3. ESTATUKO ADMINISTRAZIOA
EKONOMIA ETA OGASUNEKO NAFARROAKO ORDEZKARITZA
Hirugarren eta laugarren enkanteak, eskaintzak gutun-azal itxietan aurkezteko prozeduraren bidez, Iruñeko udal mugartean dauden merkataritza-lokal batzuk besterentzeko
Ekonomia eta Ogasuneko Nafarroako ordezkari bereziak erabakita, onetsi da ondotik deskribatzen den ondasun higiezina enkante publikoan, eskaintzak gutun-azal itxietan aurkezteko prozedura bidezkoan, besterentzeko deialdia. Ekitaldia 2023ko azaroaren 28an eginen da, goizeko hamaiketan, Ekonomia eta Ogasuneko Nafarroako Ordezkaritza Bereziaren egoitzan (Iruñeko Yanguas y Miranda 31), zazpigarren solairuko bilkura aretoan. Ondasun higiezina Estatuko Administrazio Orokorraren jabetzakoa da, eta lote bakarra osatzen du (elkar komunikatutako hiru lokal dira). Hona hemen haien ezaugarriak:
1. Merkataritza-lokala, Iruñeko Juan María Guelbenzu kaleko 24an kokatua.
Hiri finka: merkataritza-lokala, Iruñeko Juan María Guelbenzu kaleko hogeita laugarren zenbakiko etxearen beheko solairuan dagoena, etxe horretako atariaren ezkerreko aldean, eta fatxadari begiratzen diona modu kasik triangularrean. Ehun eta hirurogeita zortzi metro eta laurogei dezimetro koadro ditu. Muga hauek ditu: Guelbenzu kaletik begiratuta; aurrealdean, Guelbenzu kalea bera, Gayarre kalearekin alaka egiten duen puntu batean; eskuinaldean, ataria eta eskaileraren kaxa, eta bereizten den finkaren gainerako zatia; ezkerraldean, Julián Gayarre kalea; eta atzealdean, Gaztambide kaleko bederatzi eta hamaika zenbakiak dituzten etxeetako lokalak. Elementu komunetan duen kuota: ehuneko hamahiru osoko eta hirurogeita sei ehuneneko.
Iruñeko 7. Jabetza Erregistroan dago inskribatua, 5576. finka, 1630. liburukia, 1004. liburua, 204. folioa, 3. inskripzioa.
Katastroko erreferentzia: 310000000001950017XO.
2. Merkataritza-lokala, Iruñeko Joaquín Gaztambide kaleko 9an kokatua.
Hiri finka: Merkataritza-lokala, Iruñeko Gaztambide kaleko bederatzi zenbakiko etxearen erdisotoan dagoena, aterabidea duena kale bereko hamaika zenbakiko etxearen sotoko lokaletatik, liburuki honetako 171. folioan inskribatua: berrogeita hamaika metro eta laurogeita hamabi dezimetro koadro ditu. Muga hauek ditu: Gaztambide kaletik begiratuta, atzealdetik Guelbenzu kaleko hogeita laugarren zenbakiko etxearen beheko solairuko lokalekin egiten du muga; ezkerretik eta aurrealdetik, bereizten den finkaren gainerako zatiekin; eta eskuinetik, kale bereko hamaika zenbakia duen etxeko lokalarekin. Ehuneko lau osoko eta hogei ehuneneko partaidetza-kuota du.
Iruñeko 7. Jabetza Erregistroan dago inskribatua. 5574. finka, 1630. liburukia, 1004. liburua, 203. folioa, 3. inskripzioa.
Katastroko erreferentzia: 310000000001950119RF eta 310000000001950120WS.
3. Merkataritza-lokala, Iruñeko Joaquín Gaztambide kaleko 11n kokatua.
Hiri finka: Merkataritza-lokala, Iruñeko Gaztambide kaleko hamaika zenbakia duen etxearen sotoan dagoena, solairuartea eta guzti. Fatxadak Gayarre kalera ematen du. Solairu bakoitzean, hirurogeita hamabi metro koadroko azalera du, eta bi solairuak eskailera baten bidez komunikatuak daude barrutik. Muga hauek ditu: Gaztambide kaletik begiratuta; aurrealdean, bereizten den finkaren gainerako zatia; eskuinaldean, Gayarre kalea; ezkerraldean, Gaztambide kaleko bederatzi zenbakiko etxearen erdisotoan dagoen merkataritza-lokala; eta atzealdean, zenbakia duen etxeko merkataritza-lokalak. Ehuneko lau osoko eta hogei ehuneneko partaidetza-kuota du.
Iruñeko 7. Jabetza Erregistroan dago inskribatua. 5572. finka, 1630. liburukia, 1004. liburua, 202. folioa, 3. inskripzioa.
Katastroko erreferentzia: 310000000001950137HE eta 310000000001950139KT.
Hasierako prezioak eta bermearen zenbatekoak honako hauek dira:
HASIERAKO TIPOA | BERMEAREN ZENBATEKOA (%5EKO TIPOA) |
3. enkantea: 152.598,76 euro | 7.629,94 euro |
4. enkantea: 129.708,95 euro | 6.485,45 euro |
Enkanterako baldintzen agiria Ekonomia eta Ogasuneko Nafarroako Ordezkaritzaren Ondare Zerbitzuan kontsultatzen ahalko da, Iruñeko Yanguas y Miranda kaleko 31n, 7. solairuan, edo Ogasun Ministerioaren web orrian (http://www.hacienda.gob.es).
Iruñean, 2023ko irailaren 27an.–Ekonomia eta Ogasuneko Nafarroako ordezkari berezia, Mario Ruiz Lezcano.
Iragarkiaren kodea: E2313739
