1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
NAFARROAKO FORU KOMUNITATEKO LEHENDAKARIAREN 9/2023 FORU DEKRETUA, abuztuaren 14koa, zeinaren bidez onartzen baita Javier Remírez Apesteguía jaunak Nafarroako Gobernuko kontseilari, lehen lehendakariorde eta Nafarroako Gobernuaren eledun izateari egindako ukoa eta Lurralde Kohesiorako kontseilariaren esku uzten baita, aldi baterako, Lehendakaritzako, Berdintasuneko, Funtzio Publikoko eta Barneko Departamentuaren titulartasuna.
Nafarroako Foru Komunitateko lehendakariak abuztuaren 6an emandako 23/2019 Foru Dekretuaren bidez, Javier Remírez Apesteguía jauna izendatu zen Nafarroako Gobernuko kontseilari.
Nafarroako Foru Komunitateko lehendakariak abuztuaren 6an emandako 36/2019 Foru Dekretuaren bidez, Javier Remírez Apesteguía jauna izendatu zen Nafarroako Gobernuko lehen lehendakariorde.
Nafarroako Foru Komunitateko lehendakariak apirilaren 28an emandako 6/2023 Foru Dekretuaren bidez, Javier Remírez Apesteguía jauna izendatu zen Nafarroako Gobernuaren eledun.
Lehendakariaren Kabinetean jaso da Javier Remírez Apesteguía jaunaren ukoa, senatari karguaren jabetza hartuko baitu Gorte Nagusietan 2023ko abuztuaren 17an.
Abuztuaren 10eko 13/1982 Lege Organikoaren 30.2 artikuluan xedatutakoaren babesean eta abenduaren 3ko 14/2004 Foru Legearen 30.8 artikuluan xedatutakoaren babesean (13/1982 Lege Organikoa Nafarroako Foru Eraentza Berrezarri eta Hobetzeari buruzkoa da eta 14/2004 Foru Legea Nafarroako Gobernuari eta Lehendakariari buruzkoa),
DEKRETATZEN DUT:
1. Onartzea Javier Remírez Apesteguía jaunak Nafarroako Gobernuko kontseilari, lehen lehendakariorde eta Nafarroako Gobernuaren eledun izateari egindako ukoa, senatari karguaren jabetza hartuko baitu Gorte Nagusietan, eta eskertzea emandako zerbitzuak. Karguan emanen duen azken eguna 2023ko abuztuaren 16a izanen da.
2. Bernardo Ciriza Pérez Lurralde Kohesiorako kontseilariaren esku uztea, aldi baterako, Lehendakaritzako, Berdintasuneko, Funtzio Publikoko eta Barneko Departamentuaren titulartasuna, 2023ko abuztuaren 17tik aurrerako ondorioekin.
Iruñean, 2023ko abuztuaren 14an.–Nafarroako Foru Komunitateko lehendakaria, María Chivite Navascués.
Iragarkiaren kodea: F2311857
