1. NAFARROAKO FORU KOMUNITATEA
1.7. BESTELAKOAK
ADMINISTRAZIOAREKIKO AUZI-ERREKURTSOA, 290/2023 zenbakiko prozedura arrunta, ATISNAk jarria 38/2023 Foru Dekretuaren aurka.
2023ko urriaren 13an, Nafarroako Justizia Auzitegi Nagusiko Administrazioarekiko Auzien Salaren ofizioa jaso da, ATISNAk apirilaren 5eko 38/2023 Foru Dekretuaren aurka jarri duen administrazioarekiko auzi-errekurtsoari buruz (290/2023 zenbakiko prozedura arrunta). 38/2023 Foru Dekretuak abenduaren 2ko 92/2020 Foru Dekretua, eta ekainaren 17ko 69/2008 Foru Dekretua aldatu zituen. Lehenak arautzen ditu, batetik, Nafarroako Foru Komunitateko gizarte zerbitzuen sistemaren barruan, egoitza zerbitzuen, eguneko zerbitzuen eta zerbitzu anbulatorioen funtzionamendua, adinekoen, desgaitasuna dutenen, nahasmen mentala dutenen, adingabeentzako arretaren eta gizarte-inklusioaren arloetan, eta bestetik, baimenen, aurretiazko komunikazioen eta homologazioen araubidea; eta bigarrenak gizarte zerbitzu orokorren zorroa onesten du eta, horrekin batera, gizarte eta osasun arloko arreta integralerako zerbitzu soziosanitarioak eta migrazio politiken zerbitzuen zorroa onesten ditu.
Aurrekoarekin loturik, eta bat etorriz Administrazioarekiko Auzien Jurisdikzioaren 29/1998 Legearen 49 artikuluarekin, honen bidez aditzera ematen zaie prozedura horretan interesa duten guztiei ezen Nafarroako Justizia Auzitegi Nagusiko Administrazioarekiko Auzien Salan ager daitezkeela, jakinarazpen hau argitara ematen denetik bederatzi eguneko epean.
Iruñean, 2023ko urriaren 20an.–Idazkari tekniko nagusia, Fermín Casado Leoz.
Iragarkiaren kodea: F2315009
