3. ESTATUKO ADMINISTRAZIOA
EBROKO KONFEDERAZIO HIDROGRAFIKOA
Iragarki-oharra. Erreferentzia: 2022-EXT-91
Ebroko Konfederazio Hidrografikoko ur komisarioak 2022ko ekainaren 24an erabakita, ofizioz eman zaio hasiera ur aprobetxamendu baten emakidarako eskubidea azkentzeko espedienteari, iraungita dagoelako. Hauek dira aprobetxamenduaren
Ezaugarriak:
Titularra: Juan Carlos Ezpeleta Basarte.
Xedea: josteta erabileretarako emandako azaleko uren emakida bat azkentzea (berdeguneak ureztatzea) (2003-A-75).
Ur-ibilgua: Ega ibaia (Ega ibaia).
Hargunearen koordenatuak: UTMX: 583819 UTMY: 4703391 (Datum: ED50).
Alderdia: San Lázaro, 2 poligonoa, 993. lurzatia.
Udalerria: Lerin (Nafarroa).
Batez besteko emari baliokidea kontsumo handieneko hilean: 0,01 l/s.
Eskubidearen titulua: Ebroko Konfederazio Hidrografikoko lehendakariak 2004ko azaroaren 8an emandako ebazpena.
Inskripzioaren datuak: Ur Erregistroko A atala, 42. liburukia, 178. orria.
Aditzera ematen da orok jakin dezan eta eskaera honek kalte egiten diela uste dutenek beren erreklamazioak Ebroko Konfederazio Hidrografikoari idatziz aurkezteko aukera izan dezaten, hogei egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, espedientea eta dokumentazio teknikoa ikusgai egonen dira Ebroko Konfederazio Hidrografikoaren Jendaurreko Informazioaren Zerbitzuan (Sagasta pasealekua 24-28, Zaragoza), bulego orduetan (9:00etatik 14:00etara). Aurrez aurre aurkezteko, beharrezkoa izanen da aldez aurretik hitzordua eskatzea 976711000 telefonoan edo informacionciudadana@chebro.es helbide elektronikoan.
Era berean, aipatutako agiriak epe horretan ikusten ahalko dira arroaren erakundearen web-orrian, esteka honetan: https://iber.chebro.es/webche/ipCriterios.aspx.
Edozein pertsona fisikok edo juridikok egiten ahalko ditu alegazioak ezarritako epean, baina alegazioak egiteak ez dio ematen egiten dituenari interesdun izaera espedientean.
Zaragozan, 2022ko abenduaren 16an.–Komisario albokoa, Javier San Román Saldaña.
Iragarkiaren kodea: E2217841
