195. ALDIZKARIA - 2023ko irailaren 18a

2. NAFARROAKO TOKI ADMINISTRAZIOA

2.1. OPOSIZIOAK ETA LEHIAKETAK. LAN PUBLIKOAREN ESKAINTZA

NOAIN (ELORTZIBAR)

2023rako lan publikoaren eskaintza

Bat etorriz bitarteko administrazio-kontrataziorako ezarritako epeekin (abenduaren 28ko 20/2021 Legea, enplegu publikoan behin-behinekotasuna murrizteko premiazko neurriei buruzkoa), Noain Elortzibarko Udalaren 2023rako plantilla organikoko lanpostu hutsei dagokienez (2023ko 20. Nafarroako Aldizkari Ofiziala, urtarrilaren 30ekoa), Alkatetzaren 2023ko irailaren 7ko 2023-971 Ebazpenaren bidez, 2023rako lan publikoaren eskaintza onetsi da, honako lanpostu hauekin:

1.–Funtzionarioen araubidea. Lanpostu kopurua: 1. Lanpostua: zerbitzu anitzetako enplegatua, atxikirik dagoena Idazkaritza, Zerbitzu Orokor, Hirigintza, Ingurumen, Obra eta Zerbitzuen Alorrari, 2.15 zenbakia duena plantilla organikoan. Maila: D. Mailako osagarria: %15. Lanpostuko osagarria: %2,99. Arrisku bereziko osagarria: %5. Sarbidea: oposizio-lehiaketa. Betetzeko aurreikuspena: 2023.

2.–Funtzionarioen araubidea. Lanpostu kopurua: 1. Lanpostua: administrari laguntzailea, atxikirik dagoena Zerbitzu Ekonomikoen Alorrari, 3.4 zenbakia duena plantilla organikoan. Maila: D. Mailako osagarria: %15. Lanpostuko osagarria: %2,99. Sarbidea: oposizio-lehiaketa. Betetzeko aurreikuspena: 2023.

3.–Funtzionarioen araubidea. Lanpostu kopurua: 1. Lanpostua: administrari-ofiziala, atxikirik dagoena Zerbitzu Ekonomikoen Alorrari, 3.5 zenbakia duena plantilla organikoan. Maila: C. Mailako osagarria: %15. Lanpostuko osagarria: %23,52. Sarbidea: oposizio-lehiaketa. Betetzeko aurreikuspena: 2023. (Lanaldi partziala: %50).

Ebazpen honen aurka, hautara, errekurtso hauetako bat aurkez daiteke:

a) Berraztertzeko errekurtsoa, egintza eman duen organoari zuzendua, hilabeteko epean, erabaki hau Nafarroako Aldizkari Ofizialean argitaratu eta biharamunetik hasita.

b) Administrazioarekiko auzi-errekurtsoa, Iruñeko Administrazioarekiko Auzien Epaitegiari zuzendua, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.

c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.

Argitara ematen da, bete dadin arlo horretan indarrean dagoen araudia.

Noain Elortzibarren, 2023ko irailaren 7an.–Alkatea, Sebastián Marco Zaratiegui.

Iragarkiaren kodea: L2313070