1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
225/2023 EBAZPENA, abuztuaren 17koa, Nafar Lansare-Nafarroako Enplegu Zerbitzuko zuzendari kudeatzaileak emana, Nafar Lansare-Nafarroako Enplegu Zerbitzuak eman eta kudeatzen dituen dirulaguntza batzuetarako 2023ko gastua baimentzen duena. DDBN identifikazioa: 712875.
Azaroaren 6ko 302/2019 Foru Dekretuaren bidez onetsitako Nafar Lansare-Nafarroako Enplegu Zerbitzua erakunde autonomoaren Estatutuetan ezarritakoari jarraikiz, erakunde horren eginkizuna da Foru Komunitatearen Administrazioari esleitutako eskumenak baliatzea gizarte-eragileekin adostutako enplegu politikak planifikatu, gauzatu eta kontrolatzeari dagokionez, arlo hauen gainean ezartzen diren zerbitzu eta programak modu koordinatuan kudeatuz: enpleguaren sustapena, lan merkatuan sartzeko aukera berdintasuna, lana aurkitzea, enplegurako bitartekaritza, orientazioa eta prestakuntza, eta Nafarroako enpleguaren egoeraren eta horren gaineko politiken analisia.
Uztailaren 3ko 694/2017 Errege Dekretuan eta martxoaren 28ko TMS/368/2019 Aginduan enplegurako prestakuntzarako aurreikusiak dauden modalitateetan parte hartzen duten langabeek bekak eta laguntzak jaso ditzakete, azken arau horretan zehaztu bezala.
Dirulaguntzei buruzko azaroaren 14ko 11/2005 Foru Legearen 30. artikuluak ezartzen duenez, dirulaguntzen deialdiek berekin ekarri beharko dute gasturako baimena, Nafarroako Ogasun Publikoari buruzko abenduaren 26ko 8/1988 Foru Legearen 55. artikuluan ezarritakoari jarraikiz.
2023an zehar, NL-NEZ prestakuntza-eskaintza zabala hedatzen ari da hainbat programatan, langabeei zein landunei zuzenduta. Horrek guztiak ahalegin ekonomiko handia eskatzen du lekualdatze, kontziliazio, desgaitasun eta abarretarako banakako bekak emateko orduan.
Nafarroako 2023ko aurrekontuen legean esleitutako partidetatik, 950002 96200 4809 242100 kodekoa, hasiera batean 500.000 euroko zuzkidura zuena, agortu egin da.
2023rako indarrean dagoen aurrekontuak 100.000 euroko esleipena ere badu "Prestakuntza ekintzetarako bekak" izeneko 950002 96200 4809 242102 partidan.
Azaldutakoarekin bat, eta azaroaren 6ko 302/2019 Foru Dekretuak onetsitako Nafar Lansare-Nafarroako Enplegu Zerbitzuaren Estatutuen 13. artikuluak ematen dizkidan eskudantziak erabiliz,
EBAZTEN DUT:
1. 100.000 euroko gastua baimentzea Nafar Lansare-Nafarroako Enplegu Zerbitzuak antolatzen dituen enplegurako prestakuntza ekintzetan parte hartzen duten langabeentzako beka eta laguntzak finantzatzeko, "Prestakuntza ekintzetarako bekak" izeneko 950002 96200 4809 242102 partidaren kargura.
2. Ebazpen hau igortzea Lanbide Gaitasunak Garatzeko Zerbitzura eta Nafar Lansare-Nafarroako Enplegu Zerbitzuko Kontu-hartzailetza delegatura.
3. Ebazpen hau Nafarroako Aldizkari Ofizialean argitaratzea.
Iruñean, 2023ko abuztuaren 17an.–Nafar Lansare-Nafarroako Enplegu Zerbitzuko zuzendari kudeatzailea, Mirian Martón Pérez.
Iragarkiaren kodea: F2311982
