2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
SARTAGUDA
Deialdia, lanpostu hutsak bete daitezen merezimendu-lehiaketaren bidez, aldi baterako enplegua egonkortzeko eta finkatzeko prozesu bereziaren barnean. Izendapena
Alkatetzaren 2023ko uztailaren 6ko Ebazpena, zeinaren bidez Sergio Martínez Rubio izendatzen baita administrari-ofizial Sartagudako Udalean.
Nik, Beatriz Santos Belinchónek, Sartagudako Udaleko alkate udalburuak, ikusirik Alkatetzaren 2022ko azaroaren 7ko 100/2022 Ebazpena, zeinaren bidez onesten baitira oinarri batzuk, merezimendu-lehiaketa bereziaren bidez bete dadin Sartagudako Udaleko administrari-ofizialaren lanpostua, dagokiona aldi baterako enplegua egonkortzeko eta finkatzeko prozesu bereziari, jarraikiz abenduaren 28ko 20/2021 Legeari (lege horrek hizpide ditu premiazko neurri batzuk, enplegu publikoan dagoen behin-behinekotasuna murrizteko), eta ikusirik, orobat, 2022ko maiatzaren 15ean onetsi zela izangai onartuen behin betiko zerrenda, argitaratu zena Sartagudako Udalaren web-orrian.
Oposizioaldia eta merezimendu-lehiaketa bukaturik, izendapen-proposamena argitara eman zen toki erakundearen web-orrian, puntuaziorik handiena lortu zuen izangaiaren alde, betetzen baitzituen deialdian eskatutako baldintzak, eta lekua baitzuen deialdiko plaza kopuruan.
Bete dira abuztuaren 30eko 251/1993 Legegintzako Foru Dekretuaren 9. artikuluan ezarritako betebeharrak (legegintzako foru dekretu horren bidez onetsi zen Nafarroako Administrazio Publikoen zerbitzuko Langileen Estatutuaren testu bategina), eta aurkeztu dira izendapen-proposamenerako nahitaezkoak diren agiriak. Gainera, izendapen-proposamen honen akta argitaratu eta hilabete igaro da, eta ez da kontrako errekurtsorik aurkeztu.
Horiek horrela, eta erabiliz apirilaren 2ko 7/1985 Legearen 21.1 artikuluan ezarritako eskumenak (lege horren bidez arautzen dira Toki Araubidearen Oinarriak),
EBAZTEN DUT:
Lehenbizikoa.–Sergio Martínez Rubio izendatzea Sartagudako Udaleko administrari-ofizial.
Bigarrena.–Izendatutako izangaiak uztailaren18an jabetu behar du lanpostuaz, jarraikiz uztailaren 1eko 19/20022 Foru Legearen 6.44 artikuluari (foru lege horrek hizpide ditu presako neurri batzuk, egonkortze-prozesuak egiteko Nafarroako Administrazio Publikoetan, abenduaren 28ko 20/2021 Legearen ondorioz –lege horrek hizpide ditu premiazko neurri batzuk, enplegu publikoan dagoen behin-behinekotasuna murrizteko).
Egun horretan lanpostuaz jabetzen ez bada, salbu behar bezala justifikatutako ezinbesteko kasuetan, galduko ditu Sartagudako Udaleko lan-kontratudun finkoa izateko eskubide guztiak.
Hirugarrena.–Ebazpen hau interesdunari jakinaraztea, Nafarroako Aldizkari Ofizialean argitaratzeko agintzea, eta Udalbatzari horren berri ematea egiten duen hurrengo bilkuran.
Aditzera ematen da, denek jakin dezaten eta behar diren ondorioak izan ditzan, eta ohartarazten da ebazpen honen aurka, zeinak administrazio bidea bukatzen baitu, errekurtso hauetako bat aurkez daitekeela:
a) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, jakinarazten denetik hasita.
b) Berraztertzeko errekurtsoa, hura eman duen udal organoari zuzendua, adierazitako epe berean.
c) Administrazioarekiko auzi-errekurtsoa, zuzenduko zaiona jurisdikzio horretako organo eskudunari, bi hilabeteko epean, jakinarazten zaionetik hasita.
Sartagudan, 2023ko uztailaren 7an.–Alkate udalburua, Beatriz Santos Belinchón.
Iragarkiaren kodea: L2310720
