233. ALDIZKARIA - 2023ko azaroaren 9a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ATARRABIA

Hiri-jarduketarako plan berezia, balkoiak baimentzeko Ardantzea kaleko 6an. Hasierako onespena

Atarrabiako Udalak, 2023ko apirilaren 27an egin bilkuran, honako erabaki hau hartu zuen:

Lehena.–Hasiera batez onestea "Balkoiak Ardantzea kaleko seian" hiri-jarduketarako plan berezia, honako salbuespen honetaz ohartarazita:

Etxebizitza Zerbitzuak txostena egin beharko du balkoiak sortzeak bizigarritasun baldintzei eragin diezaiekeen aldaketaz, bai eta babeseko etxebizitzak arautzen dituzten baldintza bereziak betetzeari dagokionez ekar ditzakeen ondorioez, azalera erabilgarria handitzen baita; balkoiak ezin izanen dira behin betiko onetsi, txostena kontrakoa bada.

Bigarrena.–Espedientea jendaurrean edukitzea hilabetez, iragarkia argitaraturik Nafarroako Aldizkari Ofizialean, Udalaren iragarki-taulan eta Nafarroako editatzen diren egunkarietan.

Atarrabian, 2023ko urriaren 31n.–Alkatea, Mikel Oteiza Iza.

Iragarkiaren kodea: L2315549