2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZIZUR NAGUSIA
2023an langabeen kontratazioa sustatzeko dirulaguntzen deialdiaren laburpena
DDBN (Identif.): 710142.
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Haren testu osoa Dirulaguntzen Datu Base Nazionalean aurki daiteke (http://www.pap.minhafp.gob.es/bdnstrans/GE/eu/index).
2023ko uztailaren 26ko Alkatetzaren 803/2023 Ebazpenaren bidez onetsia.
Lehena.–Onuradunak.
Oinarri arautzaile hauetan ezarritako laguntzen onuradun izan ahalko dira, edozein forma juridiko dutela ere, Nafarroako Enplegu Zerbitzuko -Nafar Lansare- enplegu agentzietan izena emanda dauden eta Zizur Nagusian erroldatuta dauden (gutxienez urtebeteko erroldatze-antzinatasunarekin) langabeak kontratatzen dituzten enpresak, baldin eta deialdian ezartzen diren betekizunak eta baldintzak betetzen badituzte.
Bigarrena.–Xedea.
2023an langabeen kontratazioa sustatzeko dirulaguntzaren helburua da herriko langabeen kontratazio-kopurua handitzea, eta, horretarako, kontratazioa sustatzeko pizgarriak ezartzea enplegua sortzeko eta, ondorioz, Zizur Nagusiaren garapen ekonomiko eta sozialean eragiteko.
Helburu hori lortzeko, lanaldi osoko eta lanaldi erdiko kontratazioetarako dirulaguntzak sustatzen dira, 6 hilabetetik gorako kontratu-iraupena badute.
Hirugarrena.–Oinarri arautzaileak.
2023an langabeen kontratazioa sustatzeko dirulaguntzen deialdia.
Laugarrena.–Zenbatekoa.
5.000 euro.
Bosgarrena.–Eskaerak aurkezteko epea.
Eskabideak aurkezteko epea hasiko da deialdiaren laburpena Nafarroako Aldizkari Ofizialean behin betiko argitaratzen den egunaren biharamunean. Deialdi honetan, dirulaguntzen eskabideak aurkezteko azken eguna 2023ko abenduaren 1a izango da.
Eskabideak epe horretatik kanpo aurkeztuz gero, ez dira onartuko.
Zizur Nagusian, 2023ko uztailaren 26an.–Alkatea, Jon Gondán Cabrera.
Iragarkiaren kodea: L2311104
