2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
CORELLA
Xehetasun-azterketa, Tafalla kaleko etxebizitza multzoko etxebizitza kolektiboko eraikinetarako. Hasierako onespena
Corellako Udalaren Gobernu Batzarrak, 2023ko uztailaren 31n egindako bilkuran, honako erabaki hau hartu zuen:
Ikusirik Sara Catalán Sesmak aurkeztutako idatzia (sarrera-erregistroko zenbakia: 1012/2023), zeinaren bidez eskatzen baitu izapidetu dadila Tafalla kaleko 1, 2, 4, 6, 7, 8 , 9 eta 10 zenbakietarako xehetasun-azterketa.
Kontuan hartuz arkitektoaren txostena eta Udaleko idazkariarena, espedientean baitaude.
Kontuan hartuz uztailaren 26ko 1/2017 Legegintzako Foru Dekretua, zeinaren bidez onesten baita Lurraldearen Antolamenduari eta Hirigintzari buruzko Foru Legearen testu bategina.
Bertaratu guztien aldeko botoarekin, honako hau ERABAKITZEN DA:
Lehena.–Hasiera batez onestea Sara Catalán Sesmak aurkeztutako eskaera, Tafalla kaleko 1, 2, 4, 6, 7, 8, 9 eta 10 zenbakietarako xehetasun-azterketa izapidetzekoa.
Bigarrena.–Espedientea jendaurrean edukitzea 20 egunez, iragarkia argitaratuz Nafarroako Aldizkari Ofizialean, iragarki-taulan eta Nafarroako Foru Komunitatean editatzen diren egunkarietan.
Hirugarrena.–Ikusirik informazio publikoa, behin betiko onets bedi, Osoko Bilkuraren erabakiaren bidez, xehetasun-azterketa, egoki diren aldaketekin, eta igor bedi espediente osoa Ingurumen, Lurraldearen Antolamendu eta Etxebizitza Departamentura, jakin dezan eta behar diren ondorioak izan ditzan.
Laugarrena.–Erabakitzea etenda uztea lizentzien ematea aldaketak ukitutako eremuan; haren determinazio berriek ekartzen baitute indarrean dagoen hirigintzako araubidea aldatzea. Etenak urtebete iraunen du gehienez.
Bosgarrena.–Erkidegoek eskuratu behar dutenez lerrokadura berriak exekutatzeko behar den bide publikoko azalera, xehetasun-azterketa hau behin betiko onetsi ahal izateko baldintza izanen da, hain zuzen, aurretik eskuratzea azalera hori.
Corellan, 2023ko uztailaren 31n.–Alkatea, Gorka García Izal.
Iragarkiaren kodea: L2311293
