1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
162/2023 FORU DEKRETUA, irailaren 6koa, José María Burgaleta Encina jauna Nafarroako Gazteriaren Institutuko zuzendari kudeatzaile izendatzen duena.
Nafarroako Gazteriaren Institutua erakunde autonomoaren estatutuen 11. artikuluak xedatzen duenez, Nafarroako Gobernuak libreki izendatuko eta kargutik kenduko du Nafarroako Gazteriaren Institutuko zuzendari kudeatzailea, gazteriaren arloan eskumena duen kontseilariak proposaturik.
Etxebizitzako, Gazteriako eta Migrazio Politiketako Departamentuaren oinarrizko egitura ezartzen duen abuztuaren 30eko 66/2023 Foru Dekretuaren bidez, Nafarroako Gazteriaren Institutua erakunde autonomoa Etxebizitzako, Gazteriako eta Migrazio Politiketako Departamentuari atxiki zaio.
Horrenbestez, Etxebizitzako, Gazteriako eta Migrazio Politiketako kontseilariak proposaturik, eta Nafarroako Gobernuak bi mila eta hogeita hiruko irailaren seian egindako bilkuran hartutako erabakiarekin bat,
DEKRETATZEN DUT:
1. José María Burgaleta Encina jauna Nafarroako Gazteriaren Institutuko zuzendari kudeatzaile izendatzea, 2023ko irailaren 7tik aurrerako ondorioekin.
2. Foru dekretu hau interesdunari jakinaraztea eta Nafarroako Gazteriaren Institutura eta Funtzio Publikoko Zuzendaritza Nagusira igortzea, behar diren ondorioak izan ditzan.
3. Foru dekretu hau Nafarroako Aldizkari Ofizialean argitaratzea, orok jakin dezan.
Iruñean, 2023ko irailaren 6an.–Nafarroako Gobernuko lehendakaria, María Chivite Navascués.–Etxebizitzako, Gazteriako eta Migrazio Politiketako kontseilaria, Begoña Alfaro García.
Iragarkiaren kodea: F2312903
