1. NAFARROAKO FORU KOMUNITATEA
1.7. BESTELAKOAK
210/2023 EBAZPENA, irailaren 15ekoa, Vianako Printzea Erakundea-Kulturako zuzendari nagusiak emana, zeinaren bidez onesten baita Dokumentuen Ebaluaziorako Batzordeak proposatutako ebaluazio erabakia, Tuterako Udalari baimena emateko giza baliabideen eta ziurtagirien kudeaketari buruzko dokumentuen sail batzuk ezabatzeko.
Ikusi da Nafarroako Artxibo Garaikidearen Ataleko buruak egindako txostena, Artxiboen eta Dokumentu Ondarearen Zerbitzuko zuzendariak ontzat eman duena, zeinaren bidez helarazten baita Dokumentuen Ebaluaziorako Batzordearen 807 erabakia, Tuterako udalari baimena emateko honako dokumentu-serie hauek ezaba ditzan: Langileen ordutegi-kontrola (1992-2011), Langileei baimenak ematea (1992-2017), Langileei lizentziak ematea (1992-2017), Oporrak ematea (1992-2017), Nominen ordainagiriak (1992-2017), TC1 eta TC2 kotizazio-parteak (1992-2012), Langileak hautatzeko espedienteak (1992-2012) (partziala), Familia-laguntza ematea (1992-1995, 2000-2001, 2003) eta Ziurtagiriak (1992-1996), hori guztia 725, 726, 727, 728, 718, 720, 715, 730 eta 697 erabakien arabera, hurrenez hurren. Erabaki horiek Vianako Printzea Erakundea-Kulturako zuzendari nagusiaren ekainaren 7ko 166/2022 Ebazpenaren bidez onetsi ziren. Ebazpen horren bidez, kontratazio publikoari, desjabetzeei, ondare erantzukizunari eta ziurtagiriei buruzko dokumentu sail batzuk ebaluatzeko erabakiak onetsi ziren (sail batzuk Nafarroako administrazio publiko guztienak ziren, eta beste batzuk toki erakundeen berariazko sailak). Ebazpen hori 2022ko 162. Nafarroako Aldizkari Ofizialean argitaratu zen, abuztuaren 16koan.
Horrenbestez, Kultura eta Kirol Departamentuaren egitura organikoa ezartzen duen urriaren 30eko 273/2019 Foru Dekretuak ematen dizkidan eskudantziak erabiliz,
EBAZTEN DUT:
1. Onestea 807 ebaluazio erabakia, zeinaren bidez baimena ematen baitzaio Tuterako Udalari honako dokumentu serie hauek ezabatzeko: Langileen ordutegi-kontrola (1992-2011), Langileei baimenak ematea (1992-2017), Langileei lizentziak ematea (1992-2017), Oporrak ematea (1992-2017), Nominen ordainagiriak (1992-2017), TC1 eta TC2 kotizazio-parteak (1992-2012), Langileak hautatzeko espedienteak (1992-2012) (partziala), Familia-laguntza ematea (1992-1995, 2000-2001, 2003) eta Ziurtagiriak (1992-1996).
2. Erabakiaren testua Nafarroako Aldizkari Ofizialean argitaratzea.
3. Ebazpen hau igortzea Kultura, Kirol eta Turismo Departamentuko Idazkaritza Tekniko Nagusira eta Kultura, Kirol eta Turismo Departamentuko Artxiboen eta Dokumentu Ondarearen Zerbitzura, eta Tuterako Udalera, behar diren ondorioak izan ditzan.
Iruñean, 2023ko irailaren 15ean.–Vianako Printzea Erakundea-Kulturako zuzendari nagusia, Ignacio Apezteguía Morentin.
Iragarkiaren kodea: F2313493
