2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
OTEITZA
Akats zuzenketa, 2023ko zerga-tasetan
Ikusirik badela akats bat 2023rako zerga-tasen onarpenari buruzko iragarkian, tasak argitaratu baitziren 2022ko 248. Nafarroako Aldizkari Ofizialean, abenduaren 13an, akatsa zuzendu da. Izan ere, hiri-lurren balio-gehikuntzaren gaineko zergari dagokionez, testu bat argitaratu da, bat ez datorrena onartutakoarekin.
Honela dioen tokian:
–Hiri-lurren balio-gehikuntzaren gaineko zerga: sortzapenaren unean lurraren balioaren gainean aplikatu beharreko koefizientea, Nafarroako Toki Ogasunei buruzko Legearen 175.2 artikuluan ezarritakoaren arabera kalkulatua. Hona hemen koefizienteak:
KOEFIZIENTEA | SORTZEALDIA |
0,45 | 20 urte edo hortik gora |
0,36 | 19 urte |
0,26 | 18 urte |
0,20 | 17 urte |
0,16 | 16 urte |
0,12 | 15 urte |
0,10 | 14 urte |
0,08 | 13 urte |
0,08 | 12 urte |
0,08 | 11 urte |
0,08 | 10 urte |
0,09 | 9 urte |
0,10 | 8 urte |
0,12 | 7 urte |
0,16 | 6 urte |
0,17 | 5 urte |
0,17 | 4 urte |
0,16 | 3 urte |
0,15 | 2 urte |
0,13 | Urtebete |
0,14 | Urtebetetik behera |
Koefiziente horiek urtero eguneratuko dira, Nafarroako Toki Ogasunei buruzko 2/1995 Foru Legearen 58.2 artikuluan ezarritakoari jarraikiz.
Honela behar du:
–Hiri-lurren balio-gehikuntzaren gaineko zerga:
a) Hiri-lurren balio-gehikuntzaren gaineko zergari dagokionez, sortzapenaren unean lurraren balioaren gainean aplikatu beharreko koefizienteak honela geldituko dira ezarriak 2022rako eta hurrengo urteetarako, osoko bilkuran kontrakoa erabaki ezean: legezko gehienekoa, Nafarroako Toki Ogasunei buruzko martxoaren 10eko 2/1995 Foru Legea eguneratzen denean urtero zehazten dena, lege horren 175.2 artikuluan xedatutakoarekin bat etorriz.
b) Karga-tasa bere horretan gelditzen da; karga-tasa bakarra izanen da balio-gehikuntza sortzen den aldi guztietan: %16,20.
Oteitzan, 2023ko urtarrilaren 11n.–Alkatea, Rubén Darío Martínez Landa.
Iragarkiaren kodea: L2300553