2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ORKOIEN
Deialdia, laguntza ekonomikoak emateko, 2023ko udako euskarazko kanpamentuetarako. Laburpena
DDBN (Identifikazioa): 695770.
Argitara ematen da deialdiaren laburpena, jarraikiz azaroaren 17ko 38/2003 Lege Orokorraren 17.3.b eta 20.8.a artikuluei (Dirulaguntzei buruzko Lege Orokorra); haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/695770).
A) Onuradunak izanen dira betebehar hauek betetzen dituztenak:
A.–LHko edo DBHko ikaslea izatea.
B.–Orkoienen erroldatuta egotea eskaera aurkeztu baino urtebete lehenagotik gutxienez, eta zer ikastarotarako eskatzen den laguntza, hark dirauen bitartean.
B) Xedea: hein batean finantzatzea euskara hutsezko kanpamentuetan parte hartzeak dakarren gastua; horien edukiak izanen dira ludikoak, kirol arlokoak eta/edo natura arlokoak.
C) Oinarri arauemaileak: dirulaguntzen Base Nazionalean eta Udalaren webgunean.
D) Zenbatekoa: dirulaguntzaren zenbateko ekonomikoa izanen da baremo ekonomikoaren araberakoa, eta horren arabera emanen da.
E) Eskabideak aurkezteko epea: deialdi hau onesten denetik irailaren 30era arte.
Orkoienen, 2023ko maiatzaren 17an.–Alkatea, Carlos Arróniz Loyola.
Iragarkiaren kodea: L2310556
