2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
CADREITA
Alkatetzaren eskuordetze berezia
Cadreitako alkateak ebazpen bat eman zuen 2023ko uztailaren 6an. Hona hemen haren xedapen-zatia:
Lehena.–José María Palacios de Mier zinegotziaren esku modu berezian uztea honako eskumen hauek: udal eraikinen, espazio publikoen eta udalerriko argiteria publikoaren mantentze eta zaintze lanak gainbegiratzea, zuzentzea eta kudeatzea. Ahalmena izanen du hirugarrenei eragiten dieten gaiei buruz ebazteko, administrazio-egintzen bidez.
Bigarrena.–Ebazpena zinegotzi ordezkariari jakinaraztea eta Nafarroako Aldizkari Ofizialean eta Cadreitako Udalaren iragarki-taulan argitaratzea.
Hirugarrena.–Udalbatzari berri ematea, egiten duen hurrengo osoko bilkuran.
Cadreitan, 2023ko uztailaren 13an.–Alkatea, Berta Pejenaute Prat.
Iragarkiaren kodea: L2310616
