1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
403E/2023 EBAZPENA, irailaren 26koa, Nafarroako Kirolaren Institutuko zuzendari kudeatzaileak emana, zeinaren bidez kargutik kentzen baita Salvador Zabala Razquin jauna, Nafarroako Kirolaren Institutuko Kirolaren Zuzendariordetzari atxikitako Kluben eta Kirol Errendimenduaren Bulegoko burua, 2023ko urriaren 1etik aurrerako ondorioekin.
Administrazio eta Kudeaketa Ataleko buruak, Lehendakaritza eta Berdintasun Departamentuko Idazkaritza Tekniko Nagusiak egin duen proposamena ikusirik eta Kultura, Kirol eta Turismoko kontseilaria ados dagoela, proposatu du kargutik kentzea Salvador Zabala Razquin jauna, Nafarroako Kirolaren Institutuko Kirolaren Zuzendariordetzari atxikitako Kluben eta Kirol Errendimenduaren Bulegoko burua, 2023ko urriaren 1etik aurrerako ondorioekin.
Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuak lehenbiziko xedapen gehigarrian ezartzen du izendapen askeko lanpostuetarako izendapenak eta, halaber, burutzak bitarte baterako betetzekoak kasuan kasuko erakundearen estatutuetan edo berariazko araudian ezarritakoari jarraikiz eginen direla.
Horrenbestez, Nafarroako Kirol eta Gazteriaren Institutua Nafarroako Kirolaren Institutua bihurtzen duen eta haren estatutuak onesten dituen azaroaren 15eko 326/2019 Foru Dekretuaren bidez (ekainaren 2ko 45/2021 Foru Dekretuaren bidez aldatu ziren estatutuak) esleitu zaizkidan ahalmenak erabiliz,
EBAZTEN DUT:
1. Kargutik kentzea Salvador Zabala Razquin jauna, Nafarroako Kirolaren Institutuko Kirolaren Zuzendariordetzari atxikitako Kluben eta Kirol Errendimenduaren Bulegoko burua, eta emandako zerbitzuak eskertzea. Kargu-uzteak 2023ko urriaren 1ean izanen ditu ondorioak.
2. Ebazpen hau Nafarroako Aldizkari Ofizialean argitaratzea.
3. Ebazpen hau jakinaraztea interesdunari, Nafarroako Kirolaren Institutuko Administrazio eta Kudeaketa Atalari eta Kirolaren Zuzendariordetzari, Funtzio Publikoko Zuzendaritza Nagusiari eta horren mende dauden Langileriaren Gastuaren Kontrolaren eta Nominen Zerbitzuari, Funtzio Publikoaren Antolamenduko Zerbitzuari eta Lan Harremanen eta Langileriaren Kudeaketako Zerbitzuari, behar diren ondorioak izan ditzan.
Iruñean, 2023ko irailaren 26an.–Nafarroako Kirolaren Institutuko zuzendari kudeatzailea, Jorge Aguirre Oviedo.
Iragarkiaren kodea: F2313693
