1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOA, Osasun Departamentuaren erakunde autonomoetarako erizainen 424 lanposturen izendapen proposamenaren aurka, eta hautaproben bitartez, izangaien zerrendak osatzearen aurka, horrelako lanpostuetan jardun dezaten, bai aldi baterako kontratazio bidez, bai aldi baterako barne igoeraren bidez. Osasuneko kontseilariak irailaren 10ean emandako 195E/2021 Foru Aginduaren bidez onetsi zen, eta 2023ko 157. Nafarroako Aldizkari Ofizialean argitaratu zen, uztailaren 31koan.
Osasun kontseilariaren irailaren 10eko 195E/2021 Foru Aginduaren bidez, deialdia onetsi zen Osasun Departamentuaren erakunde autonomoetarako erizainen 424 lanpostu oposizio-lehiaketa bidez betetzeko, batetik, eta bestetik, hautaproben bitartez, izangaien zerrendak osatzeko, horrelako lanpostuetan jardun dezaten, bai aldi baterako kontratazio bidez, bai aldi baterako barne igoeraren bidez (2021ko 229. Nafarroako Aldizkari Ofiziala, irailaren 30ekoa). Deialdi horri dagokionez, aditzera ematen da izendapen proposamenaren aurkako gora jotzeko errekurtsoa jarri dela. Proposamen hori 2023ko uztailaren 31n argitaratu zen.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. eta 118. artikuluetan xedatutakoari jarraikiz, dei egiten zaie interesdun diren guztiei, iragarki hau Nafarroako Aldizkari Ofizialean argitaratu eta biharamunetik hamar egun balioduneko gehieneko epean alegazioak aurkeztu ahal ditzaten, Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan aurreikusitako moduan.
Jarritako errekurtsoaren kopia bat lortzeko, interesdunek eskatzen ahal dute Erregistro Orokor Elektronikoaren bidez (https://www.navarra.es/eu/tramiteak/on/-/line/Erregistro-Orokor-Elektronikoa). Eskaera hona bideratu behar dute: Osasun Departamentuko Idazkaritza Tekniko Nagusia, Espedienteen Tramitazioaren eta Laguntza Juridikoaren Atala. Eskaerarekin batera helbide elektroniko bat emanen dute, espedientea helbide horretara bidal dakien.
Iruñean, 2023ko abuztuaren 9an.–Espedienteen Tramitazioaren eta Laguntza Juridikoaren Ataleko burua, Laura Díaz de Cerio Pérez.
Iragarkiaren kodea: F2311663
