3. ESTATUKO ADMINISTRAZIOA
EBROKO KONFEDERAZIO HIDROGRAFIKOA
Esako urtegiaren 2024ko erregulazio kanona
2023ko ekainaren 22an emandako ebazpena.
"Jabari Publiko Hidraulikoari buruzko Erregelamendua onesten duen apirilaren 11ko 849/1986 Errege Dekretuaren 302. artikuluan eta Konfederazio hidrografikoen lehendakaritzaren mendeko egitura organikoa zehazten duen uztailaren 28ko 984/1989 Errege Dekretuaren 5. artikuluan xedatutakoarekin bat, Ebroko Konfederazio Hidrografikoko Zuzendaritza Teknikoko 3. Ustiapen Zerbitzuak Esako urtegiaren 2024ko erregulazio kanonaren kalkulua eta azterlan teknikoa eta ekonomikoa egin zituen, eta azken horretan 15. Ustiapen Batzordeak parte hartu zuen (2023ko martxoaren 16ko bilkura).
Hori guztia ikusirik, erakunde honetako Zuzendaritza Teknikoak, 2023ko apirilaren 10ean, Esako urtegiaren 2024ko erregulazio kanonaren proposamena onetsi zuen, Jabari Publiko Hidraulikoari buruzko Erregelamenduaren 302. artikuluan aurreikusitako ondorioak sortzeko eta proposamena jendaurrean jartzeko.
Horretarako, 2023ko maiatzaren 23an iragarki bat eman zen argitara Zaragozako eta Nafarroako probintzietako aldizkari ofizialetan, zeinaren bidez jendaurrean jarri zen, hamabost egun baliodunetan, Esako urtegiaren 2024ko erregulazio kanonak jasotzen duen balio proposamen hau:
A) Nekazaritzako erabiltzaileek, ureztatzeko ura Bardeako Ubidetik hartzeko kontzesioa dutenek, 3,5960969772 euro ordainduko dituzte hektareako.
B) Nekazaritzako erabiltzaileek, ureztatzeko ura Aragoi ibaitik hartzeko kontzesioa dutenek, Esako presa egin aurrekoa, 0,4224276559 euro ordainduko dute hektareako.
C) Nekazaritzako erabiltzaileek, ureztatzeko ura Aragoi ibaitik hartzeko kontzesioa dutenek, Esako presa egin ondokoa, 2,3973979848 euro ordainduko dituzte hektareako.
D) Ebroko Ardatza Esako urtegiaren erregulazioaren onuraduntzat joko da eta 7.946,30 euro ordainduko ditu. Zenbateko hori kontuan hartuko da Ebroko urtegiaren erregulazio kanona kalkulatzeko orduan.
E) Erabiltzaile hidroelektrikoek, aprobetxamenduak Bardeako Ubideko zentraletan dituztenek, 0,0008990242 euro ordainduko dute kWh-ko.
F) Erabiltzaile hidroelektrikoek, kontzesioa Aragoi ibaian dutenek, Irati ibaiarekiko elkargunea baino gorago eta presaren erregulazioa egin aurrekoa, 0,0006321168 euro ordainduko dute kWh-ko.
G) Erabiltzaile hidroelektrikoek, kontzesioa Aragoi ibaian dutenek, Irati ibaiarekiko elkargunea baino beherago eta presaren erregulazioa egin aurrekoa, 0,0003706301 euro ordainduko dute kWh-ko.
H) Horniduretarako eta industrian kontsumituz erabiltzeko, Bardeako Ubidetik hartzen dutenek 0,0022475606 euro ordainduko dute metro kubikoko.
I) Horniduretarako eta industrian kontsumituz erabiltzeko, Aragoi ibaian ur-kontzesioa duten erabiltzaileek 0,0014983737 euro ordainduko dute metro kubikoko.
J) Kontsumitu gabe erabiltzeko, Aragoi ibaian ur-kontzesioa duten erabiltzaileek, Irati ibaiarekiko elkargunea baino gorago, 0,0002247561 euro ordainduko dute metro kubikoko.
K) Kontsumitu gabe erabiltzeko, Aragoi ibaian ur-kontzesioa duten erabiltzaileek, Irati ibaiarekiko elkargunea baino beherago, 0,0001498374 euro ordainduko dute metro kubikoko.
L) Estatuak, obren onuraduna den aldetik (uholdeen kontrako babesa eta gainerako onura orokorrak), 239.315,16 euro ordainduko dizkio erakunde kudeatzaileari, erregulazio kanon gisa.
Iragarkia argitaratu zenetik aipatutako epea iragan delarik erreklamaziorik aurkeztu gabe, ikusirik Jabari Publiko Hidraulikoari buruzko Erregelamendua onesten duen apirilaren 11ko 849/1986 Errege Dekretuaren 302. artikuluan xedatutakoa, eta Uren Legearen Testu Bategina onetsi zuen uztailaren 2ko 1/2001 Legegintzako Errege Dekretuaren 30.d) eta 30.e) artikuluaren eta Uraren Administrazio Publikoaren eta Plangintza Hidrologikoaren Erregelamendua onetsi zuen uztailaren 29ko 927/1988 Errege Dekretuaren 33.2.i) artikuluaren bidez emandako eskumenaz baliatuz, lehendakaritza honek erabaki du Esako urtegiaren 2024ko erregulazio kanona onestea, jendaurrean jarritako proposamenarekin bat."
Jabari Publiko Hidraulikoaren Erregelamenduaren 313. artikuluan xedatutakoarekin bat, ebazpen hau ekonomiko administratiboa da eta, beraz, haren kontra berraztertzeko errekurtsoa aurkeztu ahal izanen da, hautazkoa, edo erreklamazio ekonomiko administratiboa; erreklamazioaren kasuan Aragoiko Auzitegi Ekonomiko Administratibora igorriko da. Aurkaratzeko bi bideak ezin dira aldi berean erabili. Bi errekurtsoak Ebroko Konfederazio Hidrografikoan aurkeztu beharko dira, ebazpen hau argitaratu eta hurrengo hilabetean, Tributuei buruzko abenduaren 17ko 58/2003 Lege Orokorraren 222., 223., 225., 229. eta 235. artikuluetan ezarritakoaz baliatuz.
Zaragozan, 2023ko uztailaren 13an.–Idazkari nagusia, Carolina Marín Hijano.
Iragarkiaren kodea: E2310664
