259. ALDIZKARIA - 2023ko abenduaren 15a

1. NAFARROAKO FORU KOMUNITATEA

1.7. BESTELAKOAK

2470/2023 EBAZPENA, azaroaren 22koa, Nafarroako Unibertsitate Publikoko jarduneko errektorearena. Haren bidez xedatzen da Nafarroako Langileen Batasun Orokorra (UGT) sindikatuak aurkeztutako administrazioarekiko auzi-errekurtsoaren espedientea –103/2023 zenbakidun prozedura laburtua duen errekurtsoa, B sekzioa– Iruñeko Administrazioarekiko Auzietarako 2. Epaitegira bidaltzea.

Iruñeko Administrazioarekiko Auzietarako 2. Epaitegiak jakinarazi du Nafarroako Langileen Batasun Orokorra (UGT) sindikatuak administrazioarekiko auzi-errekurtsoa jarri duela Gobernu Kontseiluaren 2023ko otsailaren 27ko erabaki baten aurka. Aurkaratutako erabaki horren bidez ebatzi zen Nafarroako Langileen Batasun Orokorrak (UGT) Gobernu Kontseiluaren 2022ko irailaren 23ko erabaki baten aurka jarritako berraztertzeko errekurtsoa -2022ko irailaren 23ko erabaki haren bidez neurriak hartu ziren Nafarroako Unibertsitate Publikoan egonkortze prozesuak gauzatzeko, enplegu publikoaren behin-behinekotasuna murriztearren-.

Nafarroako Unibertsitate Publikoko errektorea ez dagoenez, 2023ko ekainaren 20ko 1306/2023 Ebazpenaren 17. artikuluari jarraikiz (2023ko ekainaren 27ko NAOa), Unibertsitate Sistemari buruzko martxoaren 22ko 2/2023 Lege Organikoaren 50. artikuluak eta Unibertsitatearen Estatutuen 36.3 eta 40. artikuluek aitortutako eskumenei dagokienez -estatutu horiek 2003ko maiatzaren 12an onetsi ziren 110/2003 Foru Dekretuaren bidez eta Nafarroako Gobernuaren 2011ko martxoaren 21eko erabaki baten bidez aldatu-,

EBAZTEN DUT:

Lehenbizikoa.–Iruñeko Administrazioarekiko Auzietarako 2. Epaitegira bidaltzea Nafarroako Langileen Batasun Orokorrak (UGT) Gobernu Kontseiluaren 2023ko otsailaren 27ko erabaki baten aurka aurkeztutako errekurtsoaren administrazio espedientea -103/2023 zenbakidun prozedura laburtua duen errekurtsoa, B sekzioa-, zeina aurrekarietan baitago deskribatua.

Bigarrena.–Administrazioarekiko Auzietarako Jurisdikzioaren 29/1998 Legearen 49. artikuluan eta abenduaren 28ko 20/2021 Legearen babesean, B sekzioko 103/2023 prozedura laburtuan dei egitea -prozedura hori Administrazioarekiko Auzietarako Iruñeko 2. Epaitegian bideratu da- bederatzi eguneko epean aurkez daitezela epaitegian 2022ko uztailaren 1eko 19/2022 Foru Legearen babesean deitutako Nafarroako Unibertsitate Publikoko deialdietara aurkeztu diren hautagai guztiei, ebazpen hau argitaratu eta hurrengo egunetik hasita -Foru Lege horren bidez enplegu publikoan behin-behinekotasuna murrizteko presazko neurriak hartu ziren-.

Hirugarrena.–Ebazpen hau Nafarroako Aldizkari Ofizialean argitara dadila agintzea eta Administrazioarekiko Auzietarako Iruñeko 2. Epaitegiari helaraztea.

Iruñean, 2023ko azaroaren 22an.–Jarduneko errektorea, Francisco Javier Arregui San Martín.

Iragarkiaren kodea: F2317280