4. PROZEDURA JUDIZIALAK
NAFARROAKO JUSTIZIA AUZITEGI NAGUSIA
Buñuelgo bake epaile titularraren eta ordezkoaren izendapena
Botere Judizialari buruzko Lege Organikoaren 101. artikulutik 103.era bitartekoetan xedatutakoari eta Bake Epaileei buruzko ekainaren 7ko 3/95 Erregelamenduan horiekin bat datozenetan xedatutakoari jarraikiz, Justizia Auzitegi Nagusiak 2023ko abuztuaren 21ean emandako ediktuan (2023ko uztailaren 17ko Nafarroako Aldizkari Ofizialean argitaratua) eskaerak aurkezteko ezarritako epea bukaturik, Buñuelgo Bake Epaitegirako aurkeztutako eskaerak jasota eta eskatzaileek aurkeztu dituzten merezimenduak baloratu ondoren,
ERABAKI DU:
Izendatzea Ana Lorena Hualde Lucas andrea Buñuelgo Bake Epaitegiko epaile titular eta Rosa Elena Arriazu Lecumberri andrea ordezko epaile.
Bat etorriz Bake Epaileei buruzko ekainaren 7ko 3/95 Erregelamenduaren 12. artikuluarekin eta horrekin bat datozenekin eta Auzitegietako Gobernu Organoei buruzko 1/2000 Erregelamenduaren 14. artikuluarekin, izendatzeko erabakien aurka gora jotzeko errekurtsoa jartzen ahal da, Botere Judizialaren Kontseilu Nagusiari zuzendua, hilabeteko epean, Administrazio Publikoen Administrazio Prozedura Erkideari buruzko urriaren 1eko 39/15 Legeak ezartzen dituen arrazoiengatik eta moduetan.
Iruñean, 2023ko irailaren 18an.–Gobernu idazkaria, Francisco Javier Isasi Barbier.
Iragarkiaren kodea: J2314013
