2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARTIKAKO KONTZEJUA
Deialdia, mugikortasun jasangarria sustatzeko 2023ko dirulaguntzena. Bizikletak konpontzea, mantentzea eta bizikletak eta bizikleta elektrikoak erostea. Laburpena
DDBN (identifikazioa): 670349.
Argitara ematen da deialdiaren laburpena, jarraikiz azaroaren 17ko 38/2003 Lege Orokorraren 17.3.b eta 20.8.a artikuluei (Dirulaguntzei buruzko Lege Orokorra); haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/670349).
2030 Agendan, Garapen Jasangarrirako 17 Helburu (GJH) biltzen baititu, honako hau aipatzen du 11. zenbakiak: "Hiri eta Komunitate jasangarriak" Mugikortasun sistemek izan behar dute eskuragarriak, ekonomikoki bideragarriak, pertsonei zuzenduak eta ingurumena errespetatu behar dute eta, horretarako, Nazio Batuek diote ikuspegi integrala eta integratua behar dela politikak formulatzeko eta erabakiak hartzeko. Asmo handiko helburu hori lortzeko, garrantzitsua da aldatzea egungo mugikortasun ereduak. Horregatik, bizikletaren alde egin behar da, garraiobide ezin hobea delako hirian ibiltzeko –batzuetan hirien artean ibiltzeko ere bai–, kutsadura eta soinu gutxi sortzen duelako, baita espazio publiko txikia okupatzen duelako ere; gainera, onuragarria da ariketa fisikoaren eta ingurumenaren aldetik; azkenik, pertsonen artean gorde behar den tartea gordeko dela ziurtatzen du. Beraz, Artikako Kontzejuak egoki deritzo 2023rako dirulaguntzen deialdi bat sustatzeari, bizikletak konpontzeko eta mantentzeko, bai eta bizikleta elektrikoak erosteko ere, bizikleta garraiobide seguru eta jasangarri gisa erabil dadin.
Diruz lagungarriak diren kontzeptuak eta diru-laguntzaren zenbatekoa.
Diruz lagungarriak izanen dira konponketetarako, mantentze-lanetarako eta osagarriak jartzeko piezen eta eskulanaren kostua, ondoren adierazten den bezala:
a) Konpontzea: zenbait elementu konpondu eta ordeztea barne.
b) Mantentze-lanak eta puntuan jartzea.
c) Ekipamenduak eta osagarriak instalatzea: argiak, txirrinak, lohi-babesa, pote-euskarria, bizikleta-ponpa, atzeko parrilla, osagarri islatzaileak eta bizikleta-kaskoa.
Laguntzak ez du gaindituko piezen eta eskulanaren kostua (BEZa barne).
Onuradun eta bizikleta bakoitzeko gehienez 50 euroko laguntza emanen da, osagarriak konpontzeko, mantentzeko eta jartzeko gastuetarako.
Onuradun bakoitzak 100 euroko laguntza jasoko du gehienez, bizikletak edo bizikleta elektrikoak erosteko.
Aurrekontuko zuzkidura.
Deialdi honetarako 5.000 euroko zuzkidura ekonomikoa dago, 1 1340 48000 aurrekontu-partidaren kargura, "Mugikortasun jasangarria sustatzeko 2023ko dirulaguntza. Bizikletak konpontzea, mantentzea eta bizikleta elektrikoak eskuratzea".
Artikan, 2023ko urtarrilaren 12an.–Kontzejuko burua, Cristina Recalde Vallejo.
Iragarkiaren kodea: L2300676
