2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Eskuordetze bereziak
Alkatetzaren 2023ko abuztuaren 3ko 954/2023 Ebazpenaren bidez, honako hau ebatzi da:
1.–Honako eskuordetze berezi hauek egitea ondoren adierazten diren zinegotzien alde, zehazten diren udal zerbitzu, zentro, proiektu eta gaiei dagokienez:
Kultura eta Jaien arloa: Irantzu Urdaniz Guembe.
Kirol arloa: Enaut Andueza García.
Hezkuntza arloa: M.ª Concepción Esain Nicuesa.
Gazteria arloa: Imanol Cobos Velasco.
Euskara arloa: Amaiur Gindeo Arandigoien.
Herritarren parte-hartzerako gaiak: M.ª Concepción Esain Nicuesa.
Kultura Aniztasuna eta Migrazio arloa: Joseba Ginés Eleno.
Merkataritza, ostalaritza eta enpleguko gaiak: María Amor Blasco Catalán.
Gizarte Zerbitzuen arloa: Lourdes Garrido Belza.
Adinekoen gaiak: Lourdes Garrido Belza.
LGTBI arloa: Imanol Cobos Velasco.
Berdintasun arloa: María Amor Blasco Catalán.
Bizikidetza eta memoria historikoko gaiak: Jose M.ª Noval Galarraga.
Ogasuneko eta kontratazio publikoko gaiak: Joana Eguillor Francoy.
Etxebizitzako gaiak: Joseba Ginés Eleno.
2.–Dagozkion zentroen eta zerbitzuen zuzendaritza, barne antolaketa eta kudeaketa hartuko ditu eskuordetzak, baita arloko helburuen programazioa eta eskuordetutako proiektuen edo gaien sustapena eta dinamizazioa ere. Kanpoan gelditzen da hirugarrenengan eragina duten egintza administratiboen bitartez ebazteko ahalmena. Berariazko eskuordetzea da adierazitako arloan, zeina alkatetza honi dagokion eta ez dagoen Tokiko Gobernu Batzarraren esku: Zehazki:
–Bere eskumeneko gaietan Alkatetzari, Tokiko Gobernu Batzarrari eta Osoko Bilkurari proposamenak egitea, ordaintzeko proposamenak barne.
–Bere gain hartutako eskumenari dagozkion gaietako kontratazio mahaietan buru egitea.
–Arloetako langileak hautatzeko prozesuetako epaimahaiburu izatea.
–Bere eskuordetze-eremuko ataletako buru aritzea.
3.–Ebazpen hau izendatuei jakinaraztea, karguak onar ditzaten. Eraginkorra izan dadin, zinegotzi ordezkariaren onarpena beharko da, eta uste izanen da onarpena isilbidez eman dela, baldin eta ebazpena jakinarazi eta biharamunetik hasita hiru egun baliodunean ez bazaio udal honetako Alkatetzari kontrakoa adierazten.
4.–Aipatu eskuordetzen iragarkia igortzea Nafarroako Aldizkari Ofizialera, argitara dadin, eta Udalaren iragarki-taulan ikusgai jartzea.
5.–Udalbatzari ebazpen honen berri ematea, egiten den hurrengo osoko bilkuran.
6.–Eskuordetzeek indarra hartuko dute ebazpen honen biharamunean.
Argitara ematen da, orok jakin dezan.
Burlatan, 2023ko abuztuaren 4an.–Alkatea, Berta Arizkun González.
Iragarkiaren kodea: L2311556
