1. NAFARROAKO FORU KOMUNITATEA
1.7. BESTELAKOAK
2307/2023 EBAZPENA, urriaren 30ekoa, Nafarroako Unibertsitate Publikoko errektoreak emana, Nafarroako Unibertsitate Publikoko Osasunaren arloko Psikologia Orokorreko Unibertsitate Masterraren ikasketa-plana argitaratzeko agintzen duena.
Unibertsitateen Kontseiluak ikasketa-plana egiaztaturik, Kalitatea Ebaluatu eta Egiaztatzeko Agentzia Nazionalaren aldeko txostena eduki ondoren, bai eta Nafarroako Foru Erkidegoaren baimena ere, eta Ministro Kontseiluaren 2023ko urriaren 17ko Erabakiaren bidez tituluaren ofizialtasuna ezarririk (zeina 2023ko urriaren 30ean argitaratu baitzen 259 zenbakiko BOEan, Unibertsitateen Idazkaritza Nagusiaren 2023ko urriaren 13ko Ebazpenaren bidez).
Unibertsitate Sistemari buruzko 2023ko martxoaren 22ko 2/2023 Lege Organikoaren 8. artikuluan xedatuarekin bat etorriz, eta 2021eko irailaren 28ko 822/2021 Errege Dekretuak 27.4 artikuluan xedatzen duenarekin bat, Errektoretza honek erabaki du argitara ematea Nafarroako Unibertsitate Publikoko Osasunaren arloko Psikologia Orokorreko Unibertsitate Masterra titulua lortzeko ikasketa-plana.
Ebazpen honek aipatzen duen ikasketa-plana eranskinean esaten den bezala egituratuko da.
Iruñean, 2023ko urriaren 30ean.–Errektorea, Ramón Gonzalo García.
ERANSKINA.–NAFARROAKO UNIBERTSITATE PUBLIKOKO OSASUNAREN ARLOKO PSIKOLOGIA OROKORREKO UNIBERTSITATE MASTERRAREN IKASKETA-PLANA
RUCT kodea: 3500066.
Jakintza-adarra: Osasun Zientziak.
Jakintza-arloa: Portaeraren Zientziak eta Psikologia.
Ikasketa-planaren banaketa ECTS kreditutan, irakasgai motaren arabera:
IRAKASGAI MOTA | ECTS KREDITUAK |
Nahitaezkoak | 36 |
Aukerakoak | 12 |
Kanpoko praktikak | 30 |
Master Amaierako Lana | 12 |
Kredituak osotara | 90 |
Ikasketa-plan laburtua (moduluen eta irakasgaien arabera) eta denbora-banaketa:
MODULUA | ECTS | IRAKASGAIA | MOTA | ECTS | SEIHILEKOA |
Oinarrizkoa | 6 | Osasunaren arloko Psikologia Orokorraren Oinarri Zientifiko eta Profesionalak | Nahitaezkoa | 6 | 1 |
Espezifikoa | 30 | Psikologo Orokor Sanitarioaren Oinarrizko Trebetasunetan Trebatzea | Nahitaezkoa | 6 | 1 |
Ebaluazioa, Diagnostikoa eta Esku-hartzea Osasunaren arloko Psikologian | Nahitaezkoa | 24 | 1 eta 2 |
Aukerako irakasgaiak | 12 | Lanbide eremuak Osasunaren arloko Psikologia Orokorrean | Aukerakoa | 12 | 2 |
Kanpoko praktikak | 30 | Kanpoko praktikak | Nahitaezkoa | 30 | 2 eta 3 |
Master Amaierako Lana | 12 | Master Amaierako Lana | Nahitaezkoa | 12 | 3 |
Iragarkiaren kodea: F2315616
