2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
CÁRCAR
Xehetasun-azterketa, 3. poligonoko 74. eta 75. lurzatietan. Behin betiko onespena
Carcarko Udalak, 2023ko uztailaren 17an egindako osoko bilkuran, honako erabaki hau hartu zuen:
a) Behin betiko onestea xehetasun-azterketa bat 3. poligonoko 74. eta 75. lurzatietan. Domingo Yoldi Pérezek eta Victoria Gutiérrez Sádabak sustatu dute.
b) Erabaki hau igortzea Nafarroako Gobernuari, onetsitako xehetasun-azterketaren espedientearen ale batekin batera, inskriba dadin Planeamenduko Erregistroan, eta argitaratzea Nafarroako Aldizkari Ofizialean eta Udalaren iragarki-taulan.
Ebazpen honen aurka, hautara, errekurtso hauetako bat aurkezten ahal da:
–Administrazioarekiko auzi-errekurtsoa, zuzendua Nafarroako Auzitegi Nagusiko Administrazioarekiko Auzien Salari, bi hilabeteko epean, ebazpen hau jakinarazi eta biharamunetik hasita; edo bestela,
–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik hasita.
ARAUDIA:
A. Antolamendu-planoak.
Eransten da antolamenduko proposamenaren grafikoa den planoa.
Bertan kotatu dira proposatutako bolumenak.
B. Hirigintzako arauak.
Ez da aldatzen hirigintzako araurik, salbu adierazitako bolumenetako lerrokadurak eta antolamendua, horixe baita xehetasun-azterketaren xedea.
Carcarren, 2023ko uztailaren 28an.–Alkatea, M.ª Teresa Insausti Sola.
Antolamendu-planoa (PDFa).
Iragarkiaren kodea: L2311235
