Iragarkia

174. ALDIZKARIA - 2023ko abuztuaren 22a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

2634/2023 EBAZPENA, abuztuaren 2koa, Funtzio Publikoko zuzendari nagusiak emana, zeinaren bidez bete gabe uzten baitira Nafarroako Foru Komunitateko Administrazioaren eta haren erakunde autonomoen zerbitzuko segurtasun arloko goi mailako teknikarien lanpostu hutsak lekualdatze lehiaketaren bidez betetzeko deialdiko lanpostuak, hori guztia enplegu publikoan behin-behinekotasuna murrizteko egonkortze-prozesuen esparruan.

Funtzio Publikoko zuzendari nagusiaren martxoaren 6ko 852/2023 Ebazpenaren bidez, onetsi ziren Nafarroako Foru Komunitateko Administrazioaren eta haren erakunde autonomoen zerbitzuko A mailako lanpostu batzuk, I. eranskinean zerrendatzen direnak, lekualdatze lehiaketaren bidez betetzeko deialdiak, hori guztia enplegu publikoan behin-behinekotasuna murrizteko egonkortze-prozesuen esparruan. Horien artean segurtasun arloko goi mailako teknikariaren lanpostua zegoen. Deialdi hori 2023ko 55. Nafarroako Aldizkari Ofizialean argitaratu zen, martxoaren 17koan.

Funtzio Publikoko zuzendari nagusiak maiatzaren 8an emandako 1619/2023 Ebazpenaren bidez, deialdian onartu eta baztertutako izangaien behin betiko zerrenda onetsi zen. Ebazpen hori Nafarroako Gobernuaren deialdiaren web fitxan argitaratu zen 2023ko maiatzaren 12an.

Funtzio Publikoko zuzendari nagusiak uztailaren 17an emandako 2531/2023 Ebazpenaren bidez, lekualdatze lehiaketan sartutako lanpostu hutsak zehaztu ziren, lanpostu hutsak aukeratzeko ekitaldirako deia egin zen eta 5 egun naturaleko epea ireki zen lanpostu hutsak aukeratzeko.

Lanpostu hutsak aukeratzeko ekitaldia eginik, izangai bakar batek ere ez du lanposturik aukeratu. Hortaz, bidezkoa da deialdiko lanpostuak bete gabe uztea.

Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,

EBAZTEN DUT:

1. Bete gabe uztea Nafarroako Foru Komunitateko Administrazioaren eta haren erakunde autonomoen zerbitzuko segurtasun arloko goi mailako teknikarien lanpostu hutsa, lekualdatze lehiaketa bidez betetzeko deialdikoa, izangai bakar batek ere ez baitu lanposturik aukeratu.

2. Lekualdatze lehiaketan bete gabe gelditu den lanpostu hutsa I. eranskinean jaso da.

3. Ebazpen hau jakinaraztea Nafarroako Foru Komunitateko Administrazioaren departamentuetako idazkaritza tekniko nagusiei, eta Lehendakaritzako, Berdintasuneko, Funtzio Publikoko eta Barneko Departamentuko Langileriaren Kudeaketako Zerbitzuari eta Egituraren, Lanpostuen Antolaketaren eta Langileen Plantillaren Zerbitzuari, eta halaber, Nafarroako Aldizkari Ofizialean argitara dadila agintzea, behar diren ondorioak izan ditzan.

Iruñean, 2023ko abuztuaren 2an.–Funtzio Publikoko zuzendari nagusia, Amaia Goñi Lacabe.

I. ERANSKINA.–LEKUALDATZE LEHIAKETAN BETE GABE GELDITU DEN SEGURTASUN ARLOKO GOI MAILAKO TEKNIKARIEN LANPOSTU HUTSA

Iragarkiaren kodea: F2311419