2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LIZARRA
Deialdia, kirol klubei dirulaguntzak emateko 2022-2023ko denboraldian. Laburpena
Dirulaguntzen Datu Base Nazionala (identifikazioa): 716202.
Argitara ematen da deialdiaren laburpena, bat etorriz Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluekin; haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/716202).
"Lizarrako kirol klubendako dirulaguntzak emateko deialdia" 2022-2023ko denboraldian (2023ko ekitaldi ekonomikoa) dirulaguntzak emateko deialdiak kirola egitea sustatu eta kluben txapelketetan parte hartzea bultzatu nahi du, parte hartze horrek dakartzan gastuak ordaintzeko. Horrenbestez,
ERABAKITZEN DA:
Lehena.–Lizarrako kirol klubei dirulaguntzak emateko deialdia eta horren oinarriak onestea.
Bigarrena.–Onestea deialdiaren oinarri arautzaileak.
Hirugarrena.–75.000 euroko gastua onestea oinarriko kirola duten eta ez duten klubendako eta 2023ko aurrekontuko "1 341004890000 Kirol Jardueretarako Dirulag." partidan kargua izanen duena. Halaber, 5.000 euroko gastua onestea aisialdirako klubendako eta "1 341004890007 Aisialdirako Klubendako Dirulag." partidan kargua izanen duena.
Laugarrena.–Erabaki hau Udalaren iragarki-taulan argitaratzea, baita Nafarroako Aldizkari Ofizialean eta Dirulaguntzen Datu Base Nazionalean ere, Dirulaguntzei buruzko azaroaren 17ko 38/2003 Lege Orokorraren 20.8 artikuluak xedatutakoaren arabera.
Bosgarrena.–Erabaki hau jakinaraztea Kontu-hartze zerbitzuari eta Diruzaintzari, eta Udalbatzari jakinaraztea kide anitzeko organoak egiten duen hurrengo ohiko bilkuran, ondoren dagokion espedientean sartzeko.
Lizarran, 2023ko irailaren 12an.–Alkatea, Marta Ruiz de Alda Parla.
Iragarkiaren kodea: L2313183
