2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ULTZANUETA ZERBITZUEN MANKOMUNITATEA
Desjabetzea eta ukitutako ondasun eta eskubideen zerrenda, Iraizozko goi-hornidurako sarea berritzeko eta urbanizaziorako obren proiektuan. Hasierako onespena
Ultzanueta Zerbitzuen Mankomunitateko kideen batzarrak, 2022ko abenduaren 28an egin ohiko bilkuran, korporazioko kideen legezko kopuruaren gehiengo osoaren aldeko botoarekin, honako hau erabaki zuen:
Lehenengoa.–Onestea Ultzanueta Zerbitzuen Mankomunitatearen eta ukitutako jabeen (partikularrak/Iraizozko Kontzejua) artean sinatu beharreko "Adiskidetasunezko Hitzarmenak". Hitzarmen horietan zehazten da bakoitzari dagokion kalte-ordainen zenbatekoa, ukitutako ondasun eta eskubideengatik, Iraizotzen goi-hornidurako sarea berritzeko eta urbanizaziorako Mankomunitatearen obrak direla eta.
Beraz, erabaki da, halaber, Mankomunitateko burua berariaz ahalduntzea, sina ditzan hitzarmen horiek, bai eta xede horretarako behar den dokumentazio guztia ere, eta dagozkion diru-kopuruak ordain ditzan, behin hitzarmen horiek sinatuta daudenean.
Bigarrena.–Hasiera batez onestea Iraizotzen goi-hornidurako sarea berritzeko eta urbanizaziorako obrek ukitutako ondasun eta eskubideen zerrenda, eta desjabetze-espedientea abiaraztea.
Hirugarrena.–Proiektuak ukitutako ondasun eta eskubideen onura publikoa eta okupatu beharra aitortzea eta deklaratzea, onespenari loturik baitaude.
Laugarrena.–Ukitutako ondasun eta eskubideen zerrenda (erabaki honen eranskinean ageri dena) jendaurrean paratzea 15 egun baliodunean, interesdunek egokiak iruditzen zaizkien oharrak edo alegazioak egin ditzaten eta zerrendan argitaratutako okerrak zuzentzeko behar diren datuak ekar ditzaten, idatziz; horretarako, Ultzanueta Zerbitzuen Mankomunitatearen egoitzan, Erripako (Odieta) San Sebastian kaleko 107. zenbakian (31799), eskura izanen dute dokumentazio teknikoa (Eunate Compañía de Ingeniería SL ingeniaritza estudioak egindako proiektu teknikoa, 2020ko irailekoa).
Bosgarrena.–Argitaratzea erabaki hau eta aipatu eranskina, bertan jaso baita ukituriko ondasun eta eskubideen zerrenda, Nafarroako Aldizkari Ofizialean, Foru Komunitateko egunkari batean, Mankomunitatearen iragarki-taulan eta Ultzamako, Anueko eta Odietako udalen iragarki-tauletan, bai eta bidezko jotzen diren gainerako publizitate bitartekoetan ere.
Erabaki honi erantsi zaio honako taula hau: "proiektuak eta obrek ukitutako ondasun eta eskubideen zerrenda".
Erripan (Odieta), 2022ko abenduaren 28an.–Mankomunitateko burua, Martín M.ª Picabea Aguirre.
IRAIZOTZEN (ULTZAMA) GOI-HORNIDURAKO SAREA BERRITZEKO ETA URBANIZAZIORAKO OBREK UKITUTAKO ONDASUN ETA ESKUBIDEAK
UDALERRIA | ESPEDIENTEAREN KODEA | KONTZEJUA | JABEAK | LURZATIA ETA POLIGONOA | LABORE MOTA | ZORTASUNAREN AZALERA | ZORTASUNAREN PREZIOA | BEHIN BETIKO OKUPAZIOAREN AZALERA | BEHIN BETIKO OKUPAZIOAREN PREZIOA | ALDI BATERAKO OKUPAZIOAREN
AZALERA | ALDI BATERAKO OKUPAZIOAREN PREZIOA |
Ultzama | IRAI-1 | IRAIZOTZ | Satrústegui Narvaez, Agustín | 46A-12 | Lehorreko lurra. | 147,75 | 4,13 euro/m2 | 0,00 | 4,59 euro/m2 | 603,66 | 0,3 euro/m2 |
Ultzama | IRAI-2 | IRAIZOTZ | Villabona Irigoyen, M.ª Soledad | 45-12 | Lehorreko lurra | 60,00 | 4,13 euro/m2 | 0,00 | 4,59 euro/m2 | 463,26 | 0,3 euro/m2 |
Ultzama | IRAI-3 | IRAIZOTZ | Amati urbanizazioko jabekideen erkidegoa | 399-12 | Hiri-lurra | 122,25 | 4,13 euro/m2 | 0,00 | 4,59 euro/m2 | 676,89 | 0,3 euro/m2 |
Ultzama | IRAI-4 | IRAIZOTZ | Iraizozko Kontzejuaren herri-lurra | 111-12 | Lehorreko lurra | 0,00 | 4,13 euro/m2 | 352,30 | 4,59 euro/m2 | 0,00 | 0,3 euro/m2 |
Iragarkiaren kodea: L2300706
