1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
7072E/2023 EBAZPENA, azaroaren 3koa, Nafar Lansare-Nafarroako Enplegu Zerbitzuko zuzendari kudeatzaileak emana, zeinaren bidez baimentzen baita deialdi honetarako gastua: lanbide jarduerari laguntzeko unitateentzako dirulaguntzak, enplegu-zentro berezietako egokitze pertsonal eta sozialeko zerbitzuen esparruan. DDBN identifikazioa: 673981.
Nafarroako Enplegu Zerbitzuko zuzendari kudeatzailearen otsailaren 14ko 240E/2023 Ebazpenaren bidez, 1.100.000 euroko gastua baimendu zen, 2023ko gastu-aurrekontuko "Enplegu-zentro berezientzako laguntzak" izeneko 950001 96100 4709 241109 partidaren kargura, lanbide jarduerari laguntzeko unitateei dirulaguntzak emateko, enplegu-zentro berezietako egokitze pertsonal eta sozialeko zerbitzuen esparruan.
240E/2023 Ebazpenaren bidez baimendutako aurrekontu-zuzkidurak ez duenez osotara estali dagoen eskaera, Nafarroako Gobernuak erabaki du 130.000 euro gehitzea, guztira, lanbide jarduerari laguntzeko unitateei dirulaguntzak emateko deialdirako, enplegu-zentro berezietako egokitze pertsonal eta sozialeko zerbitzuen esparruan.
Horrenbestez, Nafar Lansare-Nafarroako Enplegu Zerbitzuaren estatutuak onesten dituen azaroaren 6ko 302/2019 Foru Dekretuaren 12. artikuluan emandako ahalmenak erabiliz,
EBAZTEN DUT:
1. Deialdi horretan baimendu zen gastuari guztira 130.000 euro gehitzeko baimena ematea, 2023ko gastu-aurrekontuko "Enplegu-zentro berezientzako laguntzak" izeneko 950001 96100 4709 241109 partidaren kargura.
2. Ebazpen hau Nafarroako Aldizkari Ofizialean argitaratzea.
3. Ebazpen honek ez du administrazio bidea amaitzen, eta zilegi da haren aurka gora jotzeko errekurtsoa jartzea, Eskubide Sozialetako, Ekonomia Sozialeko eta Enpleguko kontseilariari zuzendua, hilabeteko epean, jakinarazi eta biharamunetik hasita, Administrazio Publikoen Administrazio Prozedura Erkideari buruzko urriaren 1eko 39/2015 Legearen 122.1 artikuluari eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126.3 artikuluari jarraikiz.
Iruñean, 2023ko azaroaren 3an.–Nafar Lansare-Nafarroako Enplegu Zerbitzuko zuzendari kudeatzailea, Mirian Martón Pérez.
Iragarkiaren kodea: F2316322
