaratu ondoren jarriko da indarrean eta sortuko ditu erabateko ondorio juridikoak.
I. ERANSKINA
Pista alokatzea, ordubete | 18,50 euro |
Pilotalekua alokatzea, ordubete | 10,00 euro |
Kirol anitza, hiruhilekoa, 1 egun astean | 30,00 euro |
Kirol anitza, hiruhilekoa, 2 egun astean | 40,00 euro |
Psikomotrizitatea, hiruhilekoa, 1 egun astean | 30,00 euro |
Psikomotrizitatea, hiruhilekoa, 2 egun astean | 40,00 euro |
Hileko kuota mantentze-gimnasiarako, adinekoak eta erretiratuak, hiruhilekoa, 1 egun astean | 20,00 euro |
Hileko kuota mantentze-gimnasiarako, adinekoak eta erretiratuak, hiruhilekoa, 2 egun astean | 30,00 euro |
Egokitzapen fisikoa, hiruhilekoa, 2 egun astean | 66,00 euro |
Egokitzapen fisikoa, hiruhilekoa, 1 egun astean | 33,00 euro |
Zumba ikastaroa, hiruhilekoa, 1 egun astean | 33,00 euro |
Zumba ikastaroa, hiruhilekoa, 2 egun astean | 66,00 euro |
Korrika egiteko entrenamendua, hiruhilekoa, 1 egun astean | 30,00 euro |
Korrika egiteko entrenamendua, hiruhilekoa, 2 egun astean | 60,00 euro |
Korrika egiteko entrenamendua, hiruhilekoa, 1 egun astean VIA-T bazkidea | 27,00 euro |
Korrika egiteko entrenamendua, hiruhilekoa, 2 egun astean VIA-T bazkidea | 54,00 euro |
Uretako jarduerak, hiruhilekoa, erretiratuak, 1 egun astean | 30,00 euro |
Gihar-luzatzeak, hiruhilekoa, 1 egun astean | 40,00 euro |
Gihar-luzatzeak, hiruhilekoa, 2 egun astean | 60,00 euro |
Yoga, hiruhilekoa, 1,15 ordu, 1 egun astean | 55,00 euro |
Yoga, hiruhilekoa, 1 ordu, 1 egun astean | 50,00 euro |
Yoga, hiruhilekoa, 1,15 ordu, 2 egun astean | 95,00 euro |
Atletismoa haurrentzat, hiruhilekoa, 1 egun astean | 30,00 euro |
Atletismoa haurrentzat, hiruhilekoa, 2 egun astean | 40,00 euro |
Karatea haurrentzat, hiruhilekoa, 1 egun astean | 48,00 euro |
Karatea haurrentzat, hiruhilekoa, 2 egun astean | 66,00 euro |
Irristaketa haurrentzat, hiruhilekoa, 1 egun astean | 30,00 euro |
Yoga haurrentzat, hiruhilekoa, 1 egun astean | 30,00 euro |
Yoga haurrentzat, hiruhilekoa, 2 egun astean | 40,00 euro |
Eskubaloia, hiruhilekoa | 54,00 euro |
Defentsa pertsonaleko ikastaroa, hiruhilekoa, 2 egun hilean | 30,00 euro |
Osasuna sustatzeko jarduera, hiruhilekoa, 1 egun astean | 40,00 euro |
Osasuna sustatzeko jarduera, hiruhilekoa, 2 egun astean | 60,00 euro |
Luzatzeak + yoga, hiruhilekoa, 2 egun astean | 75,00 euro |
Luzatzeak + yoga (1 ordu), hiruhilekoa, 2 egun astean | 70,00 euro |
Luzatzeak + yoga (2 ordu), hiruhilekoa, 2 egun astean | 115,00 euro |
DUATLOIA: |
–Federatuak: izena ematen duten lehen 100ak | 35,00 euro |
–Federatuak: izena ematen duten lehen 100en ondorengoak | 40,00 euro |
–Federatu gabeak: | 45,00 euro |
HERRI-LASTERKETA: |
–Federatuak | 10,00 euro |
–Federatu gabeak | 15,00 euro |
Boxeoa, hiruhilekoa, 1 egun astean | 33,00 euro |
Boxeoa, hiruhilekoa, 2 egun astean | 66,00 euro |
Pilatesa, hiruhilekoa, 1 egun astean | 33,00 euro |
Pilatesa, hiruhilekoa, 2 egun astean | 66,00 euro |
Chi kunga, hiruhilekoa, 1 egun astean | 50,00 euro |
Chi kunga, hiruhilekoa, 2 egun astean | 86,00 euro |
Mindfulnessa, hiruhilekoa, 1 egun astean | 95,00 euro |
Spinninga, hiruhilekoa, 1 egun astean | 33,00 euro |
Spinninga, hiruhilekoa, 2 egun astean | 66,00 euro |
Kirolpresta, hiruhilekoa, 1 egun astean | 30,00 euro |
Kirolpresta, hiruhilekoa, 2 egun astean | 40,00 euro |
Txangoak: Kostu osoaren %60. Jarduera berrietarako, antzekoena den jardueraren zenbatekoa aplikatuko da. |
II. ERANSKINA
| HIRUHILEKOKO ABONUA | HILABETEKO ABONUA | EGUNEKO SARRERA, LANEGUNETAN | EGUNEKO SARRERA, JAIEGUNETAN |
Haurrak (4-13 urte) | 40 euro | 20 euro | 5 euro | 6 euro |
Haurrak, guraso abonatu bat (1) dutenak | 20 euro | 10 euro | 5 euro | 6 euro |
Haurrak, 2 guraso abonatu dituztenak | 0 euro | 0 euro | 0 euro | 0 euro |
Gaztea (14-17 urte) | 50 euro | 25 euro | 6 euro | 7 euro |
Gazteak, guraso abonatu bat (1) dutenak | 30 euro | 15 euro | 6 euro | 7 euro |
Gazteak, 2 guraso abonatu dituztenak | 10 euro | 5 euro | 6 euro | 7 euro |
Helduak (18-64 urte) | 80 euro | 40 euro | 6 euro | 7 euro |
Adinekoak (65 urte edo gehiago) | 40 euro | 20 euro | 5 euro | 6 euro |
Desgaitasuna dutenak | %25eko deskontua tarifan (ziurtagiri bidez egiaztatuko da desgaitasuna, %33koa edo gehiagokoa) | 5 euro | 6 euro |
Familia ugariak | %25eko deskontua tarifan (familia-liburuaren bidez egiaztatuko da) |
Guraso bakarreko familiak | %25eko deskontua tarifan (familia-liburuaren bidez egiaztatuko da) |
Talde antolatuak | 3 euro - Aurretik Udalaren baimena beharko da - Monitoreek doako sarrera dute |
GIMNASIOA URTE OSORAKO
| HILABETEKO ABONUA | HIRUHILEKOKO ABONUA | EGUNEKO SARRERA, LANEGUNETAN | EGUNEKO SARRERA, JAIEGUNETAN |
HELDUAK | 20 euro | 45 euro | 6 euro | 7 euro |
65 URTE EDO GEHIAGOKOAK | 15 euro | 30 euro | 6 euro | 7 euro |
Eskalada helduentzat, hiruhilekoa, 1 egun astean | 60,00 euro |
Eskalada haurrentzat, hiruhilekoa, 1 egun astean | 50,00 euro |
Padel pista alokatzea, ordubete | 16,00 euro |
Oharra: 12 urte bete arte, haurrak heldu batekin sartu beharko dira igerilekura.
Oharra: Gimnasioa erabiltzeko gutxieneko adina 16 urte da.
Oharra: Gimnasioa erabiltzeko 2 ordu izanen dira gehienez.
Oharra: Sartzeko, mugikorreko aplikazioa edo abonatu txartela erabiltzen ahal da. Txartelaren prezioa 3 euro izanen da.
Iragarkiaren kodea: L2317862