217. ALDIZKARIA - 2023ko urriaren 19a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

BAZTAN

Zaintza Lanak Baztan SL sozietatea erakunde instrumental gisa deklaratzea eta Francisco Joaquin de Iriarte zahar-etxearen kudeaketa-esleipena

Baztango Udalak 2023ko irailaren 28an egin ohiko osoko bilkuran, 18. puntuan erabaki zuen:

1.–Zaintza Lanak Baztan SL enpresa Baztango Udalaren erakunde instrumental izendatzea, Nafarroako Kontratu Publikoei buruzko 2/2018 Foru Legearen 8. artikuluan xedatutakoaren ondorioetarako. Esleipenak zirkunskribatu daitezkeen esparrua enpresaren estatutuetan deskribatutako helburu sozialean biltzen diren prestazioak dira.

2.–Zaintza Lanak Baztan SL udal merkataritza sozietatearen Elizondoko (Baztan) Francisco Joaquín Iriarte Egoitzaren zuzeneko kudeaketa onartzea.

3.–Elizondoko (Baztan) Francisco Joaquín Iriarte Egoitzaren zerbitzuak emateko kudeaketa Zaintza Lanak Baztan SL merkataritza sozietatearen esku uztea. Udaleko kapitalarekin eratutako sozietatea administrazio honen berezko baliabide eta zerbitzu tekniko gisa eratu da.

Zaintza Lanak Baztan SL giza baliabideak, baliabide materialak eta teknikoak jartzera behartuta dago, bai eta kudeaketa-esleipen honen bidez eskatzen zaizkion jarduerak eta zerbitzuak betetzeko beharrezko logistika ere. Horretarako, ekonomia, eraginkortasun eta kalitate irizpideak jarraitu behar ditu. Ildo horretatik, Zaintza Lanak Baztan SLk, ondorio guztietarako, enpresaburu izaera izango du bere ardurapeko langileei dagokienez, eta zuzendaritza, kontrol eta diziplina ahalmenak izango ditu. Era berean, lan arloan, gizarte segurantzan eta laneko segurtasun eta higienean indarrean dauden xedapenak bete beharko ditu, bere erantzukizunpean.

Zaintza Lanak Baztan SLk enpresan bertan ez dauden eta adostutako zerbitzuak kudeatzeko beharrezkoak diren bitartekoak kontratatuko ditu.

Kudeaketa-esleipen honek 5 urteko indarraldia izango du onartzen den egunetik hasita eta automatikoki eta urte naturaletan luzatuko da, alderdietako batek hitzarmenaren edo edozein luzapenen mugaeguna baino hilabete lehenago, gutxienez, berariaz salatzen ez badu.

Hauek dira kudeaketa-esleipen hau suntsiarazteko arrazoiak: alderdiek hala erabaki eta idatziz adierazita, kudeaketa-esleipenaren edukia betetzeko ezintasuna eta horietako edozeinek bertan jasotako xedapenak ez betetzea. Udalbatzak uko egin diezaioke esleipenari edo atzera egin dezake, Sozietatearen Administrazio Kontseiluari entzun ondoren, indarrean dagoen araudian ezarritako moduan.

Esleipenak eragina izan dezan, aipatutako sozietateak onetsi beharko du, indarrean dagoen araudian aurreikusitako moduan.

4.–Hasieran zerbitzua finantzatu ahal izateko, Baztango Udalak, Patronatuak aldez aurretik Udalaren alde esleitutako 400.000 euroko esleipena egingo dio Zaintza Lanak Baztan SLri.

5.–Alkatetzari akordio hau gauzatzeko behar diren agiri guztiak sinatu eta formalizatzeko ahalmena ematea.

6.–Esleipen hau onartuz gero, iragarkia Nafarroako Aldizkari Ofizialean argitaratzea.

7.–Erakunde instrumentalaren adierazpen zehatza Kontratazio Atarian argitaratzea, mandatuak zein esparrutara xedatu daitezkeen adierazita.

Baztanen, 2023ko irailaren 28an.–Alkatea, Fernando Anbustegi Goñi.

Iragarkiaren kodea: L2314526